କଟକ ଅଫିସ,୨୨।୭- ଆସନ୍ତା ୨୮ରୁ ଜର୍ମାନୀର ହାମବର୍ଗଠାରେ ଆଇରନ ମ୍ୟାନ ପ୍ରତିଯୋଗିତା ହେବ। ଏଥିରେ ଓଡ଼ିଶାରୁ ଭାଗ ନେବେ ସୌଭାଗ୍ୟ କୁମାର ରଥ । ରବିବାର ପୂର୍ବାହ୍ନରେ ସୌଭାଗ୍ୟ ଜର୍ମାନୀ ଅଭିମୁଖେ ଯାତ୍ରା କରିଛନ୍ତି । ୩.୮ କିମି ସନ୍ତରଣ, ୧୮୦ କିମି ସାଇକେଲ ଚାଳନା, ୪୨ କିମି ଦୌଡ଼କୁ ନେଇ ଏହି ପ୍ରତିଯୋଗିତା ହେବ । ଏହି ପ୍ରତିଯୋଗିତାରେ ବିଜୟୀ ହେଲେ ସୌଭାଗ୍ୟ ରାଜ୍ୟର ଦ୍ୱିତୀୟ ଆଇରନ ମ୍ୟାନ ହେବେ । ପୂର୍ବରୁ ସିଦ୍ଧାର୍ଥ ରାଉତରାୟ ରାଜ୍ୟର ଏକମାତ୍ର ଆଇରନ ମ୍ୟାନ ଭାବେ ପ୍ରସିଦ୍ଧଲାଭ କରିଛନ୍ତି । ଉକ୍ତ ପ୍ରତିଯୋଗିତା ନିମନ୍ତେ ପ୍ରସ୍ତୁତି ଜୋରଦାର କରିଛି ବୋଲି ସୌଭାଗ୍ୟ ନିଜ ପ୍ରତିକ୍ରିୟାରେ କହିଛନ୍ତି ।
