କାମରେ ଲାଗୁନି ଭାରୀଯାନ ପାର୍କିଂ କଟକଣା

ପାରାଦୀପ,୨୪ା୨(ସ୍ବ.ପ୍ର.): ପାରାଦୀପ ଶିଳ୍ପ ସହରର ଅଠରବାଙ୍କୀ ଗୋଲେଇଛକରୁ ଦୋଛକି ପର୍ଯ୍ୟନ୍ତ ରାସ୍ତା ସବୁଠାରୁ ବ୍ୟସ୍ତବହୁଳ। ଏହି ୪.୫ କିମି ରାସ୍ତାରେ ଅଧିକାଂଶ ସମୟ ଭିଡ଼ ହୋଇଥାଏ। ଏଥିଯୋଗୁ ପ୍ରଦୂଷଣ ବଢ଼ିବା ସହିତ ଦୁର୍ଘଟଣା ମଧ୍ୟ ଘଟିଥାଏ। ଏହାକୁ ଦୃଷ୍ଟିରେ ରଖି ଜିଲା ପ୍ରଶାସନ ପକ୍ଷରୁ ଏହି ରାସ୍ତାରେ ଭାରୀଯାନ ପାର୍କିଂ ଉପରେ କଟକଣା ଲାଗୁ କରାଯାଇଛି। ଜିଲାପାଳ ଚଳିତ ବର୍ଷ ଫେବୃୟାରୀ ୧୧ରୁ ମାର୍ଚ୍ଚ ୧୦ ତାରିଖ ପର୍ଯ୍ୟନ୍ତ ଏହି ପାକର୍ିଂ କଟକଣା ଜାରି କରିଛନ୍ତି। ମାତ୍ର ଉକ୍ତ ରାସ୍ତାରେ କଟକଣାର କୌଣସି ସଙ୍କେତ ଦେଖିବାକୁ ମିଳୁନାହିଁ। ୩ ଥାକିଆ ଏହି ରାସ୍ତାର ଦୁଇ ପାର୍ଶ୍ୱରେ ସବୁବେଳେ ଶତାଧିକ ଭାରୀଯାନ ରହୁଛି। ୫ନଂ(କ) ଜାତୀୟ ରାଜପଥକୁ ଲାଗି ବିଭିନ୍ନ ବେପାର ଚାଲିଛି। ଯଥା: ବାଉଁଶ, ସ୍କାବ୍‌, ଉଠାଦୋକାନ, ଶୁଖୁଆବସ୍ତା, ବାଲି, ଗୋଡ଼ି, ଇଟା, ସିମେଣ୍ଟ, ଲୁହାରଡ୍‌ ଅଦି ଗଚ୍ଛିତ ରଖାଯାଉଛି। ଏପରି କି ରାଜପଥକୁ ଲାଗି ସ୍ଥାୟୀ/ଅସ୍ଥାୟୀ ଘର ନିର୍ମାଣ ଚାଲିଛି। ୨୦୧୩ ମସିହାରେ ପ୍ରଶାସନ ପକ୍ଷରୁ ଜାତୀୟ ରାଜପଥ ପାର୍ଶ୍ୱରେ ଥିବା ସମସ୍ତ ହୋଟେଲ, ଘର ଆଦି ଉଚ୍ଛେଦ କରାଯାଇଥିଲା। ଭୂତମୁଣ୍ଡାଇଠାରୁ ଦୋଛକି ଉଦୟବିହାର ପର୍ଯ୍ୟନ୍ତ ସ୍ଥାୟୀ ଘରକୁ ଭଙ୍ଗାଯାଇଥିଲା। ସେତେବେଳେ କାହିଁକି କେଜାଣି ପିପିଏଲ୍‌ ଛକରୁ ଲାଗି ଥିବା ବଡ଼ ହୋଟେଲ, ତେଲଟାଙ୍କି, କପଡ଼ା ଶୋ’ରୁମ୍‌, ଗୋଦାମଘରକୁ ଛାଡ଼ି ଦିଆଯାଇଥିଲା। ସେତେବେଳେ ଏହି ପ୍ରସଙ୍ଗରେ ତତ୍କାଳୀନ ତହସିଲଦାରଙ୍କୁ ପଚାରିବାରେ ଉତ୍ତର ମିଳିଥିଲା ପରେ ଭଙ୍ଗାଯିବ। ୨୦୧୭ରେ ଯେତିକି ଘର ରାଜପଥ ପାର୍ଶ୍ୱରୁ ଭଙ୍ଗାଯାଇଥିଲା ଏବେ ସେହି ସ୍ଥାନରେ ପୂର୍ବଠାରୁ ଅଧିକ ଘର, ଦୋକାନ ନିର୍ମାଣ ହୋଇସାରିଛି। ଯେଉଁଥି ପାଇଁ ରାସ୍ତା ସଙ୍କୁଚିତ ହେବାରେ ଲାଗିଛି।
