ଗଞ୍ଜାମ ଜିଲା: ବଢ଼ୁଛି କୁଷ୍ଠ ଆକ୍ରାନ୍ତଙ୍କ ସଂଖ୍ୟା : ଗ୍ରାମାଞ୍ଚଳରୁ ୩୪୧ ରୋଗୀ ଚିହ୍ନଟ

ବ୍ରହ୍ମପୁର ଅଫିସ୍‌,୧୨ା୧୦-ଗଞ୍ଜାମ ଜିଲାରେ କୁଷ୍ଠ ରୋଗୀଙ୍କ ସଂଖ୍ୟା ବଢ଼ିଛି। ଜିଲାର କେବଳ ଗ୍ରାମାଞ୍ଚଳରେ ନିକଟରେ ଆୟୋଜିତ ହୋଇଥିବା କୁଷ୍ଠ ଚିହ୍ନଟ କାର୍ଯ୍ୟକ୍ରମରେ ୩୪୧ ନୂଆ ରୋଗୀ ଚିହ୍ନଟ ହୋଇଛନ୍ତି। ସ୍ବାସ୍ଥ୍ୟ ବିଭାଗ ତରଫରୁ ସେମାନଙ୍କୁ ଏମ୍‌ଡିଟି ଔଷଧ ପ୍ରଦାନ କରାଯାଉଛି। ନିୟମିତ ବ୍ୟବଧାନରେ ସ୍ବାସ୍ଥ୍ୟପରୀକ୍ଷା ସହ ଆବଶ୍ୟକ ପରାମର୍ଶ ମଧ୍ୟ ଦିଆଯାଉଛି । ଜିଲାର ବେଗୁନିଆପଡ଼ା, ଖଲ୍ଲିକୋଟ ଏବଂ ଦିଗପହଣ୍ଡି ବ୍ଲକରେ ସର୍ବାଧିକ କୁଷ୍ଠରୋଗୀ ଚିହ୍ନଟ ହୋଇଥିବା ତଥ୍ୟ ହସ୍ତଗତ ହୋଇଛି ।
ଗତ ସେପ୍ଟେମ୍ବର ୧୦ରୁ ୨୩ତାରିଖ ପର୍ଯ୍ୟନ୍ତ ବ୍ଲକସ୍ତରରେ କୁଷ୍ଠରୋଗୀ ଚିହ୍ନଟ ଅଭିଯାନ ହୋଇଥିଲା । ପ୍ରାରମ୍ଭିକ ପର୍ଯ୍ୟାୟରେ ଆଶା କର୍ମୀମାନେ ଘରକୁ ଘର ବୁଲି ସନ୍ଦିଗ୍ଧ ରୋଗୀଙ୍କୁ ଚିହ୍ନଟ କରିଥିଲେ । ପରେ ସ୍ବାସ୍ଥ୍ୟ କର୍ମୀମାନେ ପହଞ୍ଚି ସ୍ବାସ୍ଥ୍ୟପରୀକ୍ଷା କରିଥିଲେ। ଯେଉଁମାନଙ୍କଠାରେ କୁଷ୍ଠ ଲକ୍ଷଣ ମିଳିଥିଲା, ସେମାନଙ୍କ ତାଲିକା ପ୍ରସ୍ତୁତ କରିଥିଲେ। ପରବର୍ତ୍ତୀ ପର୍ଯ୍ୟାୟରେ ସ୍ଥାନୀୟ ମେଡ଼ିକାଲ୍‌ ଅଫିସର୍‌ ଏବଂ ଜିଲାସ୍ତରୀୟ ଅଧିକାରୀମାନେ ପହଞ୍ଚି ଚୂଡ଼ାନ୍ତ ଚିହ୍ନଟ କରିଥିଲେ। ଏଭଳି ଜିଲାର ସମସ୍ତ ଗ୍ରାମାଞ୍ଚଳରୁ ମୋଟ ୩୧ଲକ୍ଷ ୭୪ହଜାର ୫୩୬ ଜଣଙ୍କ ସ୍ବାସ୍ଥ୍ୟ ଯାଞ୍ଚ କରାଯାଇଥିଲା । ସେଥିମଧ୍ୟରୁ ଆଶା କର୍ମୀମାନେ ୬ହଜାର ୫୪୭ ଜଣଙ୍କ ଠାରେ କୁଷ୍ଠ ଲକ୍ଷଣ ଦେଖାଦେଇଥିବା ସନ୍ଦେହ ପ୍ରକାଶ କରିଥିଲେ। ସମସ୍ତଙ୍କ ସ୍ବାସ୍ଥ୍ୟ ପରୀକ୍ଷା କରାଯିବା ପରେ ୩୪୧ ଜଣ କୁଷ୍ଠ ରୋଗୀ ଥିବା ଚୂଡ଼ାନ୍ତ ଚିହ୍ନଟ ହୋଇଥିଲା। ମୋଟ ରୋଗୀଙ୍କ ମଧ୍ୟରେ ଅଛନ୍ତି ୨୨ଜଣ ଶିଶୁ । ସେହପରି ୧୬୩ ଜଣ ସ୍ବଳ୍ପ ଜୀବାଣୁ ଏବଂ ୧୭୮ଜଣ ବହୁ ଜୀବାଣୁ ଦ୍ୱାରା ଆକ୍ରାନ୍ତ ଥିବା ଜଣାପଡ଼ିଥିଲା ।
ବ୍ଲକ ଅନୁଯାୟୀ ତଥ୍ୟକୁ ଦେଖିଲେ ସୂଚନା ମିଳୁଛି ଯେ, ଜିଲାରେ ବେଗୁନିଆପଡ଼ା ବ୍ଲକରେ ସର୍ବାଧିକ ୪୪ ନୂତନ ରୋଗୀ ଚିହ୍ନଟ ହୋଇଛନ୍ତି । ବ୍ଲକର ଏକ ଲକ୍ଷ ୪୭ହଜାର ୭୮୧ଜଣଙ୍କୁ ଚିହ୍ନଟ ପ୍ରକ୍ରିୟାରେ ସାମିଲ୍‌ କରାଯାଇଥିବା ବେଳେ ୧୮୦ଜଣଙ୍କ ପାଖରେ କୁଷ୍ଠ ଲକ୍ଷଣ ଥିବା ଆଶା କର୍ମୀମାନେ ସନ୍ଦେହ କରିଥିଲେ। ତେବେ ସେଥିରୁ ୪୮ ରୋଗୀଙ୍କ ପାଖରେ କୁଷ୍ଠ ଜୀବାଣୁ ମିଳିଥିଲା । ୨୭ଜଣ ସ୍ବଳ୍ପ ଜୀବାଣୁ ଏବଂ ୧୭ଜଣ ବହୁ ଜୀବାଣୁ ଦ୍ୱାରା ଆକ୍ରାନ୍ତ ଥିବା ଜଣାପଡ଼ିଥିଲା । ବ୍ଲକରେ ଆକ୍ରାନ୍ତଙ୍କ ମଧ୍ୟରୁ ଦୁଇଜଣ ଶିଶୁ ଅଛନ୍ତି । ଦ୍ୱିତୀୟ ସ୍ଥାନରେ ରହିଛି ଖଲ୍ଲିକୋଟ ବ୍ଲକ । ବ୍ଳକର ଏକ ଲକ୍ଷ ୭୬ହଜାର ୧୧୨ଜଣଙ୍କୁ ଚିହ୍ନଟ ପ୍ରକ୍ରିୟାରେ ସାମିଲ୍‌ କରାଯାଇଥିଲା । ୩୨୧ଜଣଙ୍କ କୁଷ୍ଠ ଦ୍ୱାରା ଆକ୍ରାନ୍ତ ଥିବା ସନ୍ଦେହ ସୃଷ୍ଟି ହେବାରୁ ପରୀକ୍ଷା କରାଯାଇଥିଲା । ସେଥିରୁ ୩୯ଜଣ ଆକ୍ରାନ୍ତ ଥିବା ଜଣାପଡ଼ିଥିଲା । ମୋଟ ଆକ୍ରାନ୍ତଙ୍କ ମଧ୍ୟରୁ ୨୨ଜଣ ସ୍ବଳ୍ପ ଜୀବାଣୁ ଏବଂ ୧୭ଜଣ ବହୁ ଜୀବାଣୁ ଦ୍ୱାରା ଆକ୍ରାନ୍ତ। ଏପରିକି ସେଥିରୁ ୫ଜଣ ଶିଶୁ ମଧ୍ୟ ରହିଛନ୍ତି । ତୃତୀୟ ସ୍ଥାନରେ ରହିଛି ଦିଗପହଣ୍ଡି ବ୍ଲକ । ଏକ ଲକ୍ଷ ୫୭ହଜାର ୨୭୬ଜଣଙ୍କୁ ଚିହ୍ନଟ ପ୍ରକ୍ରିୟାରେ ସାମିଲ୍‌ କରାଯାଇଥିଲା । ୪୦୨ଜଣଙ୍କୁ ସନ୍ଦେହରେ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା । ସେଥିରୁ ୩୯ଜଣ ରୋଗୀ ଚିହ୍ନଟ ହୋଇଥିଲେ। ୨୩ଜଣ ସ୍ବଳ୍ପ ଜୀବାଣୁ ଏବଂ ୧୫ଜଣ ବହୁ ଜୀବାଣୁ ଦ୍ୱାରା ଆକ୍ରାନ୍ତ ଥିବା ଜଣାପଡ଼ିଥିଲା ।
ସେହିପରି ଗଞ୍ଜାମ ବ୍ଲକରେ ୬, ପୋଲସରା ବ୍ଲକରେ ୧୨, ଆସିକା ବ୍ଲକରେ ୧୦, ଭଞ୍ଜନଗର ବ୍ଲକରେ ୧୨, ଶେରଗଡ଼ ବ୍ଲକରେ ୧୭, ସାନଖେମୁଣ୍ଡି ବ୍ଲକରେ ୮ ଜଣ ନୂତନ କୁଷ୍ଠ ରୋଗୀ ଚିହ୍ନଟ ହୋଇଛନ୍ତି। ଅନ୍ୟପକ୍ଷରେ ଜଗନ୍ନାଥପ୍ରସାଦ ବ୍ଲକରେ ୧୩, ଚିକିଟି ବ୍ଲକରେ ୧୧, ବେଲଗୁଣ୍ଠା ବ୍ଲକରେ ୪, ରଙ୍ଗେଇଲୁଣ୍ଡା ବ୍ଲକରେ ୮, କବିସୂର୍ଯ୍ୟନଗର ବ୍ଳକରେ ୧୧, ହିଂଜିଳିକାଟୁ ବ୍ଲକରେ ୨୬, ଧରାକୋଟ ବ୍ଲକରେ ୧୦, ଛତ୍ରପୁର ବ୍ଲକରେ ୩୦, ବୁଗୁଡ଼ା ବ୍ଲକରେ ୭, ବଡ଼ଗଡ଼ ବ୍ଲକରେ ୮, ପୁରୁଷୋତ୍ତମପୁର ବ୍ଲକରେ ୭, କୁକୁଡ଼ାଖଣ୍ଡି ବ୍ଲକରେ ୧୦ ଏବଂ ପାତ୍ରପୁର ବ୍ଲକରେ ୧୦ ନୂତନ ରୋଗୀ ଚିହ୍ନଟ ହୋଇଛନ୍ତି ।
ଚିହ୍ନଟ ରୋଗୀଙ୍କୁ ଏମ୍‌ଡିଟି ଔଷଧ ପ୍ରଦାନ ସହ ଆବଶ୍ୟକୀୟ ଚିକିତ୍ସା ସୁବିଧା ପ୍ରଦାନ କରାଯାଉଥିବା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି । ସେହିଭଳି ଆସନ୍ତା ୧୪ତାରିଖରୁ ଜିଲାର ୧୮ଟି ସହରାଞ୍ଚଳରେ ମଧ୍ୟ ରୋଗୀ ଚିହ୍ନଟ ଶିବିର ଆୟୋଜିତ ହେବ ବୋଲି ସୂଚନା ମିଳିଛି ।


