ଡିଜେ ପେସାରେ ଯାଜପୁର ଜିଲାର ଝିଅ କେଟି

କ୍ଷୀରାବ୍ଧି ତନୟା ଜେନାଙ୍କୁ ସମସ୍ତେ ଜାଣନ୍ତି ଡିଜେ କେଟି ଭାବେ। ବର୍ତ୍ତମାନ କେଟି ଭୁବନେଶ୍ୱରର ଏକ ବଡ଼ ହୋଟେଲରେ ରେସିଡେନ୍ସ ଇନ୍‌ହାଉସ୍‌ ଡିଜେ ଅଛନ୍ତି। ଏହି ପୁରୁଷ ପ୍ରାଧାନ୍ୟ ବୃତ୍ତିରେ ତିଷ୍ଠି ରହିବା ପାଇଁ ତାଙ୍କୁ ବହୁତ ପରିଶ୍ରମ କରିବାକୁ ପଡ଼ିଥିଲା। ନା ଘର ଲୋକ, ନା ସାଙ୍ଗସାଥୀ, କେହି ବି ସହଯୋଗ କରି ନ ଥିଲେ। ଯେତେବେଳେ ଏ ପ୍ରଫେଶନ୍‌ରେ ପାଦ ଥାପି ଧୀରେ ଧୀରେ ଉପରକୁ ଉଠିଥିଲେ, ସେତେବେଳେ ତାଙ୍କୁ ଅନେକେ ତାଚ୍ଛଲ୍ୟ ଶୁଣିବାକୁ ମିଳିଥିଲା। ସେଥିରେ ସେ ଭାଙ୍ଗି ପଡ଼ି ନ ଥିଲେ। ନିଜ ଇଚ୍ଛାଶକ୍ତି ବଳରେ ସେ ଏବେ କେବଳ ଓଡ଼ିଶା ନୁହେଁ, ଦେଶର ବିଭିନ୍ନ କୋଣରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି।

ଯାଜପୁର ଜିଲା ବରୀ ଅଞ୍ଚଳର ଝିଅ କ୍ଷୀରାବ୍ଧି ୨୦୧୭ରେ ଇଞ୍ଜିନିୟରିଂ ପାଠ୍ୟକ୍ରମ ଶେଷ କରି ବେଙ୍ଗାଲୁରୁରେ ଏକ କମ୍ପାନୀରେ ଚାକିରି କରିଥିଲେ। ତାଙ୍କର ମ୍ୟୁଜିକ୍‌ ଶୁଣିବା ଓ ପାର୍ଟି ଯିବାକୁ ବହୁତ ପସନ୍ଦ ଥିଲା। କ୍ଳବ୍‌ ଗଲେ ସେ ସବୁବେଳେ ଭାବନ୍ତି ନିଜେ କିପରି ଗୀତ ପ୍ଲେ କରିବେ। ଏଥିପ୍ରତି ତାଙ୍କର ଏତେ ଆଗ୍ରହ ବଢ଼ିଲା ଯେ, ସେ ଚାକିରି ଛାଡ଼ିବାକୁ ନିଷ୍ପତ୍ତି ନେଇଥିଲେ। ଏହାପରେ ସେ ବାଙ୍ଗାଲୋରରେ ଡିଜେଇଂ(DJing) କରିଲେ। ପ୍ରଥମେ ସେ ବାଙ୍ଗାଲୋରର ଏକ କ୍ଲବ୍‌ରେ ପ୍ଲେ କରିଥିଲେ। କିନ୍ତୁ ସେ ସମୟରେ ସେ ବହୁତ ନର୍ଭସ ଥିଲେ। ସେଠାରେ ଲୋକଙ୍କ ଡିମାଣ୍ଡ ଯେଉଁଭଳି ଥିଲା ସେ ସେଭଳି କରିପାରି ନ ଥିଲେ। କିନ୍ତୁ ଧୀରେ ଧୀରେ ନିଜକୁ ସଜାଡ଼ିଥିଲେ। ଆଉ ଗତବର୍ଷ ସେ ଭୁବନେଶ୍ୱରକୁ ପଳାଇଆସିଲେ। କେଟିଙ୍କୁ ପସନ୍ଦ ଥିଲା ଇଡିଏମ୍‌, ଟେକ୍ନୋ। କିନ୍ତୁ ଭୁବନେଶ୍ୱରବାସୀଙ୍କୁ ବଲିଉଡ୍‌ ବହୁତ ପସନ୍ଦ। ତେଣୁ ସେ ବଲିଉଡ୍‌ ଶିଖିବା ପାଇଁ ଚେଷ୍ଟା କରିଲେ। ଏହାପରେ ସେ ବିଭିନ୍ନ ଶୋ’ରେ ନିଜର ପାରଦର୍ଶିତା ଦେଖାଇଲେ।

