Posted inଖେଳ

ଝିଅକୁ କିିକ୍‌ବକ୍ସିଂ ଶିଖାଉଛନ୍ତି ବିଭୂତି

ଭୁବନେଶ୍ୱର, ୧୮।୩(କ୍ରୀଡ଼ା ପ୍ରତିନିଧି)-
ଓଡ଼ିଶାର ସବୁଠାରୁ ସଫଳ କିକ୍‌ ବକ୍ସର ହେଉଛନ୍ତି ବିଭୂତି ଭୂଷଣ ବେହେରା। କ୍ୟାରିୟରରେ ଅତିକମ୍‌ରେ ୧୦ଥର ଜାତୀୟ ଚାମ୍ପିୟନ ହୋଇଥିବା ବିଭୂତି ନବେ ଦଶକରେ ଅନ୍ତର୍ଜାତୀୟ ସ୍ତରରେ ମଧ୍ୟ କୃତିତ୍ୱ ଦେଖାଇ ଦେଶ ଓ ରାଜ୍ୟକୁ ଗର୍ବିତ କରିଥିଲେ। ସମୟକ୍ରମେ ବିଭୂତି ଖେଳାଳିରୁ କୋଚ୍‌ ହୋଇଛନ୍ତି। ଏହା ବ୍ୟତୀତ ରାଜ୍ୟକୁ ମାର୍ଶାଲ ଅର୍ଟର ଅନେକ ନୂଆ ଷ୍ଟାଇଲ୍‌ ଆଣି ଖେଳାଳିଙ୍କପାଇଁ ସୁଯୋଗ ସୃଷ୍ଟି କରିଛନ୍ତି। ନିଜର ଛୋଟ ବିଜ୍‌ନେସ ସହ ପୁମାସ୍‌ ଇଣ୍ଟରନ୍ୟାଶନାଲରେ କୋଚିଂରେ ସମୟ ବିତାଉଥିବା ବିଭୂତି କିନ୍ତୁ ଏବେ ସମୟଚକ୍ରରେ ଘରେ ବସିରହିବାକୁ ବାଧ୍ୟ ହୋଇଛନ୍ତି। କରୋନା ଭାଇରସ ସଂକ୍ରମଣ ଜନିତ ଲକ୍‌ ଡାଉନ୍‌ ସ୍ଥିତିରେ ବାହାରକୁ ବାହାରିବାର ଅବକାଶ ନାହିଁ। ତେଣୁ ସେ ଘରେ ନିଜ ଝିଅର ଫିଟ୍‌ନେସ ପ୍ରତି ଦୃଷ୍ଟି ଦେବାସହ କିକ୍‌ବକ୍ସିଂ ଶିଖାଉଛନ୍ତି। ନିଜ ଭଳି କିକ୍‌ବକ୍ସିଂରେ ଝିଅକୁ ପ୍ରତିଷ୍ଠିତ କରାଇବା ତାଙ୍କ ଲକ୍ଷ୍ୟ ବୋଲି ପ୍ରକାଶ କରିଛନ୍ତି।
