ବିଞ୍ଝାରପୁର, ୮।୪(ଡି.ଏନ.ଏ.): ବିଞ୍ଝାରପୁର ଥାନା କଲ୍ୟାଣପୁର ପଞ୍ଚାୟତ କାହ୍ନୁପୁର ଗ୍ରାମରେ ମଙ୍ଗଳବାର ଜମିବାଡିକୁ କେନ୍ଦ୍ରକରି ସଂଘର୍ଷ ଘଟିଥିଲା। ଏଥିରେ ଗୋଟିଏ ପରିବାରର ୩ଜଣ ଗୁରୁତର ହୋଇଥିବାବେଳେ ସେମାନଙ୍କୁ ପ୍ରଥମେ ଯାଜପୁର ଓ ପରେ କଟକ ସ୍ଥାନାନ୍ତର କରାଯାଇଛି। ଆହତମାନେ ହେଲେ ଜିତେନ୍ଦ୍ର ଦାସ, ତାଙ୍କ ସ୍ତ୍ରୀ ଗୀତାଞ୍ଜଳି ଦାସ ଓ ପୁଅ ସଞ୍ଜୀବ। ଏହି ଘଟଣାରେ ଅନ୍ୟଗୋଟିଏ ପରିବାରର ଭାସ୍କର ଦାସ ଓ ପତ୍ନୀ ଜୋତ୍ସ୍ନା ଦାସଙ୍କୁ ପୋଲିସ ବୁଧବାର କୋର୍ଟଚାଲଣ କରିଛି। ଏହି ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତ ଯଥା ଭାସ୍କରଙ୍କ ଦୁଇ ପୁଅ ଚିତ୍ତରଞ୍ଜନ ଓ ସତ୍ୟରଞ୍ଜନଙ୍କୁ ଧରିବା ଲାଗି ବିଭିନ୍ନ ସ୍ଥାନରେ ଚଢାଉ ଜାରି ରଖିିଛି। ବିଞ୍ଝାରପୁର ପୋଲିସ ଏନେଇ ଏକ ମାମଲା (ନଂ.୧୦୧/୨୦) ରୁଜୁ କରିବା ସହିତ ଗିରଫ ଅଭିଯୁକ୍ତ ଦ୍ୱୟଙ୍କୁ ବୁଧବାର କୋର୍ଟଚାଲାଣ କରିଛି।