ଅପରପକ୍ଷେ ଦିନକୁ ଦିନ ଭାରୀଯାନ ସଂଖ୍ୟା ବୃଦ୍ଧି ପାଇବାରେ ଲାଗିଛି। ବନ୍ଦର ଭିତରକୁ ପ୍ରବେଶ ପୂର୍ବରୁ ଟ୍ରକ୍‌ଗୁଡ଼ିକ ଅଠରବାଙ୍କୀଠାରୁ କେନ୍ଦ୍ରାପଡ଼ା ଜିଲାର ଦୁହୁରିଆ ପର୍ଯ୍ୟନ୍ତ ଗୋଟିଏ ଲାଇନ୍‌ରେ ରହିଥାନ୍ତି। ବନ୍ଦରରୁ ବାହାରୁଥିବା ଗାଡ଼ି ଯିବା ପୂର୍ବରୁ ଚାଲାଣ ଦେବା, ସଂଘରେ ତେଲ କୁପନ ନେବା, ମରାମତି ପାଇଁ ଅପେକ୍ଷା କରିବାକୁ ପଡ଼େ। ଟ୍ରକ୍‌ ସଂଘ ଗୁଡ଼ିକ ରାଜପଥ କଡ଼ରେ ଥିବାରୁ ପ୍ରସ୍ଥାନ ରସ୍ତାରେ ମଧ୍ୟ ଗାଡ଼ିଗୁଡ଼ିକ ପାର୍କିଂ କରି ରହିଥାଏ। ପାରାଦୀପ ବନ୍ଦର ପକ୍ଷରୁ ହେବାକୁ ଥିବା ସ୍ବତନ୍ତ୍ର ଟର୍ମିନାଲ ପ୍ରକଳ୍ପ ଲୋକଙ୍କ ବିରୋଧ ଯୋଗୁ ଅଟକି ରହିଛି। ଯେଉଁଥିପାଇଁ ବନ୍ଦର ଏବଂ ଶିଳ୍ପକୁ ଦୈନିକ ୧୦ରୁ ୧୨ ହଜାର ଭାରୀଯାନ ଅଠରବାଙ୍କୀ-ଦୋଛକି ରାସ୍ତାରେ କୌଣସି ନା କୌଣସି କାରଣରୁ ଅଟକି ରହୁଛନ୍ତି। ତେଣୁ ସେହି ସ୍ଥାନରେ ପ୍ରଶାସନ କେବଳ କାଗଜକଲମରେ କଟକଣା ଲାଗୁ କରୁଛନ୍ତି ବୋଲି ଅଠରବାଙ୍କୀ ବାସିନ୍ଦା ଦେବବ୍ରତ ସାହୁ ଅଭିଯୋଗ କରିଛନ୍ତି। ପାର୍କିଂ ଓ ଦୁର୍ଘଟଣା ପ୍ରସଙ୍ଗରେ ଏକାଧିକ ଥର ଜିଲା ପ୍ରଶାସନକୁ ଚିଠି ଲେଖିଲାଣି ସ୍ବେଚ୍ଛାସେବୀ ସଙ୍ଗଠନ ଆଦର୍ଶ ପ୍ରୟାସ। ହେଲେ ଏହାର କୌଣସି ପ୍ରତିକାର ହେଉନାହିଁ। ଏହିପରି ଇଫ୍‌କୋ କର୍ତ୍ତୃପକ୍ଷ ମଧ୍ୟ ତାଙ୍କ କାରଖାନା ଓ ଏସାର ଷ୍ଟିଲ୍‌ ସଂଯୋଗସ୍ଥଳରେ ଏକ ଗୋଲେଇ ଟ୍ରାଫିକ୍‌ ପୋଷ୍ଟ ପାଇଁ ୪ ବର୍ଷ ହେଲା ଚିଠି ଲେଖୁଥିଲେ ହେଁ ତାଙ୍କୁ ପ୍ରଶାସନ ଓ ଜାତୀୟ ରାଜପଥ କର୍ତ୍ତୃପକ୍ଷଙ୍କ ନିକଟରୁ କ୍ଲିୟରାନ୍ସ ମିଳୁନାହିଁ। ପାର୍କିଂ କଟକଣା କାମରେ ନ ଲାଗିବା ପ୍ରସଙ୍ଗରେ କୁଜଙ୍ଗ ତହସିଲଦାର ପ୍ରଭାସ ବେଉରାଙ୍କୁ ପଚାରିବରେ ସେ କହିଛନ୍ତି, ଜିଲାପାଳଙ୍କ ନିର୍ଦ୍ଦେଶମତେ ଆମ୍ଭେ ଖୁବ୍‌ଶୀଘ୍ର ରାସ୍ତା ପାର୍ଶ୍ୱ ଯାଞ୍ଚ କରିବୁ। ଏହି ସମୟରେ ଯଦି କେହି ଜବରଦଖଲ କରିଥାନ୍ତି କିମ୍ବା ଗାଡ଼ି ପାର୍କିଂ କରିଥାନ୍ତି ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏବେ ଦେଖିବାକୁ ଅପେକ୍ଷା କେବେ କାର୍ଯ୍ୟାନୁଷ୍ଠାନ ହେଉଛି।


