ଜୁନାଗଡ/ଦାସିଗଁ। ,୧୦।୮(ଡି.ଏନ.ଏ.)
କଳାହାଣ୍ଡି ଜିଲା ଜୁନାଗଡ ବ୍ଲକ ଦାସିଗଁ। ୩ ନଂ. ୱାର୍ଡ ଦର୍ଳିପଡାରେ ପାଣି ନିଷ୍କାସନ ପାଇଁ କୌଣସି ଡ୍ରେନଜ ବ୍ୟବସ୍ଥା ନାହଁି। ଫଳରେ ସାମାନ୍ୟ ବର୍ଷା ହେଲେ ଲୋକଙ୍କ ଘରେ ପାଣି ପଶିଥାଏ। ଗତ ସୋମବାର ଓ ମଙ୍ଗଳବାର ପ୍ରବଳ ବର୍ଷାରେ ସ୍ଥାନୀୟ ପଡାବାସୀଙ୍କ ଘରେ ପାଣି ପଶିଥିଲା। ପଡାରେ ରହୁଥିବା ୧୨ଟି ପରିବାର ଲୋକେ ଅନ୍ୟ କିଛି ଉପାୟ ନ ପାଇଁ ବାଧ୍ୟହୋଇ ବୁଧବାର ସନ୍ଧ୍ୟାରେ ସେମାନେ ଘର ଛାଡି ସ୍ଥାନୀୟ ଦାସିଗଁା ପଞ୍ଚୟତ କାର୍ଯ୍ୟାଳୟରେ ଆଶ୍ରୟ ନେଇଛନ୍ତି। ସେଠାରେ ସେମାନେ ଆଶ୍ରୟ ନେବା ସହ ରନ୍ଧନ ମଧ୍ୟ କରୁଛନ୍ତି। ବୁଧବାର ଏ ସଂକ୍ରାନ୍ତରେ ପଡାବାସୀ ଧର୍ମଗଡ ଉପଜିଲାପାଳଙ୍କୁ ଲିଖିତ ଅଭିଯୋଗ କରିଥିଲେ। ଏହା ପରେ ବି କିଛି ସମାଧାନ ହୋଇପାରି ନ ଥିଲା। ଏହି ଘଟଣାକୁ ନେଇ ଶୁକ୍ରବାର ଧରିତ୍ରୀରେ ଏକ ରିପୋର୍ଟ ପ୍ରକାଶ ପାଇବା ପରେ ଉକ୍ତ ଦିନ ଜୁନାଗଡ ତହସିଲଦାର ଉପେନ୍ଦ୍ର ଲୁହା ଘଟଣାସ୍ଥଳରେ ପହଞ୍ଚ ସ୍ଥିତି ଅନୁଧ୍ୟାନ କରିଛନ୍ତି। ଏହି ସମୟରେ ତହସିଲଦାର ଲୁହା ପଡାବାସୀଙ୍କ ସହ ପାଣି ନିଷ୍କାସନ କିଭଳି ହେବ ସେ ନେଇ ଆଲୋଚନା କରିଥିଲେ। ଗତ ବୁଧବାରଠାରୁ ଏହି ପଡାର ୧୨ ପରିବାରର ୫୩ ଜଣ ସଦସ୍ୟାସଦସ୍ୟ ପଞ୍ଚାୟତ କାର୍ଯ୍ୟାଳୟରେ ଆଶ୍ରୟ ନେଇଛନ୍ତି। ଏପରି ଅସହାୟ ପରିବାରକୁ ସହାୟତା କରିବା ବଦଳରେ ସ୍ଥାନୀୟ ସରପଞ୍ଚଙ୍କ ସମ୍ପର୍କୀୟ ଏଠାରେ କାହା ଅନୁମତିରେ ଓ କାହଁିକି ରହୁଛି ବୋଲି ଆଶ୍ରିତ ଥିବା ପରିବାରକୁ ନାଲି ଆଖି ଦେଖେଉଥିବା ଅଭିଯୋଗ ହୋଇଛି। ଏ ନେଇ ଜୁନାଗଡ ବିଡିଓ ଦୁଲାରାମ ମାରାଣ୍ଡିଙ୍କୁ ପଚାରିବାରୁ ପଞ୍ଚାୟତରେ ଆଶ୍ରୟ ନେବାରେ କୌଣସି ଅସୁବିଧା ନାହଁି। ଡ୍ରେନେଜ ବ୍ୟବସ୍ଥା ନ ଥିବାରୁ ସେହି ପଡାରେ ଏହି ସମସ୍ୟା ଦେଖାଦେଇଛି। ସ୍ଥାନୀୟ ଯନ୍ତ୍ରୀଙ୍କୁ କୁହାଯାଇଛି। ସେଠାରେ ଡ୍ରେନେଜ ବ୍ୟବସ୍ଥା କରାଯିବ ବୋଲି କହିଥିଲେ।
