ଗଞ୍ଜାମ,୨୧।୬(ଡି.ଏନ୍.ଏ.):ମହାମାରୀ କରୋନା ମୁକାବିଲା ପାଇଁ ପ୍ରଶାସନ ପକ୍ଷରୁ କରାଯାଇଥିବା ସଟ୍ଡାଉନ୍ରେ ଫାଇଦା ଉଠଉଛନ୍ତି ଗଞ୍ଜାମ ସହରର କିଛି ଅସାଧୁ ବ୍ୟବସାୟୀ l ଦେକାନ ଆଗରେ ତାଲା ପଡ଼ିଥିଲେ ହେଁ ମାଲିକମାନେ ଭିତରେ ଭିତରେ ବିଭିନ୍ନ ଜିନିଷ ଚଢ଼ା ଦରରେ ବିକ୍ରି କରି ମାଲାମାଲ ହେଉଛନ୍ତିl ଆଳୁ, ବାଇଗଣ, ଓ ଖାଉଟି ସାମଗ୍ରୀ ଆଦି କଳା ବଜାରୀ ହେଉଥିବା ଅଭିଯୋଗ ହେଉଛିl ଦୋକାନ ମାଲିକମାନେ ଅତ୍ୟାବଶ୍ୟକ ଜିନିଷର ମଧ୍ୟ ଦର ବଢ଼ାଇ ଦେଇଛନ୍ତି l ଏହା ଦ୍ୱାରା ଗରିବ ଜନସାଧାରଣ ନାନା ହଇରାଣ ହେଉଛନ୍ତି l ସ୍ଥାନୀୟ ପ୍ରଶାସନ ଖାଲି କିଏ ମାକ୍ସ ପିନ୍ଧିନାହିଁି, ସଟ୍ଡାଉନ୍ରେ କିଏ ବାହାରେ ବୁଲୁଛି ତାହା ଅନୁଧ୍ୟାନ କରି ଚୁପ୍ ବସୁଛନ୍ତି l ସହରର ବଡ ବଡ଼ ଦୋକାନ ଗୁଡିକରେ ପ୍ରଶାସନ ପକ୍ଷରୁ ଯଦି ନିୟମିତ ଚଢ଼ାଉ ଜାରି କରାଯାଇଥାନ୍ତା ତାହା ହେଲେ ଏପରି ଅବସ୍ଥା ହୋଇଛି ନ ଥାନ୍ତା ବୋଲି ବୁଦ୍ଧଜୀବୀ ମହଲରେ ମତ ପ୍ରକାଶ ପାଇଛି l ଏ ସମ୍ପର୍କରେ ତହସିଲଦାରଙ୍କୁ ଯୋଗାଯୋଗ ସମ୍ଭବ ହୋଇପାରି ନ ଥିବା ବେଳେ ବିଡ଼ିଓ ଜ୍ୟୋତି ଶଙ୍କର ରାୟ କହିଛନ୍ତି ତଦନ୍ତ ପରେ ପଦକ୍ଷେପ ନିଆଯିବ l ଏଣୁ ପ୍ରଶାସନ ପକ୍ଷରୁ ଅସାଧୁ ବେପାରୀଙ୍କୁ ଧରି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସ୍ଥାନୀୟ ଅଞ୍ଚଳବାସି ଦାବି କରିଛନ୍ତି l
