ଦାରିଙ୍ଗବାଡ଼ି ଅଞ୍ଚଳରେ କାଜୁ ଚାଷ ନୈରାଶ୍ୟଜନକ

ଦାରିଙ୍ଗବାଡି,୨୩।୫(ଡି.ଏନ.ଏ)-ଦାରିଙ୍ଗବାଡି ବ୍ଲକ ଅଞ୍ଚଳ ସମେତ ପଡୋଶୀ ଜିଲା ଗଜପତିର ପାଣିଗଣ୍ଡା, କଟାମାହା ଆଦି ଅଞ୍ଚଳରେ ଏବେ କାଜୁ ଚାଷ ପ୍ରତି ଆଗ୍ରହ ବୃଦ୍ଧି ପାଉଛି। ତେବେ ଚଳିତ ବର୍ଷ କାଜୁ ଫସଲରେ ଚାଷୀଙ୍କୁ ନିରାଶ ହେବାକୁ ପଡିଛି। ଯେତିକି କାଜୁ ଅମଳ ହେଉଥିଲା ତାହା ଚଳିତ ବର୍ଷ ୩୦ ରୁ ୪୦ ପ୍ରତିଶତକୁ ଖସିଆସିଛି।
ଅଞ୍ଚଳରେ କାଳବୈଶାଖୀ ପ୍ରଭାବରେ ଚଳିତବର୍ଷ ଫସଲ ନଷ୍ଟ ହୋଇଥିବାରୁ ଏଭଳି ଅମଳ କମିଥିବା କାଜୁ ବ୍ୟବସାୟୀ ରାମ ପୃଷ୍ଟି କହିଛନ୍ତି। ସେ କହିଛନ୍ତି ଯେ, ଚଳିତବର୍ଷ କାଜୁର ମାନ ମଧ୍ୟ ନିମ୍ନ ରହିଛି। ସେଥି ପାଇଁ ବଜାରରେ ଏହାର ଚାହିଦା କମିଥିବା ସେ ଆଶଙ୍କା କରିଛନ୍ତି। ସେପଟେ କିଲୋ ପିଚ୍ଛା ୧୨୫ରୁ ଉର୍ଦ୍ଧ୍ୱ ଦର ରହୁଥିବା ବେଳେ ଚଳିତବର୍ଷ ଚାଷୀଙ୍କୁ ୧୦୦ରୁ ୧୧୦ ଟଙ୍କାରେ ବିକ୍ରି କରିବାକୁ ପଡୁଛି। ଗୋଟିଏ ପଟେ ଫସଲ ଅମଳ ହ୍ରାସ, ଅନ୍ୟପଟେ ଶସ୍ତା ଦରରେ ବିକି ଚାଷୀ ବିପୁଳ କ୍ଷତି ସହୁଛି।
ଏବେ ସରକାର ଉକ୍ତ ବ୍ଲକ ଅଞ୍ଚଳରେ ବିଭିନ୍ନ ଚାଷ ପାଇଁ ଗୁରୁତ୍ୱ ପ୍ରଦାନ କରୁଥିବା ବେଳେ କାଜୁ ଚାଷୀଙ୍କୁ ମଧ୍ୟ ଗୁରୁତ୍ୱ ପ୍ରଦାନ କରାଯାଇଛି। ଚଳିତବର୍ଷ ଜିଲାର ବାଲିଗୁଡା ଉପଖଣ୍ଡ ଅଞ୍ଚଳର ୯ଟି ବ୍ଲକ ତଥା ତୁମଡିବନ୍ଧ ସମେତ କୋଟଗଡ, ବାଲିଗୁଡା, କ. ନୂଆଗଁା, ଦାରିଙ୍ଗବାଡି, ରାଇକିଆ, ଜି.ଉଦୟଗିରି, ଟିକାବାଲି ଏବଂ ଚକାପାଦ ଅଞ୍ଚଳରେ ୩ଶହ ହେକ୍ଟର ଜମିରେ କାଜୁ ଚାଷ ପାଇଁ ସହାୟତା ପ୍ରଦାନ କରାଯାଇଥିବା ବେଳେ ସେଥିରୁ କେବଳ ଦାରିଙ୍ଗବାଡିରେ ୪୦ହେକ୍ଟର ପର୍ଯ୍ୟନ୍ତ କାଜୁ ଚାଷ କରାଯାଇଛି। ଚାଷୀଙ୍କୁ ସମସ୍ତ ପ୍ରାପ୍ୟ ମିଳି ନ ଥିବା ଜଣାପଡିଛି। ସରକାରଙ୍କ ପକ୍ଷରୁ ନୂତନ ଭାବେ ଚାଷ କରୁଥିବା ଚାଷୀଙ୍କୁ ଗୋଟିଏ ହେକ୍ଟର ଜମି ପାଇଁ ୨୦ ହଜାର ଟଙ୍କା ପର୍ଯ୍ୟନ୍ତ ଆର୍ଥତ୍କ ସହାୟତା ରହିଛି। ପ୍ରଥମ ବର୍ଷ ୧୨ ହଜାର, ଦ୍ୱିତୀୟ ବର୍ଷ ୪ ହଜାର ଓ ତୃତୀୟ ବା ଶେଷ ବର୍ଷ ଆଉ ୪ ହଜାର ସହାୟତା କରାଯାଉଥିବା ବେଳେ ଏହା ୩ ବର୍ଷ ମଧ୍ୟରେ ସମସ୍ତ ପ୍ରାପ୍ୟ ବ୍ୟାଙ୍କ ପାସ ବୁକ୍‌ ଜରିଆରେ ମିଳିବ ବୋଲି ବାଲିଗୁଡା ଉପଖଣ୍ଡ ସ୍ତରୀୟ ଉଦ୍ୟାନ ବିଭାଗର ଅତିରିକ୍ତ ଉପନର୍ଦ୍ଦେଶକ ରମାକାନ୍ତ ଗିରି କହିଛନ୍ତି। ସେ କହିଛନ୍ତି ଯେ, ଏବେ କାଜୁ ଚାଷକୁ ଦାରିଙ୍ଗବାଡି ବ୍ଲକର ବ୍ରାହ୍ମଣୀଗାଁ ଅଞ୍ଚଳରେ ଅଧିକା ଗୁରୁତ୍ୱ ପ୍ରଦାନ କରାଯାଇଛି। ସେଠାକାର ଜଳବାୟୁ କାଜୁ ଚାଷ ପାଇଁ ଅନୁକୂଳ ଥିବା ସେ କହିଛନ୍ତି।
ସୂଚନାଯୋରଗ୍ୟ ଯେ, ଅଞ୍ଚଳରେ ପୂର୍ବରୁ ଚାଷୀ କେବଳ ହଳଦୀ, ଅଦା, କାନ୍ଦୁଲ, ଶୋରିଷ, ତିଳା, ଆଦି ଚାଷ କରୁଥିବା ବେଳେ ଏବେ ଆମ୍ବ, କଦଳୀ, ଫୁଲ ଝାଡୁ, ପନିପରିବା ଆଦି ଚାଷକରି ଭଲ ଦି ପଇସା ରୋଜଗାର କରୁଛନ୍ତି। ସେହିପରି କାଜୁର ବଜାର ଦର ମଧ୍ୟ ଭଲ ରହୁଥିବାରୁ ଏହାକୁ ଏବେ ଚାଷୀ ଆଦରି ନେଇଛି। କୁମ୍ଭାରିଗାଁ ପଞ୍ଚାୟତ ଲମ୍ବକିଆରୀ ଗ୍ରାମରେ ପ୍ରାୟ ୪୦ ଏକର ଜମିରେ ଏହି ଚାଷ କରାଯାଉଥିବା ବେଳେ ବ୍ରାହ୍ମଣୀଗଁାରେ ପ୍ରାୟ ୩୦ ଏକର, ଝିଞ୍ଜିରିଗୁଡା କିରାମାହାରେ ୩୫ ଏକର ଜମିରେ କାଜୁ ଚାଷ କରାଯାଉଛି। ଏହା ମାର୍ଚ୍ଚ ମାସଠାରୁ ମେ’ ପର୍ଯ୍ୟନ୍ତ ଆଦାୟ ଓ ବିକ୍ରି କରାଯାଉଛି। ଆଦାୟ ପୂର୍ବରୁ ନିଅଁା ଦାଉରୁ ଏହାକୁ ରକ୍ଷା କରିବା ପାଇଁ ଚାଷୀଙ୍କୁ ଅଧିକା ଖର୍ଚ୍ଚାନ୍ତ ହେବାକୁ ପଡୁଛି। ୫ବର୍ଷ ପରିଶ୍ରମ କଲେ ଏହି ଚାଷରେ ବହୁତ ଫାଇଦା ରହିଥିବା କାଜୁ ଚାଷୀ ମାରିଆନ ଉଠାଣ ସିଂ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କ୍ଷେତରୁ ଯୁବକଙ୍କ ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

ବ୍ରହ୍ମପୁର ଅଫିସ,୫।୧୨: ଗଞ୍ଜାମ ଜିଲା ବ୍ରହ୍ମପୁର ଖଜୁରିଆ ଜାତୀୟ ରାଜପଥ କଡରେ ଥିବା ଏକ ବୁଦାମୂଳରୁ ଗୋସାଣି ନୂଆଗାଁ ପୋଲିସ ଜଣେ ଯୁବକଙ୍କ ଗଳିତ ମୃତଦେହ...

ହାତ ସଫା ପାଇଁ ଗଞ୍ଜାମ ମେଡିକାଲରେ ଲଗାଯାଇଥିବା ବେସିନ ଭାଙ୍ଗିଲେ ଦୁର୍ବୃତ୍ତ

ଗଞ୍ଜାମ, ୪।୫(ଡି.ଏନ୍‌.ଏ.): ସାରା ବିଶ୍ୱରେ କରୋନା(କୋଭିଡ ୧୯) ଦିନକୁ ଦିନ ଉଗ୍ର ରୂପ ଧାରଣ କରୁଛି। ଏଥିପାଇଁ ସରକାର ଓ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ...

ଛୋଟ ସହରର ବିକାଶ ଉପରେ ଅଧିକ ଗୁରୁତ୍ୱ ଦିଆଯାଉଛି: ମୁଖ୍ୟମନ୍ତ୍ରୀ

ଭୁବନେଶ୍ୱର(ବ୍ୟୁରୋ)/ଦିଗପହଣ୍ଡି୧୩/୮(ଡି.ଏନ୍‌.ଏ.): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ଦିଗପହଣ୍ଡିଠାରେ ଏକ ତୁଳା ଜିନିଂ ଓ ପ୍ରେସିଂ ମିଲ୍‌ ଏବଂ ଏକ ନୂଆ ବସ୍‌ ଟର୍ମିନାଲ ଉଦ୍‌ଘାଟନ କରିଛନ୍ତି।...

ମଧୁ ଆପ୍‌ରେ ପାଠ ପଢୁଛନ୍ତି ୧ଲକ୍ଷ ୧ହଜାର ସ୍କୁଲ ପିଲା: ଟୁଇଟ୍‌କରି ସୂଚନା ଦେଲେ ଗଞ୍ଜାମ ଜିଲାପାଳ

ଛତ୍ରପୁର, ୨୩।୫(ଡି.ଏନ୍‌.ଏ.): ଗଞ୍ଜାମ ଜିଲା ପ୍ରଶାସନ ପକ୍ଷରୁ ସ୍କୁଲ ପିଲାମାନଙ୍କ ପାଠପଢ଼ା ନିମନ୍ତେ ଗତବର୍ଷ ଠାରୁ ମଧୁ ଆପ୍‌ ଆରମ୍ଭ ହୋଇଛି। ଏହାକୁ ଭିଡିଓ କନ୍‌ଫରେନ୍ସିଂ...

ଗଞ୍ଜାମରେ ଆଉ ୧୮ କରୋନା ଯୋଦ୍ଧା ପଜିଟିଭ

ଛତ୍ରପୁର, ୧୭।୬(ଡି.ଏନ୍‌.ଏ.): ଗଞ୍ଜାମ ଜିଲାରୁ ଶନିବାର ନୂଆ ୫୮ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରେ ୧୮ଜଣ କରୋନା ଯୋଦ୍ଧା ରହିଛନ୍ତି। ପୁରୁଷୋତ୍ତମପୁରରେ ଜଣେ...

ମା’ ବୁଢ଼ୀ ଠାକୁରାଣୀ ଯାତ୍ରା: ଆଜି ଆସିବ ଆଜ୍ଞାମାଳ

ବ୍ରହ୍ମପୁର ଅଫିସ୍‌,୯।୪: ବ୍ରହ୍ମପୁର ଅଧିଷ୍ଠାତ୍ରୀ ଦେବୀ ମା’ ବୁଢ଼ୀ ଠାକୁରାଣୀ ଯାତ୍ରା ନେଇ ଜିଲା ପ୍ରଶାସନ ଓ ଯାତ୍ରା ପରିଚାଳକଙ୍କ ପକ୍ଷରୁ ସମସ୍ତ ପ୍ରସ୍ତୁତି ଶେଷ...

ଆୟବହିର୍ଭୁତ ସମ୍ପତ୍ତି ଠୁଳ ମାମଲା :  ୨୧ ବର୍ଷ ପରେ ସହକାରୀ ଯନ୍ତ୍ରୀ ନିର୍ଦ୍ଦୋଷ

ବ୍ରହ୍ମପୁର ଅଫିସ, ୩ା୧୧-ବ୍ରହ୍ମପୁର ସ୍ବତନ୍ତ୍ର ଭିଜିଲାନ୍ସ ଜଜ ବିଜୟ କୁମାର ଜେନା ଶନିବାର ଏକ ଆୟବହିର୍ଭୁୁତ ସମ୍ପତ୍ତି ଠୁଳ ମାମଲାର ଶୁଣାଣି କରିଥିଲେ। ପ୍ରମାଣ ଅଭାବରୁ...

ବିଦ୍ୟାଳୟରେ ବିସ୍ଫୋରଣ ଘଟି ୨ ଛାତ୍ର ଆହତ ମାମଲା: ୨ ଗିରଫ, ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ

ଆସିକା, ୨୨।୭(ଡି.ଏନ୍‌.ଏ.): ଗଞ୍ଜାମ ଜିଲା ଆସିକା ଥାନା କୋତିନଡ଼ା ଫାଣ୍ଡି ଅନ୍ତର୍ଗତ ମାଗୁରା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଶନିବାର ସକାଳେ ବିସ୍ଫୋରଣ ଘଟି ୨...

Advertisement
Archives

Model This Week