କେଟି କୁହନ୍ତି, ଚାକିରି ଛାଡ଼ି ଏ ପ୍ରଫେଶନରେ କାମ କରିବା ପାଇଁ ଯେତେବେଳେ ଚାହିଁଲି ଘରଲୋକ ସପୋର୍ଟ କରୁ ନ ଥିଲେ। ଯେହେତୁ ଘରେ କେହି ପୁଅ ନାହାନ୍ତି, ତେଣୁ ମୁଁ ଚାକିରି କରିବାକୁ ସେମାନେ ପସନ୍ଦ କରୁଥିଲେ। ଏମିତି କି କହୁଥିଲେ ଯେ, ଏଇଟା ପୁଅମାନଙ୍କ କାମ। ତୁ ଝିଅଟେ ହୋଇ କେମିତି କରିବୁ ଓ ଏଥିରେ ଭବିଷ୍ୟତ କିପରି ଗଢ଼ିବୁ। ଆଜିର ଯୁବପିଢ଼ି ଡିଜେ ଅର୍ଥ ଜାଣିଛନ୍ତି। କିନ୍ତୁ ଗାଁ ଲୋକମାନେ ଜାଣନ୍ତିନି। ସେମାନେ କେବଳ ଭାବନ୍ତି ଯେ, ଡିଜେମାନେ ବାହାଘରରେ ବରଯାତ୍ରୀ ନାଚିବା। ମୋ ବାପା ଏବେ ବି ଡିଜେର ଅର୍ଥ ବୁଝିପାରନ୍ତି ନାହିଁ। ମା’ ଏବେ ଟିକେ ଟିକେ ବୁଝିପାରୁଛନ୍ତି। ତେବେ ମୋ ମା’ ସବୁ ସମୟରେ ମୋତେ ମାନସିକ ସ୍ତରରେ ସହଯୋଗ କରନ୍ତି। ମୋର ଯେଉଁଥିରେ ଇଚ୍ଛା ସେ ଦିଗରେ କାମ କରିବାକୁ ସେ କୁହନ୍ତି। ତାଙ୍କ ପାଇଁ ମୁଁ ଆଗକୁ ବଢ଼ିପାରିଛି। ଚାକିରି ଛାଡ଼ି ଯେତେବେଳେ ଏ ପ୍ରଫେଶନ୍‌କୁ ଆସିଲି, ବହୁତ ଖୁସି ଲାଗିଲା। ନିଜକୁ ଆତ୍ମତୃପ୍ତି ମିଳିଲା। ବିଭିନ୍ନ ଜାଗାରେ ଶୋ’ କରିବା ପରେ ନିଜକୁ ଜଣେ ସେଲିବ୍ରିଟି ଭଳି ଅନୁଭବ ହେଲା। ଗୋଟେ ଝିଅ ଯେତେବେଳେ ଉପରକୁ ଉଠିବାକୁ ଚାହେଁ, ସେତେବେଳେ ତାକୁ ବହୁତ ତଳୁ ଭିଡ଼ିବାକୁ ଥାଆନ୍ତି। ଏମିତି ପରିସ୍ଥିତି ମୋ ସହିତ ମଧ୍ୟ ହୋଇଛି। ଏହି ପ୍ରଫେଶନ୍‌ରେ ଯେତେବେଳେ ମୁଁ ଏଣ୍ଟ୍ରି କରିଲି, କେତେଜଣ ଭାବନ୍ତି ଝିଅଟେ ବୋଲି ମୋତେ ଅଫର ମିଳିଯାଉଛି। କେହି ମୋ ଟ୍ୟାଲେଣ୍ଟକୁ ଦେଖନ୍ତିନି। ସେମିତି କିଛି କ୍ୱାଲିଟି ଅଛି ବୋଲି ଲୋକ ମୋତେ ପସନ୍ଦ କରୁଛନ୍ତି ଏବଂ ମୋତେ ବିଭିନ୍ନ ଜାଗାରେ ଶୋ’ ପାଇଁ ଅଫର ଆସୁଛି।
– ରିପୋର୍ଟ: ଅସମାପିକା ସାହୁ, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ପୋଡାଗଲା ୧୦ କୋଟିରୁ ଊର୍ଦ୍ଧ୍ୱ ଟଙ୍କାର ଗଞ୍ଜେଇ ଚାଷ

ମୁନିଗୁଡ଼ା, ୨୧।୧୧(ଡି.ଏନ୍‌.ଏ.)- ଅପରେଶେନ ଗ୍ରୀନ ଡାଇମଣ୍ଡର ଦିତୀୟ ଦିନରେ ରାୟଗଡ଼ାର ଉପାନ୍ତ ଅଞ୍ଚଳ ଚନ୍ଦ୍ରପୁରରେ ୫୬ ଏକର ଜମିରେ ହୋଇଥିବା ବେଆଇନ ଗଞ୍ଜେଇ ଚାଷକୁ ପୋଲିସ...