”ଏବେ ଆମେ ଏକପ୍ରକାର ଗୃହବନ୍ଦୀ। ପିଲାମାନଙ୍କ ସହ ସମୟ କଟୁଛି। ଆୟପନ୍ଥା ସମ୍ପୂର୍ଣ୍ଣ ବନ୍ଦ। ଅନିଶ୍ଚିତ ଭବିଷ୍ୟତ ଅପେକ୍ଷାରେ ରହିଥିବାବେଳେ ଝିଅର ଫିଟ୍‌ନେସ ଏବଂ ମାର୍ଶାଲ ଆର୍ଟ ଟ୍ରେନିଂ ଉପରେ ଧ୍ୟାନ ଦେଉଛି ବୋଲି ବିଭୂତି କହିଛନ୍ତି। ବଡ଼ ଝିଅ ଅଭିଲିପ୍ସା ରାଜ୍ୟ ଉଷୁ ପ୍ରତିଯୋଗିତାରେ ରୌପ୍ୟ ପଦକ ଜିତି ନିଜ ପ୍ରତିଭା ପ୍ରଦର୍ଶନ କରିଛନ୍ତି। ଏବେ ତାଙ୍କୁ ୧୨ବର୍ଷ। ତେଣୁ ସେ ଉଷୁ ଏବଂ କିକ୍‌ବକ୍ସିଂକୁ କ୍ୟାରିୟର କରନ୍ତୁ ବୋଲି ମୁଁ ଚାହୁଁଛି। ବର୍ତ୍ତମାନ ସ୍ଥିତିରେ ମୋ ନିଜର ଏବଂ ଝିଅର ଫିଟ୍‌ନେସ ନିହାତି ଆବଶ୍ୟକ। ତେଣୁ ଏହା ଉପରେ ବର୍ତ୍ତମାନ ବିଶେଷ ଧ୍ୟାନ ଦିଆଯାଉଛି“ ବୋଲି ବିଭୂତି କହିଛନ୍ତି। ବିଭୂତିଙ୍କ ପରିବାର କହିଲେ ସ୍ତ୍ରୀ ସୁମିତ୍ରା ବେହେରା, ବଡ଼ଝିଅ ଅଭିଲିପ୍ସା ଓ ସାନଝିଅ ଅଭିସ୍ମିତା ବେହେରା। ଅଭିସ୍ମିତା ଛୋଟ ହୋଇଥିବାରୁ ଏବେ କେବଳ ଅଭିଲିପ୍ସାଙ୍କ ଖେଳ କ୍ୟାରିୟର ଉପରେ ଧ୍ୟାନ ଦେଉଛନ୍ତି ଏହି କୁଶଳୀ କ୍ରୀଡ଼ାବିତ୍‌। ”ଅଭିଲିପ୍ସା ୮ ବର୍ଷର ହୋଇଥିବାବେଳେ ଖେଳ ଆରମ୍ଭ କରିଛନ୍ତି । ପୂର୍ବରୁ ସେ ମୁଆଥାଇ ଓ ଉଷୁ ଖେଳୁଥିଲେ। ଏବେ କିକ୍‌ବକ୍ସିଂ ଶିଖୁଛନ୍ତି। ଘରେ ଫିଟ୍‌ନେସ ପାଇଁ ୱାର୍ମଅପ୍‌, ଜଗିଂ ଟ୍ରେଚିଂ ଏକ୍ସରସାଇଜ୍‌ କରିବା ସହ କିକ୍‌ବକ୍ସିଂ ପାଇଁ କିକ୍‌, ପଜ୍‌, ହୁକ୍‌, ଡିଫେନ୍ସ ଆଦି ଶିଖାଉଛି। ଅନେକ ସମୟ ଘରେ ବସି ରହୁଥିବାରୁ ମୋ ନିଜ ଫିଟ୍‌ନେସ ଉପରେ ମଧ୍ୟ ଧ୍ୟାନଦେବାକୁ ପଡ଼ୁଛି । ସକାଳେ ଓ ସନ୍ଧ୍ୟାରେ ଦୁଇବେଳା ଆମେ ଦୁହେଁ ଅଭ୍ୟାସ କରୁଛୁ। ଏହା ବ୍ୟତୀତ ଦୁହେଁ ବ୍ୟାଡ୍‌ମିିଣ୍ଟନ ମଧ୍ୟ ଖେଳୁଛୁ“ ବୋଲି ବିଭୂତି କହିଛନ୍ତି। ବର୍ତ୍ତମାନ ସମୟରେ ଉଭୟ ଶାରୀରିକ ଓ ମାନସିକ ସ୍ତରରେ ଦୃଢ଼ ରହିବା ଅତ୍ୟନ୍ତ ଆବଶ୍ୟକ ବୋଲି ସେ ପ୍ରକାଶ କରିଛନ୍ତି। ରାମାୟଣ ଓ ମହାଭାରତ ଦେଖିବା ସହ ପରିବାର ସହିତ ଅବସର ସମୟ ବିତୁଥିବା ସେ କହିଛନ୍ତି ।
ପ୍ରକାଶ ଯୋଗ୍ୟ ଯେ, ୧୯୯୫ରୁ ୨୦୦୭-୦୮ ପର୍ଯ୍ୟନ୍ତ ବିଭୂତି ଜାତୀୟ/ଅନ୍ତର୍ଜାତୀୟ କିିକ୍‌ବକ୍ସିଂରେ ସକ୍ରିିୟ ଥିଲେ। ସେ ଏହି ସମୟରେ ୧୦ ଥର ଜାତୀୟ ଚାମ୍ପିୟନ ହେବା ସହ ୩ଟି ବିଶ୍ୱ ଚାମ୍ପିୟନଶିପ୍‌ରେ ମଧ୍ୟ ଅଂଶଗ୍ରହଣ କରିଥିଲେ। ୨୦୦୦-୦୧ରେ ଜାତୀୟ ସିନିୟର ଉଷୁର ସାନ୍‌ସୁ (ଫାଇଟିଂ)ବିଭାଗରେ ସେ ସ୍ବର୍ଣ୍ଣ ପଦକ ପାଇଥିଲେ। ସିନିୟର ସ୍ତରରେ ସେ ଏପର୍ଯ୍ୟନ୍ତ ରାଜ୍ୟର ଏକମାତ୍ର ଗୋଲ୍ଡ ମେଡାଲିଷ୍ଟ ବୋଲି ବିଭୂତି କହିଛନ୍ତି। ୧୯୯୧ରୁ ୨୦୨୦ ପର୍ଯ୍ୟନ୍ତ କରାଟେ ଓ କିକ୍‌ବକ୍ସିଂରେ ଦୀର୍ଘ ୩୦ ବର୍ଷ ତିଷ୍ଠି ରହିଥିବା ବିଭୂତି ବର୍ତ୍ତମାନ ସଙ୍କଟ ସମୟରେ ସମସ୍ତେ ସରକାରଙ୍କ ନୀତି ନିୟମ ମାନି ଘରେ ରହିବାକୁ ଏହି ଅବସରରେ ନିବେଦନ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବିରାଟ-ଅନୁଷ୍କାଙ୍କ ରୋମାଣ୍ଟିକ୍‌ ଫଟୋ ଉଠାଇଲେ ଏହି ପ୍ରସିଦ୍ଧ କ୍ରିକେଟର୍‌, ଦେଖିଲେ କହିବେ ସାବାସ୍‌

