ଖୋର୍ଦ୍ଧା ଅଫିସ/ ବାଲୁଗାଁ, ୨୪।୮(ଡି.ଏନ.ଏ.): ଖୋର୍ଦ୍ଧା ଜିଲା କୋଲକତା-ମାଡ୍ରାସ ୧୬ ନଂ. ଜାତୀୟ ରାଜପଥର ବାଲୁଗାଁ ଥାନା ନାଭାଲ ଫାଣ୍ଡି ନିକଟ ନୂଆଗଡ ଓଭର ବ୍ରିଜ ପାଖରେ ଶନିବାର ସନ୍ଧ୍ୟାରେ ଛିନ୍ତାଇ ବେଳେ ବାଇକରୁ ପଡି ଜଣେ ଯୁବତୀଙ୍କ ମୃତ୍ୟୁ ଘଟିଛି। ମୃତକ ହେଲେ ମଞ୍ଜୁଲତା ମହାନ୍ତି। ଘର ଗଞ୍ଜାମ ଜିଲା ଖଲ୍ଲିକୋଟ ଥାନା ଚିକିଲି ଗାଁରେ। ମଞ୍ଜୁଲତା ବାଇକ୍ରେ ବସି ଯାଉଥିବାବେଳେ ପଛ ପାଖରୁ ୨ ଜଣ ଲୁଟେରା କଳା ପଲସରରେ ପିଛା କରି ଯୁବତୀଙ୍କଠାରୁ ବ୍ୟାଗ୍ ଛଡାଇଥିଲେ। ଏହି ସମୟରେ ଲୁଟେରା ଦ୍ୱୟ ବ୍ୟାଗ ଛଡାଇବା ପାଇଁ ପେଲି ଦେଇଥିବାବେଳେ ଚାଳକଙ୍କ ସହ ମଞ୍ଜୁଲତା ତଳେ ପଡି ଯାଇଥିଲେ। ଲୁଟେରା ଦ୍ୱୟ ଲୁଟ୍ କରି ନ ପାରି ପଳାଇ ଯାଇଥିବାବେଳେ ସ୍ଥାନୀୟ ଲୋକ ଆହତ ଦ୍ୱୟଙ୍କୁ ବାଣପୁର ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ମଞ୍ଜୁଲତାଙ୍କୁ ଡାକ୍ତର ମୃତ ଘୋଷଣା କରିଛନ୍ତି। ତେବେ ରିପୋର୍ଟ ଲେଖା ହେବା ପର୍ଯ୍ୟନ୍ତ ବାଣପୁର ଥାନା ପୋଲିସ ପହଞ୍ଚତ୍ ଦୁର୍ଘଟଣାର ତଦନ୍ତ କରିିନାହିଁ।
