Posted inଖେଳ

ଜାତୀୟ ପୁରସ୍କାର ପାଇଁ ନାମ ତାଲିକା ପଠାଇଲା ବିଏଫ୍‌ଆଇ

ନୂଆଦିଲ୍ଲୀ, ୨ା୬ (ପି.ଟି.)-ବକ୍ସିଂ ଫେଡେରେଶନ ଅଫ୍‌ ଇଣ୍ଡିଆ (ବିଏଫ୍‌ଆଇ) ସୋମବାର ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ପାଇଁ ବିଶ୍ୱ ରୌପ୍ୟ ବିଜେତା ଅମିତ ପଙ୍ଘାଲ ଓ ଅଭିଜ୍ଞ ବକ୍ସର ବିକାଶ କ୍ରିଶନଙ୍କ ନାମ ସୁପାରିସ କରିଛି। ବାର୍ଷିକ ଜାତୀୟ କ୍ରୀଡ଼ା ପୁରସ୍କାର ପାଇଁ କେବଳ ଅଲିମ୍ପିକ ପାଇଁ ଯୋଗ୍ୟତା ଅର୍ଜନ କରିଥିବା ବକ୍ସରଙ୍କୁ ମନୋନୀତ କରିଛି। ପଙ୍ଘାଲ (୫୨କେଜି) ଜଣେ ଏସିଆନ ଗେମ୍ସ ଚାମ୍ପିୟନ। ସେ ଏପର୍ଯ୍ୟନ୍ତ କୌଣସି ଜାତୀୟ କ୍ରୀଡ଼ା ପୁରସ୍କାର ପାଇ ନାହାନ୍ତି। ଗତ ୩ ବର୍ଷ ଧରି ତାଙ୍କ ନାମ ଅର୍ଜୁନ ପୁରସ୍କାର ପାଇଁ ସୁପାରିସ କରାଯାଇଥିଲେ ମଧ୍ୟ ୨୦୧୨ର
ଡୋପ୍‌ ଅପରାଧ ପାଇଁ ତାଙ୍କ ନାମ ବିଚାରକୁ ନିଆଯାଇ ନ ଥିଲା। ରାଜ୍ୟଗୋଷ୍ଠୀ ଓ ଏସିଆନ ଗେମ୍ସ ସ୍ବର୍ଣ୍ଣ ବିଜେତା କ୍ରିଶନ (୬୯କେଜି) ୨୦୧୨ରେ ଅର୍ଜୁନ ପୁରସ୍କାର ଜିତିଥିଲେ। ବିଏଫ୍‌ଆଇ ୩ଜଣ ବିଶ୍ୱ ବ୍ରୋଞ୍ଜ ବିଜୟୀ ଲଭଲିନା ବେର୍ଗୋହେନ୍‌ (୬୯କେଜି) ଓ ସିମରନଜିତ୍‌ କୌର (୬୪କେଜି) ଏବଂ ମନୀଷ କୌଶିକ୍‌ (୬୩କେଜି)ଙ୍କ ନାମ ଅର୍ଜୁନ ପୁରସ୍କାର ପାଇଁ ସୁପାରିସ କରିଛି। ସେହିପରି ଦ୍ରୋଣାଚାର୍ଯ୍ୟ ପୁରସ୍କାର ପାଇଁ ବିଏଫ୍‌ଆଇ ଜାତୀୟ ମହିଳା କୋଚ୍‌ ମହମ୍ମଦ ଅଲୀ କମାର ଏବଂ ଆସିଷ୍ଟାଣ୍ଟ କୋଚ୍‌ ଛୋଟେ ଲାଲ୍‌ ଯାଦବଙ୍କ ନାମ ଚୂଡ଼ାନ୍ତ କରିଛି। ଯାଦବ ଆହୁରିମଧ୍ୟ ୬ଥର ବିଶ୍ୱଚାମ୍ପିୟନ ଏମ୍‌ସି ମେରୀକମ୍‌ଙ୍କ ସହିତ ସଂଶ୍ଳିଷ୍ଟ। ଧ୍ୟାନଚାନ୍ଦ ପୁରସ୍କାର ପାଇଁ ପୂର୍ବତନ ବିଶ୍ୱ ପଦକ ବିଜୟିନୀ ଏନ୍‌. ଉଷାଙ୍କ ନାମ ସୁପାରିସ ହୋଇଛି। ପ୍ରାର୍ଥୀ ତାଲିକା ପଠାଇବା ଅନ୍ତିମ ଦିବସ ବୁଧବାର ରଖାଯାଇଛି। ଗତ ୪ ବର୍ଷର ପ୍ରଦର୍ଶନକୁ ଭିତ୍ତି କରି ଆଥଲେଟ୍‌ ଓ କୋଚ୍‌ଙ୍କ ନାମ ସୁପାରିସ କରାଯାଇଥିବା ବିଏଫ୍‌ଆଇ ପ୍ରକାଶ କରିଛି।
ରୋଗରେ ପୀଡ଼ିତ ଥିବାରୁ ପଙ୍ଘାଲଙ୍କୁ ଔଷଧ ସେବନ କରିବାକୁ ହୋଇଥିଲା। ଏହି ଔଷଧରେ ନିଷିଦ୍ଧ ଦ୍ରବ୍ୟର ମାତ୍ରା ଥିବା ବିଷୟରେ ସେ ଅବଗତ ନ ଥିଲେ। ଯୁବାବସ୍ଥାରେ ଏହି ଭୁଲ ପାଇଁ ସେ କ୍ଷମା ମଧ୍ୟ ମାଗିଥିଲେ। ତେଣୁ ତାଙ୍କ ସଫଳତା ବିଚାରକୁ ନିଆଯିବା ଉଚିତ୍‌ ବୋଲି ବିଏଫ୍‌ଆଇ ଗତବର୍ଷ ନାମ ତାଲିକା ପଠାଇବା ବେଳେ ଉଲ୍ଲେଖ କରିଥିଲା। କିନ୍ତୁ ତାହା ବୃଥାରେ ପରିଣତ ହୋଇଥିଲା। ପଙ୍ଘାଲ ଏଥିରେ ଅସନ୍ତୋଷ ପ୍ରକାଶ କରି କ୍ରୀଡ଼ାମନ୍ତ୍ରୀ କିରେନ ରିଜିଜୁଙ୍କ ନିକଟକୁ ଏକ ଚିଠି ଲେଖିଥିଲେ। ପୁରସ୍କାର ପାଇଁ ଉଦ୍ଦିଷ୍ଟ ଚୟନ ପ୍ରକ୍ରିୟାରେ ପକ୍ଷପାତିତା ଅବଲମ୍ବନ କରାଯାଉଥିବାରୁ ଏଥିରେ ପରିବର୍ତ୍ତନ ପାଇଁ ସେ ଅନୁରୋଧ କରିଥିଲେ। ସେ ଦର୍ଶାଇଥିଲେ, ଆଥଲେଟମାନଙ୍କ ସଫଳତା ସମ୍ପର୍କରେ ଜନସାଧାରଣ ଅବଗତ। ତେଣୁ ମନ୍ତ୍ରଣାଳୟ ହିଁ ପୁରସ୍କାର ବିଜେତାଙ୍କ ନାମ ସ୍ଥିର କରିବା ଉଚିତ୍‌। ଅର୍ଜୁନ ପୁରସ୍କାର ପାଇଁ ରହିଥିବା ୩ ପ୍ରାର୍ଥୀଙ୍କ ମଧ୍ୟରେ କୌଶିକ୍‌ଙ୍କର ଗତ ଦୁଇ ବର୍ଷର ରେକର୍ଡ ଖୁବ୍‌ ଭଲ ରହିଛି। ବିଶ୍ୱ ଚାମ୍ପିୟନଶିପ୍‌ (୨୦୧୯)ରେ ପ୍ରଥମ ଥର ଭାଗ ନେଇ ସେ ଏକ ବ୍ରୋଞ୍ଜ ପଦକ ସହ ଅଲିମ୍ପିକ ଯୋଗ୍ୟତା ଅଜର୍ନ କରିଥିଲେ। ୨୦୧୮ ରାଜ୍ୟଗୋଷ୍ଠୀ କ୍ରୀଡ଼ାରେ ସେ ଏକ ରୌପ୍ୟ ଜିତିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବିରାଟ-ଅନୁଷ୍କାଙ୍କ ରୋମାଣ୍ଟିକ୍‌ ଫଟୋ ଉଠାଇଲେ ଏହି ପ୍ରସିଦ୍ଧ କ୍ରିକେଟର୍‌, ଦେଖିଲେ କହିବେ ସାବାସ୍‌