Enter your email to get our daily news in your inbox.

All Right Reserved By Dharitri.Com

କେଏସ୍‌ୟୁବି କଲେଜର ଭିତ୍ତିଭୂମି ସୁଦୃଢ଼ କରାଯିବ: ମନ୍ତ୍ରୀ

ଭଞ୍ଜନଗର,୨୪।୧୧(ଡି.ଏନ.ଏ.)-ଜଙ୍ଗଲ ଓ ପରିବେଶ ଏବଂ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଶନିବାର ପୂର୍ବାହ୍ନରେ ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ (କେଏସ୍‌ୟୁବି) କଲେଜ...

ସୁଲୁମାହା ଘାଟିରେ ଟ୍ରାକ୍ଟର ଧକ୍କାରେ ଦାଦା, ପୁତୁରାଙ୍କ ମୃତ୍ୟୁ ଘଟଣା: ମୃତଦେହ ରଖି ରାଜପଥ ଅବରୋଧ, ୧୦ ଲକ୍ଷ କ୍ଷତିପୂରଣ ଦାବି

ଦାରିଙ୍ଗବାଡ଼ି,୨୨।୬(ଡି.ଏନ୍‌.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ସୁଲୁମାହା ଘାଟିରେ ଶୁକ୍ରବାର ସଂନ୍ଧ୍ୟା ୭ଟାରେ ଟ୍ରାକ୍ଟର ଧକ୍କାରେ ବାଇକରେ ଯାଉଥିବା ଦାଦା, ପୁତୁରାଙ୍କ ମୃତ୍ୟୁକୁ ନେଇ ସ୍ଥାନୀୟ...

