ଖୋଲା ରହିବ ବଛା ବଛା ବ୍ୟାଙ୍କ ଶାଖା

ନୂଆଦିଲ୍ଲୀ,୨୪-୩: କରୋନା ଲାଗି ବର୍ତ୍ତମାନ ସାରା ଦେଶର ବିଭିନ୍ନ ସ୍ଥାନରେ ଲକ୍‌ଡାଉନ ଘୋଷଣା କରାଯାଇଛି। ଏହି ସ୍ଥାନଗୁଡିକରେ କେତେକ ବଛା ବଛା ଶାଖା ଖୋଲା ରଖିବାକୁ ଇଣ୍ଡିଆନ ବ୍ୟାଙ୍କ ଆସୋସିଏଶନ(ଆଇବିଏ) ବ୍ୟାଙ୍କଗୁଡିକୁ କହିଛି। ବ୍ୟାଙ୍କଗୁଡିକ ଏହି ସମୟରେ ଜରୁରୀ ସେବା ପ୍ରଦାନ କରିବେ ବୋଲି ଜଣାପଡିଛି। ବ୍ୟାଙ୍କଗୁଡିକର ମୁଖ୍ୟମାନଙ୍କ ଏ ନେଇ ଆଇବିଏ ପକ୍ଷରୁ ଅବଗତ କରାଯାଇଛି। ରାଜ୍ୟ ସ୍ତରୀୟ ବ୍ୟାଙ୍କର୍ସ କମିଟି(ଏସ୍‌ଏଲ୍‌ବିସି)ର କନଭେନର ଏବଂ ଲିଡ ଡିଷ୍ଟ୍ରିକ୍ଟ ମ୍ୟାନେଜରଙ୍କୁ ଆଇବିଏ ଏ ନେଇ ନିବେଦନ କରିଛି। ବ୍ୟାଙ୍କଗୁଡିକର ବିଜନେସ କଣ୍ଟିନ୍ୟୁଇଟି ପ୍ଲାନ (ବିସିପି) ନେଇ ପଦକ୍ଷେପ ନେବାକୁ ରାଜ୍ୟ ପ୍ରଶାସନ ସହ ମିଳିତ ହୋଇ କାମ କରିବା ଲାଗି ଆଇବିଏ ପକ୍ଷରୁ ଗୁରୁତ୍ୱାରୋପ କରାଯାଇଛି। ଅର୍ଥାତ ନିର୍ଦ୍ଧାରତ ବ୍ୟାଙ୍କଗୁଡିକର କାମ କିଭଳି ଚାଲିପାରିବ ସେ ନେଇ ବ୍ୟାଙ୍କ କର୍ତ୍ତୃପକ୍ଷ ସ୍ଥାନୀୟ ରାଜ୍ୟ କର୍ତ୍ତୃପକ୍ଷଙ୍କ ସହ ସମନ୍ବୟ ରଖାକରିବେ।
ରବିବାର କରୋନା ଯୋଗୁ ଅଧିକ ୩ ଜଣ ଲୋକ ମୃତ୍ୟୁ ମୁଖରେ ପଡିଛନ୍ତି। ବିହାର ଏବଂ ଗୁଜରାଟ ଭଳି ରାଜ୍ୟରେ ପ୍ରଥମ କାଜୁଆଲ୍‌ଟି ଦେଖାଯାଇଛି। ଏବେ ଦେଶରେ କୋଭିଡ-୧୯ରେ ପ୍ରାୟ ୩୬୦ ଲୋକ ଆକ୍ରାନ୍ତ ହୋଇଛନ୍ତି। ସାରା ଦେଶରେ ଟ୍ରେନ ଚଳାଚଳକୁ ବାତିଲ କରାଯାଇଥିବା ବେଳେ ଆନ୍ତଃ ରାଜ୍ୟ ବସ୍‌ ଚଳାଚଳକୁ ମାର୍ଚ୍ଚ ୩୧ ଯାଏ ବନ୍ଦ ରଖାଯାଇଛି। କରୋନା ବ୍ୟାପିବାକୁ ରୋକିବା ଲାଗି ଅନିର୍ଦ୍ଧିଷ୍ଟ ସମୟ ଯାଏ କଟକଣା ଲଗାଇଛନ୍ତି। ଏଣୁ ବ୍ୟାଙ୍କଗୁଡିକ ଏଭଳି ସ୍ଥିତିକୁ ନଜରରେ ରଖି ପଦକ୍ଷେପ ଗ୍ରହଣ କରିଛନ୍ତି। ବ୍ୟାଙ୍କଗୁଡିକର ଆଞ୍ଚଳିକ କାର୍ଯ୍ୟାଳୟ, ଜୋନାଲ ଅଫିସ ଏବଂ ସର୍କଲ ମୁଖ୍ୟ ମାନଙ୍କୁ ଏ ଦିଗରେ ଠିକ୍‌ ଭାବେ ଅବଗତ କରାଇବା ଲାଗି ଆଇବିଏ ବ୍ୟାଙ୍କର ମୁଖ୍ୟ କାର୍ଯ୍ୟନିର୍ବାହି ଅଧିକାରୀ ସିଇଓଙ୍କୁ କୁହାଯାଇଛି।
ବ୍ୟାଙ୍କଗୁଡିକ ପ୍ରସ୍ତୁତ କରିଥିବା ବିସିପି କିଭଳି ଠିକ୍‌ ଭାବେ କାର୍ଯ୍ୟ କରିବ ସେ ନେଇ ଏସ୍‌ଏଲ୍‌ବିସି କନଭେନର ରିଜର୍ଭ ବ୍ୟାଙ୍କର ଆଞ୍ଚଳିକ ନିର୍ଦ୍ଦେଶକଙ୍କ ସହ ମଧ୍ୟ ସମନ୍ବୟ ରକ୍ଷା କରିବେ। ଏସ୍‌ଏଲ୍‌ବିସି କନଭେନର ବ୍ୟାଙ୍କଗୁଡିକର ଏମ୍‌ଡି ଏବଂ ସିଇଓ ମାନେ ଏ ଦିଗରେ ପ୍ରମୁଖ ଭୂମିକା ଗ୍ରହଣ କରିବା ନେଇ ଆଇବିଏ ଆଶାବାଦୀ ରହିଛି। ଏହା ସହ ରାଜ୍ୟ ସ୍ତରରେ ମେମ୍ବର ବ୍ୟାଙ୍କ ମାନଙ୍କୁ ଯୋଜନା କିଭଳି ଠିକ୍‌ ଭାବେ କାର୍ଯ୍ୟ କରିବ ସେ ନେଇ ଧ୍ୟାନ ରଖିବାକୁ ଅବଗତ କରାଯାଇଛି। ସବୁ ବ୍ୟାଙ୍କ କୋଭିଡ-୧୯ ବିରୋଧରେ ଏକତ୍ର ହୋଇ ଲଢିବା ଲାଗି ଆଇବିଏ ନିବେଦନ କରିଛି। ବିକଳ୍ପ ପନ୍ଥା ଦ୍ୱାରା ବ୍ୟାଙ୍କିଙ୍ଗ ସେବା ଯୋଗାଣ ଏବଂ ଯେଭଳି ବ୍ୟାଙ୍କିଙ୍ଗ ସେବାରେ କୌଣସି ବାଧା ନ ଉପୁଯେ ତାକୁ ଧ୍ୟାନରେ ରଖିବା ଉପରେ ଆଇବିଏ ଗୁରୁତ୍ୱ ଦେଇଛି। ଆଇବିଏ ସୋମବାର ଗ୍ରାହକଙ୍କୁ ନିବେଦନରେ ଅନଲାଇନ ଏବଂ ଡିଜିଟାଲ ନେଣଦେଣ କରିବା ଲାଗି କହିଥିଲା। ଅତି ଆବଶ୍ୟକ ନ ହେଲେ ବ୍ୟାଙ୍କ ଶାଖା ନ ଯିବା, ଶାଖାରେ ଭିଡ ନ ଜବାଇବା, ନୋଟ ଛୁଇଁବା, ଗଣିବା ପରେ ହାତ ଧୋଇବା ଭଳି ବିଭିନ୍ନ ସତର୍କତା ଅବଲମ୍ବନ କରିବାକୁ କୁହାଯାଇଛି। ଏହାବାଦ କରୋନାରେ ଡରୋନା ଡିଜିଟାଲ କରୋନା କ୍ୟାମ୍ପେନ ଆରମ୍ଭ କରାଯାଇଛି।


