ସିନାପାଲି,୨୭।୯(ଡି.ଏନ.ଏ.)-ନୂଆପଡ଼ା ଜିଲା ସିନାପାଲି ବ୍ଲକ ଅନ୍ତର୍ଗତ ଜି.ମେ. ମହାବିଦ୍ୟାଳୟ ପରିସରରେ ଗୁରୁବାର ଏକ ତାଲୁକସ୍ତରୀୟ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ସିନାପାଲିସ୍ଥିତ ଆଇନ ସେବା ପ୍ରାଧୀକରଣ କମିଟି ଆନୁକୂଲ୍ୟରେ ଅନୁଷ୍ଠିତ ଶବିରରେ ସିନାପାଲି ଜେଏମଏଫ୍ସି ମାଜିଷ୍ଟ୍ରେଟ ସରୋଜିନୀ ସାହୁ ମୁଖ୍ୟଅତିଥି ଭାବେ ଯୋଗଦେଇଥିବା ବେଳେ ଆଇନଜୀବୀ ଦୁର୍ଗାପ୍ରସାଦ ବୈଠାରୁ, ବାଣୀବଲ୍ଲବ ପାଣିଗ୍ରାହୀ, ଜୋତିରଞ୍ଜନ ମେହେର ପ୍ରମୁଖ ଯୋଗଦେଇଥିଲେ। ଆଇନଜୀବୀ ସଞ୍ଜୟ ବେହେରା ଶିବିରରେ ସଂଯୋଜନା କରିଥିଲେ। ଯୁବତୀମାନଙ୍କ ଉପରେ ହେଉଥିବା ଏସିଡ୍ ଆକ୍ରମଣ ରୋକିବା ସହିତ ଏହାର ଆଇନଗତ ବିଭିନ୍ନ ଦିଗ ଉପରେ ଆଲୋଚନା କରାଯାଇଥିଲା । ମୁଖ୍ୟଅତିଥି ସାହୁ ଆଇନ କିପରି ଲୋକାଭିମୁକ୍ଷୀ ହୋଇପାରିବ ତା ଉପରେ କହିଥିଲେ। ଏହି ଶିବିରରେ ଉକ୍ତ ମହାବିଦ୍ୟାଳୟ ଅଧ୍ୟକ୍ଷ ଟିକେଲାଲ ମେହେର ଓ ସିନାପାଲି ଥାନା ସବନ୍ସିପେକ୍ଟର ଶାଲଖାନ ମୁର୍ମୁ ପ୍ରମୁଖ ମଞ୍ଚାସୀନ ଥିଲେ। ଅଧ୍ୟାପକ ଜୈାତିର୍ଣ ବନ୍ଧିଛୋର ସ୍ବାଗତ ଭାଷଣ ପ୍ରଦାନ କରିଥିବାବେଳେ ଅଧ୍ୟାପକ ଧ୍ରୁବଚରଣ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ଶିବିରରେ ମହାବିଦ୍ୟାଳୟ ଶତାଧିକ ଛାତ୍ରୀଛାତ୍ର ଭାଗ ନେଇଥିଲେ ।