ବାଇକ୍‌, ବୋଲେରୋ ଜବତ: ଅମାନିଆଙ୍କ ନାଁରେ ମାମଲା

ଦେବଗଡ,୭।୫(ଡି.ଏନ.ଏ):ଦେବଗଡ ଜିଲାକୁ ଅରେଞ୍ଜ ଜୋନ ଘୋଷଣା ପରେ ସନ୍ଧ୍ୟା ୭ରୁ ସକାଳ ୭ଟା ଯାଏ ବାହାରକୁ ନ ବାହାରିବାକୁ ଜିଲା ପ୍ରଶାସନ ପକ୍ଷରୁ ନିର୍ଦ୍ଦେଶନାମା ଜାରି...

CORONAVIRUS UPDATE: ଆଉ ୩ କରୋନା ପଜିଟିଭ୍ ଚିହ୍ନଟ, ରାଜ୍ୟରେ ଆକ୍ରାନ୍ତ ସଂଖ୍ୟା ଛୁଇଁଲା୧୨୮

ଭୁବନେଶ୍ୱର,୩୦।୪:(ବ୍ୟୁରୋ)- ପୁଣି ୩ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୨୮ରେ ପହଞ୍ଚିଛି। ଗୁରୁବାର ଚିହ୍ନଟ ୩ ପଜିଟିଭ୍...

ହଷ୍ଟେଲରୁ ନବମ ଶ୍ରେଣୀ ଛାତ୍ରୀ ନିଖୋଜ: ଅପହରଣ ସନ୍ଦେହ, ଥାନାରେ ଏତଲା

ଦାରିଙ୍ଗବାଡି,୬।୧(ଡି.ଏନ୍‌.ଏ.)-ଦାରିଙ୍ଗବାଡିଠାରେ ଥିବା ରାପଡା ବାଡି ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ହଷ୍ଟେଲରୁ ଜଣେ ନବମ ଶ୍ରେଣୀ ଛାତ୍ରୀ ଶୁକ୍ରବାର ବିଳମ୍ବିତରାତି...

ବ୍ରହ୍ମପୁରର ବିଭିନ୍ନ ଅଞ୍ଚଳରୁ ୫ ଶିଶୁ ଶ୍ରମିକ ଉଦ୍ଧାର

ବ୍ରହ୍ମପୁର ଅଫିସ,୧୯ା୨- ବ୍ରହ୍ମପୁରର ବିଭିନ୍ନ ଅଞ୍ଚଳରୁ ମଙ୍ଗଳବାର ୫ ଶିଶୁ ଶ୍ରମିକଙ୍କୁ ଉଦ୍ଧାର କରାଯାଇଛି। ଜିଲା ଚାଇଲ୍ଡ ପ୍ରୋଟେକ୍ସନ ଅଫିସର, ଚାଇଲ୍ଡ ଲାଇନ୍‌, ସିଡବ୍ଲ୍ୟୁସି ସଦସ୍ୟ,...

ଲକ୍‌ ଡାଉନ୍‌ ସତ୍ତ୍ୱେ ଚାଲିଛି ଦେଶୀ ମଦ ବ୍ୟବସାୟ: ବଡମାଲ ଥାନାରେ ୧୫ ମାମଲା ରୁଜୁ, ୨୧ ଗିରଫ

ଝାରସୁଗୁଡା ଅଫିସ,୨୭ା୪- କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ସମଗ୍ର ଦେଶକୁ ଲକ୍‌ ଡାଉନ କରାଯାଇଛି। ଏହି ଲକଡାଉନ ସମୟରେ ବିଷେଶ କରି ମଦ ଦୋକାନ...

ବଚସାରୁ ସାଙ୍ଗକୁ ହାଣି ହତ୍ୟା

ପୋଲସରା,୨୪ା୩(ଡି.ଏନ.ଏ.)- ଗଞ୍ଜାମ ଜିଲା ପୋଲସରା ଥାନା ପାଣ୍ଡିରିପଡ଼ା ପଞ୍ଚାୟତସ୍ଥିତ ପାତାଳସିଙ୍ଗି ଗ୍ରାମରେ ମଙ୍ଗଳବାର ଏକ ହତ୍ୟାକାଣ୍ଡ ଘଟଛି। ସାମାନ୍ୟ ବଚସାରୁ ସାଙ୍ଗଙ୍କୁ କାତିରେ ହାଣି ହତ୍ୟା...

ଆଜି ଖୋଲାଯିବ ରେଙ୍ଗାଳି ଗେଟ୍‌

କଣିହାଁ,୧୫।୯(ଡି.ଏନ.ଏ.) – କଣିହାଁ ବ୍ଲକ ରେଙ୍ଗାଳି ଡ୍ୟାମ୍‌ରେ ଜଳସ୍ତର ବୃଦ୍ଧି ପାଇଥିବାରୁ ରବିବାର ପୂର୍ବାହ୍ନ ୯ଟାରେ ଗୋଟିଏ ଗେଟ ଖୋଲାଯିବ ବୋଲି ଡ୍ୟାମ୍‌ ନିର୍ବାହୀ ଅଧିକାରୀ...

Play 250+ Trending Games
Archives

Model This Week

Why Dharitri