Posted inଖେଳ

‘ଜୀବନ, ସ୍ବାସ୍ଥ୍ୟଠାରୁ ବଡ଼ କିଛି ନାହିଁ’

ଭୁବନେଶ୍ୱର, ୩।୪(କ୍ରୀଡ଼ା ପ୍ରତିନିଧି)- କରୋନା ଭାଇରସ ସଂକ୍ରମଣ ବିଶ୍ୱରେ କାୟା ବିସ୍ତାର କରିଚାଲିଥିବାବେଳେ ନିଜ ଫିଟ୍‌ନେସ ସହିତ ଫର୍ମ ବଜାୟ ରଖିବା ଖେଳାଳିମାନଙ୍କ ପାଇଁ ଚ୍ୟାଲେଞ୍ଜ ସଦୃଶ ହୋଇଛି। ଏବେ ବଡ଼ ପଡ଼ିଆ କିମ୍ବା କୋର୍ଟ ଉପଲବ୍ଧ ହେଉ ନ ଥିବାରୁ ଘର ମଧ୍ୟରେ ରହି ଯେତିକି ସମ୍ଭବ ଅଭ୍ୟାସରେ ସନ୍ତୁଷ୍ଟ ହେଉଛନ୍ତି କ୍ରୀଡ଼ାବିତ୍‌। ଓଡ଼ିଶାର ଅର୍ଜୁନ ପୁରସ୍କାରପ୍ରାପ୍ତ ତାରକା ପାରା ଆଥଲେଟ୍‌ ପ୍ରମୋଦ ଭଗତ ମଧ୍ୟ ସେଥିରୁ ବାଦ୍‌ ପଡ଼ି ନାହାନ୍ତି। କେବଳ ଓଡ଼ିଶାର ବିଶ୍ୱର ଅନ୍ୟତମ ଶ୍ରେଷ୍ଠ ପାରା ବ୍ୟାଡ୍‌ମିଣ୍ଟନ ଖେଳାଳିଭାବେ ପରିଗଣିତ ହେଉଥିବା ପ୍ରମୋଦ ଏବେ ଘର ମଧ୍ୟରେ ରହି ନିଜ ପରିସରରେ ଯେତିକି ସମ୍ଭବ ଅଭ୍ୟାସ କରି ଭବିଷ୍ୟତ ଅପେକ୍ଷାରେ ଅଛନ୍ତି। ”ଏବେ ବାହାରକୁ ବାହାରିବା ସମ୍ଭବ ହେଉନାହିଁ। ତେଣୁ ଘର ଛାତ ଉପରେ ସକାଳ ବେଳା ଷ୍ଟ୍ରେଚିଂ ଓ ଯୋଗ କରିବା ସହ ମୁଭ୍‌ମେଣ୍ଟ ଆବଶ୍ୟକ ଅଭ୍ୟାସ କରୁଛି। ଏହାଛଡ଼ା ପାହାଚରେ ଉପରକୁ ଚଢ଼ିବା ଏବଂ ଦଳକୁ ଓହ୍ଲାଇବା ମଧ୍ୟ କରୁଛି। ଘରେ ଜିମ୍‌ର କିଛି ଛୋଟବଡ଼ ସରଞ୍ଜାମ ରହିଛି। ସେଗୁଡ଼ିକ ସହାୟତାରେ ଫିଟ୍‌ନେସ ବଜାୟ ରଖିବାକୁ ଚେଷ୍ଟା କରୁଛି“ ବୋଲି କହିଛନ୍ତି ପ୍ରମୋଦ। ତେବେ ଅଳ୍ପସ୍ଥାନରେ ବ୍ୟାଡ୍‌ମିଣ୍ଟନ ଅଭ୍ୟାସ ସମ୍ଭବ ହେଉନି ବୋଲି ସେ ପ୍ରକାଶ କରିଛନ୍ତି। ୧୫ ତାରିଖରେ ଲକ୍‌ଡାଉନ୍‌ କଟକଣା ଉଠିବାପରେ ଯଦି ସମ୍ଭବ ହୁଏ ତେବେ ବ୍ୟାଡ୍‌ମିଣ୍ଟନ ଅଭ୍ୟାସ ଆରମ୍ଭକରିବାକୁ ସେ ଆଶା ରଖିଛନ୍ତି।