ବଲିଉଡ୍‌ ଅଭିନେତ୍ରୀ ଅନୁଷ୍କା ଶର୍ମା ଏବେ ଗର୍ଭବତୀ ଅଛନ୍ତି। ସେ ଏହି ସମୟକୁ ବେଶ୍‌ ଉପଭୋଗ କରୁଛନ୍ତି। ଗର୍ଭାବସ୍ଥାର ଅନୁଭବକୁ ନିଜ ପ୍ରଶଂସକଙ୍କ ସହ ବେଳେବେଳେ...

ସିଡ୍‌ନୀ କରୋନା ପ୍ରକୋପ: ସ୍ଥିତି ଉପରେ କଡ଼ା ନଜର ରଖିଛୁ: ସିଏ

ମେଲବୋର୍ନ,୧୯।୧୨(ପି.ଟି.): ସିଡ୍‌ନୀରେ କରୋନା ପ୍ରକୋପ ଜାରି ରହିଛି। ଏହାରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ତୃତୀୟ ଟେଷ୍ଟ ମଧ୍ୟ ଆୟୋଜନ ହେବାର କାର୍ଯ୍ୟକ୍ରମ ରହିଛି। ତେଣୁ...

ଅଲିମ୍ପିକ ହକିରେ ଭାରତ ପ୍ରଥମେ ନ୍ୟୁଜିଲାଣ୍ଡକୁ ଭେଟିବ

ଲାଉସାନେ, ୧୮ା୭ (ପି.ଟି.)-ଟୋକିଓ ଅଲିମ୍ପିକ୍ସରେ ଆସନ୍ତା ବର୍ଷ ଜୁଲାଇ ୨୪ରେ ଭାରତୀୟ ପୁରୁଷ ହକି ଦଳ ଏହାର ପ୍ରଥମ ମ୍ୟାଚ ନ୍ୟୁଜିଲାଣ୍ଡ ବିପକ୍ଷରେ ଖେଳିବ। ଅନ୍ୟପକ୍ଷରେ...

ରେକର୍ଡ ଅପେକ୍ଷାରେ କୋହଲି

ନୂଆଦିଲ୍ଲୀ,୧୧।୩ : ଅହମ୍ମଦାବାଦ ସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ ଶୁକ୍ରବାରଠାରୁ ଭାରତ ଓ ଇଂଲଣ୍ଡ ମଧ୍ୟରେ ଆରମ୍ଭ ହେବାକୁ ଯାଉଛି ୫ ମ୍ୟାଚ୍‌ ବିଶିଷ୍ଟ ଟି୨୦...

ୟୁଏସ୍‌ ଓପନ୍‌ରୁ ଓହରିଲେ ଆଣ୍ଡରସନ

ନ୍ୟୁୟର୍କ, ୨୫।୮(ଏଏଫ୍‌ପି)- ୨ଥର ଗ୍ରାଣ୍ଡସ୍ଲାମ ଫାଇନାଲରେ ପ୍ରବେଶ କରିଥିବା ବିଶ୍ୱର ୧୭ ନମ୍ବର ଖେଳାଳି ଦକ୍ଷିଣ ଆଫ୍ରିକାର କେଭିନ୍‌ ଆଣ୍ଡରସନ ଏଥର ୟୁଏସ୍‌ ଓପନ୍‌ରୁ ଓହରିଯାଇଛନ୍ତି।...

ଆଇପିଏଲ୍‌ରେ ହେବ ବଡ଼ ପରିବର୍ତ୍ତନ

ନୂଆଦିଲ୍ଲୀ,୯।୮: ଆଇପିଏଲର ୧୪ତମ ସିଜନର ଦ୍ୱିତୀୟ ପର୍ଯ୍ୟାୟ ଆୟୋଜନ ପାଇଁ ପ୍ରସ୍ତୁତି ଆରମ୍ଭ ହୋଇଛି। ଏହି ପ୍ରସିଦ୍ଧ ଟି -୨୦ ଲିଗର ଦ୍ୱିତୀୟ ପର୍ଯ୍ୟାୟ ସେପ୍ଟେମ୍ବର...

କ୍ରିକେଟ୍‌ ଇତିହାସରେ ଆଜି ଏକ ଅଭୁଲା ଦିନ

ଜୁନ ୭, ବିଶ୍ୱ କ୍ରିକେଟ ଇତିହାସରେ ଏକ ସ୍ବତନ୍ତ୍ର ଦିନ। ୧୯୭୫ ମସିହା ଆଜିର ଦିନରେ ଲର୍ଡସ ଗ୍ରାଉଣ୍ଡରେ ଦିନିକିଆ ବିଶ୍ୱକପର ପ୍ରଥମ ମ୍ୟାଚ ଖେଳାଯାଇଥିଲା।...

ବିରାଟ କୋହଲିଙ୍କ ପରେ ବାପା ହେଲେ ଏହି ଖେଳାଳି: ସାମ୍ନାକୁ ଆସିଲା ପୁଅର ଫଟୋ

ମହାମାରୀ କରୋନା ସମୟରେ ଅନେକ କ୍ରିକେଟରଙ୍କ ଘରକୁ ନୂଆ ଅତିଥି ଆସିଛନ୍ତି। ଭାରତୀୟ ଖେଳାଳି ହାର୍ଦ୍ଦିକ ପାଣ୍ଡ୍ୟାଙ୍କ ଠାରୁ ଆରମ୍ଭ କରି ବିରାଟ କୋହଲି ବାପା...

Advertisement
Archives

Model This Week