ଭବାନୀପାଟଣା,୧୭।୯(ଡି.ଏନ.ଏ.)
କଳାହାଣ୍ଡି ଜିଲା ବିଜୁ ଜନତା ଦଳର ପରିବର୍ଦ୍ଧିତ କାର୍ଯ୍ୟକାରିଣୀ ସଭା ସ୍ଥାନୀୟ ବିଜୁ କଲ୍ୟାଣ ମଣ୍ଡପଠାରେ ସୋମବାର ଅନୁଷ୍ଠିତ ହୋଇଯାଇଛି। ଜିଲା ବିଜେଡି ସଭାପତି ପୁଷ୍ପେନ୍ଦ୍ର ସିଂହଦେଓଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ମୁଖ୍ୟଅତିଥି ଭାବେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମନ୍ତ୍ରୀ ତଥା କଳାହାଣ୍ଡି ଜିଲା ବିଜେଡି ପର୍ଯ୍ୟବେକ୍ଷକ ନବକିଶୋର ଦାସ ମୁଖ୍ୟଅତିଥି ଭାବେ ଯୋଗଦେଇ ଜିଲାର ସମସ୍ତ ଦଳୀୟ କର୍ମୀ ଓ ନେତା ଏକାଠି ହୋଇ ଦଳ ତଥା ଜିଲା ପାଇଁ କାର୍ଯ୍ୟ କଲେ କଳାହାଣ୍ଡିକୁ ଏକ ଅଗ୍ରଣୀ ଜିଲାରେ ପରିଣତ କରାଯାଇ ପାରିବ ବୋଲି କହିଥିଲେ। ଏଥିରେ ଜିଲା ବିଜେଡି ଉପସଭାପତି ଭବାନୀଶଙ୍କର ମିଶ୍ର, ପୂର୍ବତନ ବିଧାୟକ ଅନାମ ନାଏକ, ଜିଲା ଛାତ୍ର ସଭାପତି ଅବିନାଶ ଠାକୁର ପ୍ରମୁଖ ଉପସ୍ଥିତ ଥିଲେ। କଳାହାଣ୍ଡି ବିକାଶ ଧାରାରେ ବିଜେଡିର ଭୂମିକା ସମ୍ପର୍କରେ ହୋଇଥିବା ଆଲୋଚନାରେ ଶକ୍ତମନ୍ତ୍ରୀ କ୍ୟା. ଦିବ୍ୟଶଙ୍କର ମିଶ୍ର, ଦଳର ଜିଲା ଉପସଭାପତି ପ୍ରଦୀପ କୁମାର ମୁଣ୍ଡ, ପୂର୍ବତନ ବିଧାୟକ ଦୁଷ୍ମନ୍ତ ନାଏକ ଓ ଜିଲା ଉପସଭାପତି ଜାକିର ହୁସେନ୍ ଆଲୋଚନା କରିଥିବା ବେଳେ ପ୍ରସ୍ତାବକ ଭାବେ ଭବାନୀଶଙ୍କର ନିଆଲ ଉପସ୍ଥିତ ଥିଲେ। କଳାହାଣ୍ଡି ଜିଲା ଶିକ୍ଷାର ଏକ ପେଣ୍ଠସ୍ଥଳି ଶୀର୍ଷକ ଆଲୋଚନାରେ ଧର୍ମଗଡ ବିଧାୟକ ମୌଷଧି ବାଗ, ଜିଲା ସମ୍ପାଦକ ଜିତେନ୍ଦ୍ର ମହାନ୍ତି, କାଯର୍ୟକାରୀ ସଭାପତି ପ୍ରବୋଧ ରଥ ଯୁବକଯୁବତୀମାନଙ୍କୁ ନିଯୁକ୍ତି ତଥା ଆମତ୍ନିର୍ଭରଶୀଳ କରିବାକୁ ଏମ୍ଏସ୍ଏମ୍ଇ ଜରିଆରେ କୁଟିର ଶିଳ୍ପ, କ୍ଷୁଦ୍ର ଶିଳ୍ପ ତଥା ବିଲୁପ୍ତ ପ୍ରାୟ ଶିଳ୍ପ ସଂସ୍ଥାର ପୁନରୁଦ୍ଧାର ପାଇଁ ପ୍ରଚେଷ୍ଟା କରିବାକୁ ଆଲୋଚନା କରାଯାଇଥିଲା । ଏହି କାର୍ଯ୍ୟକ୍ରମର ପ୍ରସ୍ତାବକ ଭାବେ ଦଳର ଅଶୋକ ମହାନ୍ତି ପ୍ରସ୍ତାବକ ଥିଲେ। କଳାହାଣ୍ଡିର ଚାଷ ଏବଂ ଚାଷୀଙ୍କ ପାଇଁ ବିଜୁ ଜନତା ଦଳର ଭୂମିକା ସମ୍ପର୍କରେ ଆଲୋଚନା କରିବା ବେଳେ ଲାଞ୍ଜିଗଡ ବିଧାୟକ ପ୍ରଦୀପ ଦିଶାରୀ ପ୍ରାରମ୍ଭିକ ବକ୍ତବ୍ୟ ରଖିଥିଲେ। ଭବାନୀପାଟଣା କେନ୍ଦ୍ର ସମବାୟ ବ୍ୟାଙ୍କ ସଭାପତି ଜିତେନ୍ଦ୍ର ନାରାୟଣ ସିଂହଦେଓ, ପୂର୍ବତନ ବିଧାୟକ ଗୋବର୍ଦ୍ଧନ ଦାସ, ଜିଲା ସମ୍ପାଦକ ଥବିର ସାହୁ, ଗୋଲାମୁଣ୍ଡା ପଞ୍ଚାୟତ ସମିତି ଅଧ୍ୟକ୍ଷ ତୁଳେଶ୍ୱର ନାଏକ ଆଲୋଚନାରେ ସକ୍ରିୟ ଅଂଶଗ୍ରହଣ କରିଥିଲେ। ଜିଲା ସମ୍ପାଦକ ସନ୍ତୋଷ ଶର୍ମା ଧନ୍ୟବାଦ ଅର୍ପଣ କରିଥିଲେ।