Enter your email to get our daily news in your inbox.

All Right Reserved By Dharitri.Com

ରୋଗୀଙ୍କ ପର୍ସ, ମୋବାଇଲ୍‌, ଫେରାଇ ଆମ୍ବୁଲାନ୍ସ କର୍ମଚାରୀ ପ୍ରଶଂସିତ

ଭୁବନେଶ୍ୱର,୧୬।୩(ବ୍ୟୁରୋ)କେତେଜଣ ଲୋକ ଅଛନ୍ତି, ଯେଉଁମାନେ ମାନବିକତାକୁ ସର୍ବାଗ୍ରେ ରଖିଥାନ୍ତି। ଏକ ୧୦୮ ଆମ୍ବୁଲାନ୍ସର ୩ଜଣ କର୍ମଚାରୀ ମଧ୍ୟ ମାନବିକତା ଦେଖାଇ ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି।...

ଲୋକଙ୍କ ଅଭିଯୋଗ ବୁଝିବାକୁ ଥାନା ପାଇଁ ନୂଆ ଗାଇଡ୍‌ଲାଇନ୍‌ ଜାରିକଲେ ଡିଜିପି

ଭୁବନେଶ୍ୱର, ୨୮।୭(ବ୍ୟୁରୋ): କରୋନା ସମୟରେ ଲୋକଙ୍କ ଅଭିଯୋଗ ବୁଝିବା ପାଇଁ ରାଜ୍ୟର ସମସ୍ତ ଥାନାରେ ଡିଜିପି ଅଭୟ ନୂଆ ଗାଇଡଲାଇନ ଜାରି କରିଛନ୍ତି । ପୋଲିସ...

