କୃତ୍ରିମ ବନ୍ୟା ପାଇଁ ସରକାରକୁ ଦାୟୀ କଲା ଭାଜପା

ବ୍ରହ୍ମପୁର ଅଫିସ,୨୩ା୮- ବର୍ଷା ବିତ୍ପାତର ୩ ଦିନ ବିତିବା ପରେ ବି ରେଶମ ନଗରୀ ବ୍ରହ୍ମପୁରର ବିଗିଡ଼ି ଯାଇଥିବା ସ୍ଥିତି ଅପରିବର୍ତ୍ତିତ ରହିଛି। ସବୁ ରାସ୍ତା ଓ ସାହିବସ୍ତିରେ ଲହଡ଼ି ମାରିଥିବା ନର୍ଦ୍ଦମା ପାଣି ଦୁର୍ଗନ୍ଧ ଗୁରୁବାର ଅବ୍ୟାହତ ଥିବାରୁ ଚଳପ୍ରଚଳରେ ଲୋକଙ୍କ ନାକ ଫାଟୁଛି। ଗତ ମଙ୍ଗଳବାର ଅପରାହ୍ନରେ ହୋଇଥିବା ଦେଢ଼ ଘଣ୍ଟା ବର୍ଷାରେ ମହାନଗର ଅବସ୍ଥା ସଙ୍ଗିନ ପାଇଁ ରାଜ୍ୟ ସରକାରଙ୍କୁ ଗଞ୍ଜାମ ଜିଲା ଭାଜପା ସମ୍ପୂର୍ଣ୍ଣ ଦାୟୀ କରିଛି। ନିର୍ବାଚିତ ନିଗମ ପରିଷଦର ୫ ବର୍ଷିଆ କାର୍ଯ୍ୟକାଳ ୨୦୧୮ ସେପ୍ଟେମ୍ବର ୩୦ରେ ସରିଛି। ୨୦୧୮ ଅକ୍ଟୋବର ଆରମ୍ଭରୁ ପରିଚାଳନା ଭାର ସରକାରଙ୍କ ହାତକୁ ଯାଇଛି। ଜିଲାପାଳ ବିଏମ୍‌ସି (ମହାନଗର ନିଗମ) ପ୍ରଶାସକ ଭାବେ ଅତିରିକ୍ତ ଦାୟିତ୍ୱରେ ଅଛନ୍ତି। ତେଣୁ ଘଟିଥିବା ଶୋଚନୀୟ ଅବସ୍ଥା ପାଇଁ ସରକାରୀ କଳ ଅପାରଗତାର ନଗ୍ନ ଚିତ୍ର ପଦାକୁ ଆସିଥିବା ଅଭିଯୋଗ କରାଯାଇଛି। ଭାଜପା ଜିଲା ସଭାପତି କାହ୍ନୁ ଚରଣ ପତି ଗୁରୁବାର ଆହୁରି କହିଛନ୍ତି, ଅକ୍ଟୋବର ପର୍ଯ୍ୟନ୍ତ ମୌସୁମୀ ଅବ୍ୟାହତ ରହିବ ଏବଂ ବିଭିନ୍ନ ସମୟରେ ବର୍ଷା ହେବାର ସମ୍ଭାବନା ରହିଛି। ବର୍ଷା ଋତୁ ପୂର୍ବରୁ ଡ୍ରେନ୍‌ଗୁଡ଼ିକରୁ ମାଟି ବାହାର କରି ପୁନରୁଦ୍ଧାର କରାଯିବାର ନିୟମକୁ ବିଏମ୍‌ସି ଅଣଦେଖା କରିଛି। ପଲିଥିନ୍‌ ଓ ନାନା ଆବର୍ଜନାରେ ନର୍ଦ୍ଦମା ଗୁଡ଼ିକ ପୋତି ହୋଇଥିବାରୁ ବର୍ଷାପାଣି ନିଷ୍କାସନ ହୋଇ ନ ପାରି ଅବସ୍ଥା ଅସମ୍ଭାଳ ହୋଇଯାଉଛି। ବୁଧ ଓ ଗୁରୁବାରରେ ମଧ୍ୟ ଅଳ୍ପ ବହୁତ ବର୍ଷା ହେବାରୁ ନାକ ଫଟା ଦୁର୍ଗନ୍ଧ ବଢ଼ି ଚାଲିଛି। ମହାନଗରର ୪୦ ୱାର୍ଡରୁ ୩୭ ୱାର୍ଡ ସଫେଇ କାର୍ଯ୍ୟର ଘରୋଇକରଣ କରାଯାଇ ଶାସକ ଦଳ ସମର୍ଥକଙ୍କୁ ଦାୟିତ୍ୱ ଦିଆଯାଇଛି। ଏ ବାବଦରେ ମାସିକ କୋଟିଏରୁ ଊର୍ଦ୍ଧ୍ୱ ଟଙ୍କା ବ୍ୟୟ ହେଉଛି। ତଥାପି ଅବସ୍ଥାରେ ସୁଧାର ଆସୁ ନ ଥିବାରୁ ସ୍ଥିତି ଉଦ୍‌ବେଗଜନକ ହୋଇଛି। ଏହାର ଉଚ୍ଚସ୍ତରୀୟ ତଦନ୍ତ କରାଯିବାକୁ ଭାଜପା ଦାବି କରିଛି। ପତିଙ୍କ ସୂଚନାନୁସାରେ, ୧୫ ବର୍ଷ ହେବ ବ୍ରହ୍ମପୁରରେ ନାଳ ପାଣି ରାସ୍ତାରେ ଭାସୁଛି। ୨୦୦୩ରେ ଘଟିଥିବା ପ୍ରବଳ ବର୍ଷା ବିପତ୍ାତରେ ସାପୁଆ ଓ ବାହାନା ନାଳ ପାର୍ଶ୍ୱବର୍ତ୍ତୀ ଅଞ୍ଚଳଗୁଡ଼ିକ ଜଳାର୍ଣ୍ଣବ ହୋଇଯାଇଥିଲା। ଗଜପତିନଗର ସବୁ ଅଞ୍ଚଳବାସୀ ସପ୍ତାହ ବ୍ୟାପି ଜଳବନ୍ଦୀ ହୋଇଯାଇଥିଲେ। ସମସ୍ତଙ୍କ ଘରେ ପାଣି ପଶି ଯାଇଥିଲା ଏବଂ ଉଦ୍ଧାର ଏବଂ ରିଲିଫ ବଣ୍ଟନ ପାଇଁ ପ୍ରତିରକ୍ଷା ବିଭାଗର ହେଲିକପ୍ଟର ନିୟୋଜିତ ହୋଇଥିଲା। ନିଜେ ମୁଖ୍ୟମନ୍ତ୍ରୀ ଆସି ଅବସ୍ଥା ଅନୁଧ୍ୟାନ କରିଥିଲେ। ବାହାନା ଓ ସାପୁଆ ନାଳ ପୁନରୁଦ୍ଧାର ପାଇଁ ନିର୍ଦ୍ଦେଶ ଦେଇଥିଲେ। ଡ୍ରେନେଜ୍‌ ଡିଭିଜନକୁ ଦାୟିତ୍ୱ ଦିଆଯାଇଛି ଏବଂ ଘଟଣାର ୧୫ ବର୍ଷ ପରେ ବି ପୁନରୁଦ୍ଧାର କାର୍ଯ୍ୟ ସରି ନ ଥିବା ଡ୍ରେନେଜ୍‌ ଡିଭିଜନ କାର୍ଯ୍ୟଦକ୍ଷତାକୁ ପଦାରେ ପକାଇଛି ବୋଲି ଜିଲା ଭାଜପା ସଭାପତି କଟାକ୍ଷ କରିଛନ୍ତି। ଅପରପକ୍ଷରେ ୨୦୧୩ ଫାଇଲିନରେ ଧ୍ୱସ୍ତବିଧ୍ୱସ୍ତ ମହାନଗରର ଡ୍ରେନ୍‌ ଓ ରାସ୍ତା ପୁନଃ ନିର୍ମାଣ ପାଇଁ ଓଡିଆରପି(ଓଡ଼ିଶା ଡିଜାଷ୍ଟର ରିକଭରି ପ୍ରୋଜେକ୍ଟ) ଖୋଲାଯାଇଛି। ଫାଇଲିନର ୬ ବର୍ଷ ବିତିବାକୁ ଯାଉଥିବା ବେଳେ ଡ୍ରେନ୍‌ ଓ ରୋଡ କାମ ଅସମ୍ପୂର୍ଣ୍ଣ ରହିଛି। ଫଳରେ ବର୍ଷା ହେବାମାତ୍ରେ ଡ୍ରେନର ମଇଳା ପାଣିରେ କୃତ୍ରିମ ବନ୍ୟା ଭଳି ପରିସ୍ଥିତି ସୃଷ୍ଟି ହେଉଥିବା କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ବଜ୍ରପାତରେ ଚାଷୀ ମୃତ

ତିହିଡ଼ି,୨୧।୮(ଡି.ଏନ.ଏ.) : ଭଦ୍ରକ ଜିଲା ତିହିଡ଼ି ଥାନା ଅନ୍ତର୍ଗତ ମଙ୍ଗଳପୁର ପଞ୍ଚାୟତ କମାରିଆ ଗ୍ରାମରେ ବୁଧବାର ଅପରାହ୍ନରେ ବଜ୍ରପାତରେ ଜଣେ ଚାଷୀଙ୍କର ମୃତ୍ୟୁ ଘଟିଛି। ମୃତ...

୨.୬ ଲକ୍ଷ ସହାୟତା ଦେଲା ଯୁବ ବିଜେଡି

ଢେଙ୍କାନାଳ ଅଫିସ, ୧୮।୪ – ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ୨୩ତମ ଶ୍ରାଦ୍ଧ ଦିବସରେ ଢେଙ୍କାନାଳ ଜିଲା ଯୁବ ବିଜେଡି ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ...

ଜେଜେମା’ଙ୍କ ନିଷ୍ଠୁରତା, ପଡୋଶୀ ଘରେ ଖାଇବାରୁ ମା’ଛେଉଣ୍ଡ ନାତୁଣୀଙ୍କୁ ନିର୍ଦ୍ଧୁମ୍‌ ପିଟିଲେ

ବନ୍ତଳା, ୪।୮(ଡି.ଏନ.ଏ): ଜେଜେମା’ଙ୍କ ନିଷ୍ଠୁରତା। ପଡୋଶୀ ଘରେ ଯାଇ ଖାଇବାରୁ ତିନି ବର୍ଷର ଶିଶୁ କନ୍ୟାକୁ ଜେଜେମା ମାଡ଼ ମାରି ଘର ଭିତରେ ରଖି ତାଲା...

ବର୍ଷକୁ ୨୪୦ କାର୍ଯ୍ୟଦିବସ

କଟକ ଅଫିସ,୧୮।୮:  ରାଜ୍ୟର ସମସ୍ତ କ୍ୟାଡର୍‌ର ବିଚାରପତିଙ୍କ ପାଇଁ ପରିବର୍ତ୍ତିତ କାର୍ଯ୍ୟ ମାପଦଣ୍ଡ (ୟାର୍ଡଷ୍ଟିକ୍‌) ସ୍ଥିର ହୋଇଛି। ସୋମବାର ଏନେଇ ହାଇକୋର୍ଟଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ...

ଆନ୍ଧ୍ରରୁ ଆସିଥିବା ମା’-ପୁଅଙ୍କ କରାଗଲା ସ୍ବାସ୍ଥ୍ୟ ପରୀକ୍ଷା: ହୋମ୍‌ କ୍ୱାରାଣ୍ଟାଇନ୍‌ରେ ରହିବାକୁ ପ୍ରଶାସନର ନିର୍ଦ୍ଦେଶ

ଦିଗପହଣ୍ଡି,୮ା୪(ଡି.ଏନ୍‌.ଏ.) : ରାଜ୍ୟ ପୋଲିସ ପ୍ରଶାସନ ପକ୍ଷରୁ ଆନ୍ଧ୍ର -ଓଡ଼ିଶା ସୀମାନ୍ତକୁ ସିଲ୍‌ କରାଯାଇଥିବା ବେଳେ ଗଳା ବାଟ ଦେଇ ପୂର୍ବରୁ ସେଠାରେ ରହୁଥିବା ଜଣେ...

ବିରି ଫସଲରେ କାଳିମୁଣ୍ଡି ପୋକ, ଚିନ୍ତାରେ ଚାଷୀ

ପଟ୍ଟାମୁଣ୍ଡାଇ,୬।୧୧(ସ୍ବ.ପ୍ର.): ପଟ୍ଟାମୁଣ୍ଡାଇ ଅଞ୍ଚଳର ବିରି ଅମାର କୁହାଯାଉଥିବା ଧୋୟାଞ୍ଚଳର ସିଂହଗାଁ, ପେଣ୍ଠପାଳ, ତରଡିପାଳ, ଅଳପୁଆ, ବଲୁରିଆ, ଅଣ୍ଢରା, ଅମୃତମଣୋହି ପଞ୍ଚାୟତରେ ବ୍ୟାପକ ଭାବେ ଚାଷ ହୋଇଛି।...

ମାଛ ଚାଷ ଜରିଆରେ ସ୍ବାଭାବଲମ୍ବି ହେବାକୁ ଲକ୍ଷ୍ୟ: ଆଗେଇ ଆସିଲେ ୩୦ ଏସ୍‌ଏଚ୍‌ଜି ଗ୍ରୁପ୍‌

କର୍ଲାମୁଣ୍ଡା,୧୧।୯(ଡି.ଏନ.ଏ.)-କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ୧୨ଟି ପଞ୍ଚାୟତରେ ଥିବା ବିଭିନ୍ନ ସରକାରୀ ପୋଖରୀରେ ମାଛ ଚାଷ କରି ଆର୍ଥତ୍କ ବିକାଶ କରିବାର ଲକ୍ଷ୍ୟରେ ୨୯ଟି ପୋଖରୀରେ...

ଲକ୍‌ଡାଉନ୍‌କୁ ନେଇ କଳାବଜାରି ସକ୍ରିୟ: ଭଦ୍ରକ ସହର ବନ୍ଦ ଘରୁ ଦୁଇ ଲକ୍ଷରୁ ଊର୍ଦ୍ଧ୍ୱ ଟଙ୍କା ମୂଲ୍ୟର ମଦ ଜବତ

ଭଦ୍ରକ ଅଫିସ,୨୫।୩: ଭଦ୍ରକ ସହରର ଏକ ବନ୍ଦ ଘର ଭିତରୁ ବୁଧବାର ଦୁଇ ଲକ୍ଷରୁ ଊର୍ଦ୍ଧ୍ୱ ଟଙ୍କା ମୂଲ୍ୟର ମଦ ଜବତ କରାଯାଇଛି। ଖବର ପାଇ...

Advertisement
Archives

Model This Week