ଅନ୍ତର୍ଜାତୀୟ ଅଲିମ୍ପିକ୍‌ କମିଟି ଟୋକିଓ ଅଲିମ୍ପିକ୍ସକୁ ୨୦୨୧କୁ ଘୁଞ୍ଚାଇବା ନିଷ୍ପତ୍ତିକୁ ସମର୍ଥନ କରିଛନ୍ତି ପ୍ରମୋଦ। ”ମୋ ମତରେ ବହୁତ ବଢ଼ିଆ ନିଷ୍ପତ୍ତି ନିଆଯାଇଛି। ମୁଁ ସେଥିରେ ଏକମତ। କାରଣ ପ୍ରଥମେ ମଣିଷର ଜୀବନ। ଜୀବନ ଓ ସ୍ବାସ୍ଥ୍ୟଠାରୁ ବଡ଼ କିଛି ନାହିଁ। ମଣିଷ ସୁସ୍ଥ ରହିଲେ ଯାଇ କିଛି କରିପାରିବ। ତେଣୁ ମୁଁ ଏହି ନିଷ୍ପତ୍ତିକୁ ସମର୍ଥନ କରୁଛି“ ବୋଲି କହିଛନ୍ତି ପ୍ରମୋଦ। ତେବେ ଅଲିମ୍ପିକ୍ସ ବର୍ଷେ ଘୁଞ୍ଚତ୍ବା ତାଙ୍କ ପାଇଁ ସାମାନ୍ୟ ଫରକ ପଡ଼ିବ ବୋଲି ସେ ସ୍ବୀକାର କରିଛନ୍ତି। ଆମେ ୨୦୨୦ ଅଲିମ୍ପିକ୍ସ ପାଇଁ ମାନସିକ ପ୍ରସ୍ତୁତି କରିଥିଲୁ। ଏବେ ଆମର ଫୋକସ ୨୦୨୧ ଉପରେ ରହିବ। ମନୋବଳ ଦୃଢ଼ କରି କଠିନ ପରିଶ୍ରମ ସହାୟତାରେ ପୁଣି ଗେମ୍‌ ଚାଲୁ ରଖିବାକୁ ହେବ ବୋଲି ସେ ପ୍ରକାଶ କରିଛନ୍ତି। ୨୦୧୯-୨୦ ସିଜନର ପ୍ରଦର୍ଶନ ଏବଂ ର଼୍ୟାଙ୍କିଙ୍ଗ୍‌ ଦୃଷ୍ଟିରୁ ପ୍ରମୋଦ ବିଶ୍ୱରେ ନମ୍ବରଓ୍ବାନ ସ୍ଥାନରେ ଥିଲେ। ତେଣୁ ତାଙ୍କର ପାରା ଅଲିମ୍ପିକ୍ସ ପାଇଁ ଯୋଗ୍ୟତା ଏକପ୍ରକାର ନିଶ୍ଚିତ ହୋଇଥିଲା। ସେଥିପାଇଁ ଏପ୍ରିଲରେ ଓଡ଼ିଶାବାସୀ କିଛି ଖୁସିଖବର ପାଇବେ ବୋଲି କିଛିଦିନ ପୂର୍ବରୁ ପ୍ରକାଶ କରିଥିଲେ। ମାତ୍ର କରୋନା ଜନିତ ଲକ୍‌ଡାଉନ୍‌ ଏବଂ ବିଶ୍ୱବ୍ୟାପୀ ଖେଳ ବନ୍ଦ ଯୋଗୁ ତାହା ଏବେ ସମ୍ଭବ ହୋଇନାହିଁ। ”୨୦୨୦ ପାରା ଅଲିମ୍ପିକ୍ସ ବ୍ୟାଡ୍‌ମିଣ୍ଟନ ପାଇଁ ଯୋଗ୍ୟତା ଅର୍ଜନକାରୀ ଖେଳାଳି ତାଲିକା ଏପ୍ରିଲରେ ଘୋଷଣା ହେବାର ଥିଲା। ମାତ୍ର ପ୍ରତିଯୋଗିତା ୨୦୨୧କୁ ଯାଇଥିବାରୁ ଆଉ ୨-୩ଟି ଟୁର୍ନାମେଣ୍ଟର ପ୍ରଦର୍ଶନକୁ ସାମିଲ କରାଯାଇପାରେ। ବିଶ୍ୱରେ ସ୍ବାଭାବିକ ସ୍ଥିତି ଆସିବାପରେ ଅଲିମ୍ପିକ୍ସ ପୂର୍ବରୁ କେତେ ଟୁର୍ନାମେଣ୍ଟ ସମ୍ଭବ ହେଉଛି ତାହା ଦେଖାଯିବ। ସମ୍ଭବତଃ ସେହି ଭିତ୍ତିରେ ଅଲିମ୍ପିକ୍ସ ଯୋଗ୍ୟତା ମିଳିବ“ ବୋଲି ପ୍ରମୋଦ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବାଂଲାଦେଶର ଐତିହାସିକ ବିଜୟ