ଟେଲିକମ୍‌ କମ୍ପାନୀ ପଇଠ କରିବେ ୯୨ ହଜାର କୋଟି

ନୂଆଦିଲ୍ଲୀ,୨୫-୧୦: ଦେଶର ପ୍ରମୁଖ ଟେଲିକମ୍‌ କମ୍ପାନୀଗୁଡିକ ସରକାରଙ୍କୁ ଆଡଜଷ୍ଟେଡ ଗ୍ରସ ରେଭେନ୍ୟୁ ବାବଦକୁ ୯୨ ହଜାର କୋଟି ଟଙ୍କା ପୈଠ କରିବେ। ସୁପ୍ରିମକୋର୍ଟରେ ଏ ନେଇ...

୧୧୫୭ ପ୍ରବାସୀଙ୍କ ମଧ୍ୟରୁ ୫୮ କରୋନା ନେଗେଟିଭ୍‌

କେନ୍ଦ୍ରାପଡ଼ା ଅଫିସ, ୬ା୫: ଗତ ୪ ତାରିଖରୁ ଅଦ୍ୟାବଧି ୧୧୫୭ ପ୍ରବାସୀ ଜିଲାକୁ ଫେରିଛନ୍ତି। ସେମାନଙ୍କଠାରୁ ସଂଗୃହୀତ ସ୍ବାବ୍‌ ଟେଷ୍ଟିଂ ପରେ ୫୮ ଜଣ କରୋନା...

୬ ଜିଲାକୁ ଛାଡ଼ି ସବୁଠି ମୌସୁମୀ

ଭୁବନେଶ୍ୱର,୧୩।୬(ବ୍ୟୁରୋ): ଦକ୍ଷିଣ ପଶ୍ଚିମ ମୌସୁମୀ ବାୟୁ ଶୁକ୍ରବାର ରାଜ୍ୟର ଅଧିକାଂଶ ଜିଲାରେ ପ୍ରବେଶ କରିଛି। ବରଗଡ଼, ଝାରସୁଗୁଡ଼ା, ସୁନ୍ଦରଗଡ଼, ସମ୍ବଲପୁର, କେନ୍ଦୁଝର ଏବଂ ମୟୂରଭଞ୍ଜ ଜିଲାର...

ଆର୍‌ପିଏଫ୍‌ ପ୍ରତିଷ୍ଠା ଦିବସ: ୩୫ ଯବାନ ପୁରସ୍କୃତ

ଭୁବନେଶ୍ୱର, ୨-୯(ବ୍ୟୁରୋ): ପୂର୍ବତଟ ରେଳପଥ ମୁଖ୍ୟାଳୟରେ ମଙ୍ଗଳବାର ରେଳ ସୁରକ୍ଷା ବଳ (ଆର୍‌ପିଏଫ୍‌)ର ୩୫ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଆର୍‌ପିଏଫ୍‌ ଆଇଜି ରାଜା ରାମଙ୍କ...

ରାଜ୍ୟ ସଂଗ୍ରହାଳୟରେ ନୌବାଣିଜ୍ୟ ଗ୍ୟାଲେରି ଉଦ୍‌ଘାଟିତ

ଭୁବନେଶ୍ୱର, ୧।୮(ବ୍ୟୁରୋ): ଭୁବନେଶ୍ୱରସ୍ଥିତ ରାଜ୍ୟ ସଂଗ୍ରହାଳୟଠାରେ ନୌ-ବାଣିଜ୍ୟ ଐତିହ୍ୟ ଗ୍ୟାଲେରି ଶୁକ୍ରବାର ଉଦ୍‌ଘାଟିତ ହୋଇଛି। ସଂସ୍କୃତି ଭବନ ସମ୍ମିଳନୀ କକ୍ଷରେ ଏନେଇ ଆୟୋଜିତ କାର୍ଯ୍ୟକ୍ରମରେ ପର୍ଯ୍ୟଟନ,...

ରେଳ ସପ୍ତାହ ବାର୍ଷିକ ପୁରସ୍କାର ପ୍ରଦାନ;ଖୋର୍ଦ୍ଧା ରେଳ ମଣ୍ଡଳକୁ ସାମଗ୍ରିକ ଦକ୍ଷତା ସିଲ୍‌ଡ

ଭୁବନେଶ୍ୱର,୮-୬: ପୂର୍ବତଟ ରେଳପଥ ପକ୍ଷରୁ ୬୪ତମ ରେଳ ସପ୍ତାହ ସ୍ଥାନୀୟ ଚନ୍ଦ୍ରଶେଖରପୁରସ୍ଥିତ ରେଳ ଅଡିଟୋରିୟମଠାରେ ପାଳିତ ହୋଇଯାଇଛି। କାର୍ଯ୍ୟକ୍ରମରେ ପୂର୍ବତଟ ରେଳପଥ ମହାପ୍ରବନ୍ଧକ ବିଦ୍ୟାଭୂଷଣ ଏଥିରେ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *