କେସିଙ୍ଗା,୧୮।୯(ଡି.ଏନ.ଏ.)-କଳାହାଣ୍ଡି ଜିଲା କେସିଙ୍ଗାସ୍ଥିତ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପରିସରରେ ଗୋଷ୍ଠୀସ୍ତରୀୟ ଛାତ୍ରୀଛାତ୍ରଙ୍କ ଚକ୍ଷୁ ପରୀକ୍ଷା ଶିବିର ମଙ୍ଗଳବାର ଅନୁଷ୍ଠିତ ହୋଇଯାଇଛି । ଏହି ଚକ୍ଷୁ ପରୀକ୍ଷାରେ କେସିଙ୍ଗା ବ୍ଲକର ୬ଟି କ୍ଲଷ୍ଟରୁ ୧୪୩ଜଣ ଛାତ୍ରୀଛାତ୍ର ଯୋଗଦାନ କରିଥିଲେ। ଏଥି ମଧ୍ୟରୁ ୩୨ଜଣ ଛାତ୍ରୀଛାତ୍ରଙ୍କ ଚଷମା ଦରକାର ହେଉଥିବାରୁ ସେମାନଙ୍କୁ ରିପୋର୍ଟ ଦିଲ୍ଲୀ ପଠାଯାଇଛି । ୧୦ ଜଣ ଛାତ୍ରୀଛାତ୍ରଙ୍କ ବିଭିନ୍ନ ଚକ୍ଷୁ ପରୀକ୍ଷା କରିବା ପାଇଁ ଭବାନୀପାଟଣାକୁ ରେଫର କରାଯାଇଛି। ଏଥିରେ ଡା. ଝସକେତନ ସାହୁ, ଚକ୍ଷୁ ସହାୟକ ଚିକିତ୍ସକ ଲଲିତ କୁମାର ପଟ୍ଟନାୟକ, ବିନୋଦ କୁମାର ବେହେରା, ଯୁଧିଷ୍ଠିର ପାତ୍ରଙ୍କ ଦ୍ୱାରା ଛାତ୍ରୀଛାତ୍ରମାନଙ୍କ ଚକ୍ଷୁ ପରୀକ୍ଷା କରାଯାଇଥିଲା । ଗୋଷ୍ଠୀ ଶିକ୍ଷା ଅଧିକାରୀ ବିଜୟ କୁମାର ସିଂହଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରାଘବ ମାଝି, ସୀମାଞ୍ଚଳ ବୁଦ୍ଧିଆ, ଶରତ ବାରିକ ଏବଂ ସୁଧାଂଶୁ ଶେଖର ପ୍ରଧାନ, ନିଳେନ୍ଦ୍ରୀ ମେହେର ପ୍ରମୁଖ ସହଯୋଗ କରିଥିଲେ ।
