ଭୋପାଳ,୧୦।୧୦:ଘରେ ଘରେ ପାଇଖାନା ଲାଗି ସଚେତନତା ସୃଷ୍ଟି ପାଇଁ ମଧ୍ୟପ୍ରଦେଶ ସରକାର ଏକ ଅଭିନବ ଉପାୟ ଆପଣାଇଛନ୍ତି। ବିବାହ ସ୍ଥିର ହୋଇଥିବା ବର ଯଦି ପାଇଖାନାରେ ସେଲଫି ଉଠାଇ ପଠାନ୍ତି, ତେବେ କନ୍ୟାଙ୍କୁ ୫୧ ହଜାର ଟଙ୍କା ମିଳିବ। ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନାରେ ୩ଟି କିସ୍ତିରେ ଏହି ଟଙ୍କା ପ୍ରଦାନ କରାଯିବ। ପ୍ରଥମେ ୪୩ ହଜାର କନ୍ୟାର ବ୍ୟାଙ୍କ୍ ଆକାଉଣ୍ଟକୁ ଦିଆଯିବ। ଆଉ ୫ ହଜାର ବିବାହ ଜିନିଷ ପତ୍ର କିଣା ପାଇଁ ଦିଆଯିବ। ବାକି ୩ ହଜାର ଟଙ୍କା ଉପହାର ସ୍ବରୂପ ଦିଆଯିବ। ସୂଚନାଯୋଗ୍ୟ, ସ୍ବଚ୍ଛ ଭାରତ ଯୋଜନା ଅନୁଯାୟୀ ପ୍ରତି ଘରେ ଘରେ ସରକାର ପାଇଖାନା ଯୋଗାଇ ଦେଇଛନ୍ତି। କିନ୍ତୁ ଅନେକଙ୍କ ଘରେ ଆଜିବି ପାଇଖାନା ନାହିଁ। ମଧ୍ୟପ୍ରଦେଶ ସରକାରଙ୍କ ଏଭଳି ଯୋଜନା ପ୍ରତି ଘରେ ପାଇଖାନା ତିଆରି ପାଇଁ ଆହୁରି ପ୍ରୋତ୍ସାହିତ କରିବ .େବାଲି କୁହାଯାଉଛି।