ବଲିଉଡ୍‌ ଅଭିନେତ୍ରୀ ଅନୁଷ୍କା ଶର୍ମା ଏବେ ଗର୍ଭବତୀ ଅଛନ୍ତି। ସେ ଏହି ସମୟକୁ ବେଶ୍‌ ଉପଭୋଗ କରୁଛନ୍ତି। ଗର୍ଭାବସ୍ଥାର ଅନୁଭବକୁ ନିଜ ପ୍ରଶଂସକଙ୍କ ସହ ବେଳେବେଳେ...

କାର୍‌ ଦୁର୍ଘଟଣାରେ ବର୍ତ୍ତି ଯାଇଥିଲେ ସାଇମଣ୍ଡସଙ୍କ ଦୁଇ କୁକୁର, ମୃତଦେହ ଛାଡି ଯିବାକୁ ନ ଥିଲେ ପ୍ରସ୍ତୁତ

କୁଇନ୍ସଲ୍ୟାଣ୍ଡ,୧୬।୫: ଅଷ୍ଟ୍ରେଲିଆ ଅଲରାଉଣ୍ଡର ଆଣ୍ଡ୍ର୍ୟୁ ସାଇମଣ୍ଡସଙ୍କ ଆକସ୍ମିକ ଦେହାନ୍ତ କ୍ରିକେଟ ଜଗତକୁ ସ୍ପବ୍ଧ କରିଦେଇଛି। ୪୬ ବର୍ଷୀୟ ସାଇମଣ୍ଡସ ଅଷ୍ଟ୍ରେଲିଆର କୁଇନ୍ସଲ୍ୟାଣ୍ଡର ଟାଉନ୍ସଭିଲେ ଅଞ୍ଚଳରେ କାର...