ଗଞ୍ଜାମ ଏନ୍‌ଏସିରେ କରୋନା ଆକ୍ରାନ୍ତ ସଂଖ୍ୟା ଛୁଇଁଲା ୩୦, ୧ ମୃତ

ଗଞ୍ଜାମ,୫।୮(ଡି.ଏନ୍‌.ଏ.): ଗଞ୍ଜାମ ଏନ୍‌ଏସି ଅଞ୍ଚଳରେ ମହାମାରୀ କରୋନା ଧୀରେ ଧୀରେ ନିୟନ୍ତ୍ରଣକୁ ଆସୁଥିବା ଜଣାପଡିଛି l ଏହି ଏନ୍‌ଏସିରେ ଗତ ଜୁନ୍‌ ମାସରେ ପ୍ରଥମ କରୋନା...

ଏଥର କୋଭିଡ୍‌ ମୁକାବିଲାରେ ସାମିଲ୍‌ ହେଲେ ଗଞ୍ଜାମ ସହରର ଦୋକାନୀ

ଗଞ୍ଜାମ,୨୫।୯(ଡି.ଏନ୍‌.ଏ.): ଗଞ୍ଜାମ ସହରରୁ ବର୍ତ୍ତମାନ ସୁଦ୍ଧା ମହାମାରୀ କରୋନା ହଟିନି। ଦୈନିକ ସହରର କେଉଁ ୱାର୍ଡରୁ ନା କେଉଁ ୱାର୍ଡରୁ ଗୋଟିଏ କିମ୍ବା ଦୁଇଟି ଆକ୍ରାନ୍ତ...

ମିନିବସ୍‌ ଚୋରି ଉଦ୍ୟମ : ଚାଳକଙ୍କୁ ଅଟକ ରଖି ପୋଲିସର ପଚରାଉଚରା

ଦିଗପହଣ୍ଡି,୧୮।୮(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବସଷ୍ଟାଣ୍ଡରୁ ଯାତ୍ରୀବାହୀ ମିନିବସ୍‌ ନଂ ଓଆର- ୦୭- ୬୫୦୧କୁ ଚୋରି କରି ଜଣେ ଚାଳକ ନେଇ ଯାଉଥିବାବେଳେ ରବିବାର ଅପରାହ୍ନରେ...

ମୁମ୍ବାଇରେ ଦାଦନ ଶ୍ରମିକଙ୍କ ମୃତ୍ୟୁ

ପାତ୍ରପୁର,୯ା୮(ଡି.ଏନ୍‌.ଏ.)- ଗଞ୍ଜାମ ଜିଲା ପାତ୍ରପୁର ବ୍ଲକ ଭୀମପୁର ଗ୍ରାମର ଜଣେ ଦାଦନ ଶ୍ରମିକଙ୍କ ମୁମ୍ବାଇରେ ମୃତ୍ୟୁ ଘଟିଛି। ସେ ହେଲେ ଲୋକନାଥ ସାହୁ (୫୫)। ଲୋକନାଥ...

ଧରିତ୍ରୀରେ ଖବର ପ୍ରକାଶିତ ହେବାପରେ ଚେତିଲା ପୂର୍ତ୍ତ ବିଭାଗ: ରାତିଅଧିଆ ରାସ୍ତା ମରାମତି କାର୍ଯ୍ୟ ଶେଷ

ଦାରିଙ୍ଗବାଡ଼ି,୨୦।୭(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି-ବ୍ରାହ୍ମଣୀଗାଁକୁ ସଂଯୋଗ କରୁଥିବା ପୂର୍ତ୍ତ ବିଭାଗ ରାସ୍ତା ଦବି ଯାତାୟାତରେ ସମସ୍ୟା ହେଉଥିଲା। ତେବେ ରାସ୍ତା ମରାମତି ଦିଗରେ ବିଭାଗ ପଦକ୍ଷେପ...

ବଳିଆରସିଂହପୁରରେ ହାତୀ ଉପଦ୍ରବ, ୫ ଏକର ଜମିର ଫସଲ ନଷ୍ଟ

ଶେରଗଡ,୩ା୨(ଡି.ଏନ.ଏ.)-ଶେରଗଡ଼ ବ୍ଲକ ବଳିଆରସିଂହପୁର ଗ୍ରାମରେ ସୋମବାର ଭୋର୍‌ରେ ହାତୀପଲ ପଶି ପ୍ରାୟ ୫ ଏକର ଜମିର ପରିବା ଫସଲ ନଷ୍ଟ କରିଦେଇଛନ୍ତି। ଅଲାରିଗଡ଼ ଲଣ୍ଡା ପାହାଡରେ...

Advertisement
Archives

Model This Week