ନିରାକାରପୁର,୧୯ା୬(ଡି.ଏନ୍.ଏ.)-ବର୍ତ୍ତମାନ ମଧ୍ୟ ଅନେକ ସ୍ଥାନରେ ତାତି କମିନାହିଁ। ତେଣୁ ପୂର୍ବାହ୍ନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ବିପଜ୍ଜନକ ଭାବେ କୌଣସି ଶ୍ରମିକ କାର୍ଯ୍ୟ କରିବା ସରକାରୀ ନିୟମ ବିରୁଦ୍ଧ। ଏହି ପରିପ୍ରେକ୍ଷୀରେ ଖୋର୍ଦ୍ଧା ରେଳ ଡିଭିଜନ ଅଧୀନ ନିରାକାରପୁର ଷ୍ଟେଶନ ପରିସରରେ ଏହି ନିୟମକୁ ଖୋଲାଖୋଲି ଉଲ୍ଲଂଘନ କରାଯାଉଛି। ମଙ୍ଗଳବାର ପ୍ରାୟ ୪୦ଡିଗ୍ରୀ ଖରାରେ ୩୦ଫୁଟ ଉଚ୍ଚତାବିଶିଷ୍ଟ ଓଭରବ୍ରିଜ୍ ଉପରେ ଚଢି ଅସୁରକ୍ଷିତ ଭାବେ ଜଣେ ରଙ୍ଗ ମିସ୍ତ୍ରୀ କାମ କରୁଥିବା ଦେଖିବାକୁ ମିଳିଛି ା ଶ୍ରମ ଅଧିକାରୀଙ୍କୁ ଏ ନେଇ ବାରମ୍ବାର ଅବଗତ କରାଯାଉଥିବାବେଳେ ବିଭାଗ ପକ୍ଷରୁ କୌଣସି ପଦକ୍ଷେପ ଗ୍ରହଣ ନ ହେବାରୁ ବିଭିନ୍ନ ମହଲରେ ଅସନ୍ତୋଷ ବୃଦ୍ଧିପାଉଛିା ଯାହା କଷ୍ଟ ହେଉପଛେ ଆମେ କାମ କରିବୁ ଏବଂ ଠିକାଦାରଙ୍କ ବିରୋଧରେ କିଛି କହିଲେ ଆମକୁ କାମ ମିଳିବନି ବୋଲି କେତେଜଣ ଶ୍ରମିକ କହିଛନ୍ତି। ଏନେଇ ଖୋର୍ଦ୍ଧା ଶ୍ରମ ଅଧିକାରୀ ପ୍ରଦୀପ ମହାପାତ୍ରଙ୍କୁ ପଚାରିବାରୁ ସେ କହିଲେ, ନିରାକାରପୁର ଅଞ୍ଚଳଟି ବାଲୁଗଁା ଶ୍ରମ ଅଧିକାରୀଙ୍କ ଅଧୀନରେ ରହିଛି। ମୁଁ ଏ ନେଇ ଅବଗତ କରାଇବି ଓ ସେ କ୍ଷେତ୍ର ପରିଦର୍ଶନ କରି ସ୍ଥିତି ଅନୁଧ୍ୟାନ କରିବେ ବୋଲି ସୂଚନା ଦେଇଛନ୍ତି ା ତେବେ ବାଲୁଗାଁ ଶ୍ରମ ଅଧିକାରୀ ସନ୍ତୋଷ ମହାନ୍ତିଙ୍କ ଫୋନ୍ ନ ଲାଗିବାରୁ ତାଙ୍କ ମତାମତ ମିଳି ପାରି ନ ଥିବା ଜଣାପଡ଼ିଛି।