ମୃତ୍ୟୁ ପୂର୍ବର କେଇ ଘଣ୍ଟା; ଓ୍ବର୍ନଙ୍କୁ ବଞ୍ଚାଇବାକୁ ସଂଘର୍ଷ କରିଥିଲେ ହେଁ…

ନୂଆଦିଲ୍ଲୀ,୫।୩: ଅଷ୍ଟ୍ରେଲିଆର କିମ୍ବଦନ୍ତୀ କ୍ରିକେଟର ଶେନ ୱର୍ନଙ୍କ ଅକାଳ ବିୟୋଗ ପୂରା କ୍ରିକେଟ ଜଗତକୁ ସ୍ତବ୍ଧ କରିଦେଇଛି । ମାତ୍ର ୫୨ ବର୍ଷ ବୟସରେ ଦୁନିଆରୁ...

୧୮୬ ରନ୍‌ କଲେ ସିରିଜ୍‌ ଜିତିବ ଇଂଲଣ୍ଡ

ଅହମ୍ମଦାବାଦ,୧୮।୩: ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିମୟରେ ଖେଳାଯିବାକୁ ଥିବା ୪ର୍ଥ ଟି୨୦ ମ୍ୟାଚ୍‌ରେ ଇଂଲଣ୍ଡ ଆଗରେ ୧୮୬ ରନ୍‌ର ବିଜୟ ଲକ୍ଷ୍ୟ ଛିଡ଼ା କରିଛି ଭାରତୀୟ...

କୋଭିଡ୍‌- ୧୯ ଭ୍ୟାକ୍ସିନ୍‌: ଆଥଲେଟ୍‌ଙ୍କୁ ଅଗ୍ରାଧିକାର ଦେବାକୁ ସରକାରଙ୍କୁ ଅନୁରୋଧ

ନୂଆଦିଲ୍ଲୀ, ୧୭।୯(ପି.ଟି.): ଆଗମୀ ଦିନରେ କୋଭିଡ୍‌-୧୯ ଭ୍ୟାକ୍ସିନ୍‌ ଉପଲବ୍ଧ ହେବାର ସମ୍ଭାବନା ଦୃଢ ହେବାରେ ଲାଗିଛି। ଏପରିସ୍ଥଳେ ଅଲିମ୍ପିକ୍ସରେ ଅଂଶଗ୍ରହଣ କରିବାକୁ ଯାଉଥିବାର ଆଥଲେଟ୍‌ଙ୍କୁ ଏ...

ଗୀତ ଗାଇଲେ ପାଣ୍ଡ୍ୟା

ମୁମ୍ବାଇ, ୧୨।୮: ଭାରତୀୟ କ୍ରିକେଟଦଳ ଏବେ ଓ୍ବେଷ୍ଟଇଣ୍ଡିଜ୍‌ ବିପକ୍ଷ ଏକ ଦିବସୀୟ ସିରିଜ୍‌ ଖେଳୁଛି। ଏହି ସିରିଜ୍‌ ପାଇଁ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ବିଶ୍ରାମ ଦିଆଯାଇଛି।...

ଆଉଟ୍‌ ନ ହେବା ସତ୍ତ୍ୱେ ପ୍ୟାଭିଲିଅନ ଫେରିଲେ ଯୁବି

ନୂଆଦିଲ୍ଲୀ,୨୬।୭- ଯୁବରାଜ ସିଂ (ଯୁବି) ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ପ୍ରଥମ ଥର ପ୍ରତିଦ୍ୱନ୍ଦ୍ୱିତାମୂଳକ କ୍ରିକେଟ ଖେଳିଛନ୍ତି। ଗ୍ଲୋବାଲ ଟି୨୦ କାନାଡା ଲିଗ୍‌ ଦ୍ୱିତୀୟ...

ଧ୍ୟାନଚାନ୍ଦଙ୍କୁ ‘ଚାନ୍ଦ୍‌’ କହି ଡାକୁଥିଲେ ସାଥୀ ଖେଳାଳି

ଆଜି ହେଉଛି ଜାତୀୟ କ୍ରୀଡା ଦିବସ।୧୯୦୫ ମସିହା ଆହ୍ଲାବାଦର ପ୍ରୟାଗଠାରେ ହକିର ଯାଦୁଗର ଓ କିମ୍ବଦନ୍ତୀ ପୁରୁଷ ମେଜର ଧ୍ୟାନଚାନ୍ଦ ଏକ ରାଜପୁତ ପରିବାରରେ ଜନ୍ମଗ୍ରହଣ...

Advertisement
Archives

Model This Week