ଢାକା,୩ା୮: ଅଷ୍ଟ୍ରେଲିଆ ଆଗରେ ଥିଲା ୧୩୨ ରନ୍‌ର ସାଧାରଣ ବିଜୟଲକ୍ଷ୍ୟ। କିନ୍ତୁ ଭ୍ରମଣକାରୀ ଦଳ ପାଇଁ ଅସୁବିଧା ପାଲଟିଥିଲେ ଘରୋଇ ବାଂଲାଦେଶ ସ୍ପିନରମାନେ। ମାତ୍ର ୧୦୮...

ସନ୍ତୋଷ ଟ୍ରଫି ପାଇଁ ଓଡ଼ିଶା ଦଳ ଘୋଷିତ

ଭୁବନେଶ୍ୱର, ୨୦।୯(କ୍ରୀଡ଼ା ପ୍ରତିନିଧି)- ପଶ୍ଚିମବଙ୍ଗର କଲ୍ୟାଣୀଠାରେ ଚଳିତମାସ ୨୧ରୁ ୨୬ ପର୍ଯ୍ୟନ୍ତ ୭୪ତମ ସନ୍ତୋଷ ଟ୍ରଫି ଜାତୀୟ ସିନିୟର ପୁରୁଷ ଫୁଟ୍‌ବଲ(ପୂର୍ବାଞ୍ଚଳ ଯୋଗ୍ୟତା ପର୍ଯ୍ୟାୟ ରାଉଣ୍ଡ)...

ଫିଟ୍‌ ଇଣ୍ଡିଆ ମୁଭ୍‌ମେଣ୍ଟ ଲାଗି ଉପଦେଷ୍ଟା କମିଟି ଗଠିତ

ନୂଆଦିଲ୍ଲୀ,୨୩।୮(ପି.ଟି.)- ଜାତୀୟ କ୍ରୀଡ଼ା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ୨୯ ତାରିଖରେ ‘ଫିଟ୍‌ ଇଣ୍ଡିଆ ମୁଭମେଣ୍ଟ’ ଆରମ୍ଭ କରିବାକୁ ଯାଉଛନ୍ତି। ଫିଟ୍‌ନେସକୁ ନେଇ...

