ବେଗୁନିଆପଡ଼ା,୨୮ା୩(ଡି.ଏନ୍.ଏ.): ରାଜ୍ୟରେ ଚିହ୍ନଟ ହୋଇଥିବା ତୃତୀୟ କରୋନା ପଜିଟିଭ ରୋଗୀ ଭୁବନେଶ୍ୱରସ୍ଥିତ କର କ୍ଲିନିକକୁ ଆସିଥିବା ଜଣାପଡ଼ିବା ପରେ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କୁ ଖୋଜାଚାଲିଛି l ଇତିମଧ୍ୟରେ ଦୁର୍ଘଟଣାରେ ଆହତ ବେଗୁନିଆପଡ଼ା ଅଞ୍ଚଳର ଜଣେ ବ୍ୟକ୍ତି ଉକ୍ତ କ୍ଲିନିକରେ ଚିକିତ୍ସିତ ହୋଇ ଶୁକ୍ରବାର ରାତିରେ ଫେରୁୁଥିବା ସୂଚନା ପାଇ ଗ୍ରାମବାସୀ ତାଙ୍କୁ ଗାଁ ଭିତରକୁ ଛାଡ଼ି ନ ଥିଲେ। ଏପରିକି ତାଙ୍କ ସହ ଆସିଥିବା ଅନ୍ୟ ୨ଜଣଙ୍କୁ ମଧ୍ୟ ଛାଡି ନ ଥିଲେ। ସମସ୍ତଙ୍କୁ ବିଦ୍ୟାଳୟ ପରିସରରେ ହୋଇଥିବା ସଙ୍ଗରୋଧ କୋଠରୀରେ ରଖିଥିଲେ। ପରେ ଗ୍ରାମବାସୀଙ୍କଠାରୁ ଖବର ପାଇ ବେଗୁନିଆପଡ଼ା ବିଡିଓ ବେଦବର ପ୍ରଧାନ, କୋଦଳା ତହସିଲଦାର ପ୍ରଭାତ କୁମାର ପରିଡା, ବେଗୁନିଆପଡ଼ା ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରା, ଡାକ୍ତର ଓ ସ୍ଥାନୀୟ ସରପଞ୍ଚ ପ୍ରଶାନ୍ତ ତାରେଣୀ ପ୍ରମୁଖ ଗ୍ରାମରେ ପହଞ୍ଚିଥିଲେ। ତହସିଲଦାର ସମ୍ପୃକ୍ତ ବ୍ୟକ୍ତିଙ୍କଠାରୁ ସମସ୍ତ ତଥ୍ୟ ସଂଗ୍ରହ କରିଛନ୍ତି l ସୁମଣ୍ଡଳ ସାସ୍ଥ୍ୟକେନ୍ଦ୍ର ଅଧିକାରୀ ଡା. ରାଜେନ୍ଦ୍ର ପ୍ରଧାନ କହିଛନ୍ତି, ରlହାଡା ସାସ୍ଥ୍ୟକେନ୍ଦ୍ର ଡାକ୍ତର ଦେଇଥିବା ରିପୋର୍ଟ ଅନୁଯାୟୀ ଏବେସୁଦ୍ଧା ଉକ୍ତ ବ୍ୟକ୍ତିଙ୍କ ପାଖରେ କରୋନା କୌଣସି ଲକ୍ଷଣ ଦେଖାଯାଉନି, ତଥାପି ତାଙ୍କୁ କ୍ୱାରାଣ୍ଟାଇନରେ ରଖାଯାଇଛି l
