ପ୍ୟାରିସ, ୬|୭(ଏଏଫ୍ପି)-କୁଏତ୍ ଆସନ୍ତା ୨୦୨୦ ଅଲିମ୍ପିକ୍ସରେ ଅଂଶଗ୍ରହଣ କରିପାରିବ। ଇଣ୍ଟରନ୍ୟାଶନାଲ ଅଲିମ୍ପିକ କମିଟି (ଆଇଓସି) ପକ୍ଷରୁ ଶୁକ୍ରବାର ଘୋଷଣା କରାଯାଇଛି। କ୍ରୀଡ଼ା କ୍ଷେତ୍ରରେ ଅଯଥା ସରକାରୀ ହସ୍ତକ୍ଷେପକୁ ନେଇ ୪ବର୍ଷ ପୂର୍ବେ ଆଇଓସି କୁଏତ୍ ଅଲିମ୍ପିକ କମିଟି (କେଓସି)କୁ ବାସନ୍ଦ କରିଥିଲା। ଶେଖ ଫାହଦ ନାସେର ସାବା ଅହମ୍ମଦ ଅଲ୍ ସାବା କେଓସିର ସଭାପତି ଭାବେ ନିର୍ବାଚିତ ହେବା ସପ୍ତାହେ ନ ପୁରୁଣୁ ଆଇଓସି ପକ୍ଷରୁ ଏହି ଘୋଷଣା କରାଯାଇଛି। ଫୁଟ୍ବଲ ଓ୍ବାଲର୍ଡ ଗଭର୍ନିଂ ବଡି ଫିଫା ମଧ୍ୟ ଏହି କାରଣରୁ ୨୦୧୫ ଅକ୍ଟୋବରରେ କୁଏତ୍ ଫୁଟ୍ବଲ ଆସୋସିଏଶନକୁ ସସ୍ପେଣ୍ଡ କରିଥିଲା। ମାତ୍ର ୨୦୧୭ରେ ଏହିି ବାସନ୍ଦ ଦଣ୍ଡକୁ ଉଠାଇ ଦେଇଥିଲା।