ଫ୍ରେଞ୍ଚ୍‌ ଓପନ୍‌: ଡବଲ୍ସ ଟାଇଟଲ ବଜାୟ ରଖିଲେ ବାବୋସ- ମ୍ଲାଡେନୋଭିକ୍‌

ପ୍ୟାରିସ୍‌,୧୨।୧୦(ଏପି): ଫ୍ରେଞ୍ଚ୍‌ ଓପନ୍‌ ମହିଳା ଡବଲ୍ସ ଇଭେଣ୍ଟରେ ଟିମିଆ ବାବୋସ୍‌ ଓ କ୍ରିଷ୍ଟିନା ମ୍ଲାଡେନୋଭିକ୍‌ ଟାଇଟଲ ବଜାୟ ରଖିଛନ୍ତି। ଦ୍ୱିତୀୟ ସିଡ୍‌ ମାନ୍ୟତା ପାଇଥିବା ଏହି...

ଟସ୍‌ ଜିତିଲା ଜିଟି, ବ୍ୟାଟିଂ ନିଷ୍ପତ୍ତି…

ମୁମ୍ବାଇ, ୨୩।୪ : ଆଇପିଏଲ୍‌ ସିଜିନ୍‌ର ୧୫ତମ ସଂସ୍କରଣରେ ଶନିବାର କୋଲକାତା ନାଇଟ୍‌ ରାଇଡର୍ସ୍‌(କେକେଆର) ବିପକ୍ଷରେ ଗୁଜରାଟ ଟାଇଟନ୍ସ(ଜିଟି) ଟସ ଜିତି ପ୍ରଥମେ ବ୍ୟାଟିଂ କରିବାକୁ...

ସିଏସ୍‌କେ ବିପକ୍ଷ ପ୍ରଥମ ମ୍ୟାଚ୍‌ ଖେଳିପାରିବେନାହିଁ ଦିଲ୍ଲୀ କ୍ୟାପିଟାଲ୍ସର ଏହି ୨ ଖେଳାଳି: କାରଣ…

ମୁମ୍ବାଇ,୭।୪: ଚେନ୍ନାଇ ସୁପରକିଙ୍ଗ୍ସ ବିପକ୍ଷରେ ଶନିବାର ଖେଳାଯିବାକୁ ଥିବା ଆଇପିଏଲ୍‌ର ଦ୍ୱିତୀୟ ମ୍ୟାଚ୍‌କୁ ଖେଳିପାରିବେ ନାହିଁ ଦିଲ୍ଲୀ କ୍ୟାପିଟାଲ୍ସର ଦ୍ରୁତ ବୋଲର କଗିସୋ ରବାଡା ଏବଂ...

କ୍ରିକେଟରୁ ବ୍ରେକ୍‌ ନେଲେ ଏହି କ୍ରିକେଟ୍‌ର: କାରଣ ରହିଛି ଏମିତି

ସିଡନୀ,୧୮।୫: ଅଷ୍ଟ୍ରେଲୀୟ ଅଲରାଉଣ୍ଡର ଡାନିଏଲ ସିମସ ଅନ୍ତର୍ଜାତୀୟ କ୍ରିକେଟରୁ ବିରତି ନେବାକୁ ନିଷ୍ପତ୍ତି ନେଇଛନ୍ତି। କୁହାଯାଉଛି ଯେ ମାନସିକ ଚାପ ଯୋଗୁ ସେ ଏହି ନିଷ୍ପତ୍ତି...

ନିଃସନ୍ଦେହରେ କୋହଲି ଶ୍ରେଷ୍ଠ: ଇଆନ୍‌ ଚାପେଲ

ନୂଆଦିଲ୍ଲୀ,୧୮।୫(ପି.ଟି.): ଭାରତୀୟ ଅଧିନାୟକ ବିରାଟ କୋହଲି ନିଃସନ୍ଦେହରେ ବିଶ୍ୱରେ ଶ୍ରେଷ୍ଠ ବ୍ୟାଟ୍ସମ୍ୟାନ ବୋଲି ପୂର୍ବତନ ଅଷ୍ଟ୍ରେଲିଆ ଅଧିନାୟକ ଇଆନ ଚାପେଲ କହିଛନ୍ତି। ୩ଟି ଯାକ ଫର୍ମାଟରେ...

Advertisement
Archives

Model This Week