ଖୋର୍ଦ୍ଧା ଅଫିସ,୨ା୪ : କୋଭିଡ-୧୯ ଉଲ୍ଲଂଘନ ନେଇ ସଦର ଥାନା ପୋଲିସ ୮ଜଣଙ୍କୁ ଗିରଫ କରିଛି। ସେମାନେ ହେଲେ କାଇପଦର ଅଞ୍ଚଳର ସତ୍ୟରଞ୍ଜନ ସାହୁ(୨୧), ଟୁକୁନା ରାଉତରାୟ(୪୫), ଆଲାଉଦ୍ଦିନ(୪୮) ଓ ବାବୁ ପାତ୍ର, ଦେଇଳପୁଟର ସତ୍ୟବାନ ପାଲଟାସିଂ(୩୦) ଏବଂ ସିଆଲିଆର ସଞ୍ଜୟ କାଳିଆ(୨୯), ଜିତେନ୍ଦ୍ର ସାମନ୍ତରାୟ(୫୩) ଓ ତପନ ପାତ୍ର(୨୬)। ଏ ନେଇ ଥାନାରେ ପୃଥକ ଭାବେ ଆଇପିସି ଦଫା ୧୮୮/୨୬୯/୨୭୦/୩୪ କେଶ ନଂ୬୩/୬୪/୬୫ ରେ ମାମଲା ରୁଜୁ ହୋଇଛି ବୋଲି ସଦର ଥାନାଧିକାରୀ ଅନିତା ସାହୁ କହିଛନ୍ତି। ଗିରଫ ଅଭିଯୁକ୍ତମାନେ କୋଭିଡ-୧୯ ଆଇନକୁ ଉଲ୍ଲଂଘନ କରି ଚାହା ଓ ପାନ ଦୋକାନ ଖୋଲି ବେପାର କରୁଥିବା ଅଭିଯୋଗରେ ଗିରଫ କରାଯାଇଥିବା ଥାନାଧିକାରୀ ସାହୁ କହିଛନ୍ତି।