Enter your email to get our daily news in your inbox.

All Right Reserved By Dharitri.Com

ଏସ୍‌ଇସିସି ତାଲିକାରେ ଭୁଲ୍‌ଭଟକା: ଆବାସ ଯୋଜନାରୁ ବଁଚିତ୍‌ ୩୪ ଆଦିବାସୀ ପରିବାର

  ଲାଠୋର, ୧୧।୨ (ଡି.ଏନ୍‌.ଏ.)- କେନ୍ଦ୍ର ସରକାର ୨୦୧୧ ସାଲେ ସାରାଦେଶରେ ଏସ୍‌ଇସିସି(ସାମାଜିକ, ଆର୍ଥତ୍କ, ଜାତି ଭିତ୍ତିକ) ଜନଗଣନା କରେଇଥିଲେ। ସେ ହିସାବେ ଆମର ରାଏଜେ...

ମହୁଲ ଫୁଲ ସଂଗ୍ରହକାରୀ ଶୋଷଣର ଶିକାର

ଲାଠୋର, ୧୮ା୫(ଡି.ଏନ.ଏ.) ବଲାଙ୍ଗୀର ଜିଲା ଖପ୍ରାଖୋଲ ବ୍ଳକର ଜଙ୍ଗଲ ଏବଂ ଜଙ୍ଗଲ ନିକଟବର୍ତ୍ତୀ ଅଞ୍ଚଳରେ ବସବାସ କରୁଥିବା ଅଧିବାସୀ ମହୁଲ ଫୁଲ, ଫଳ ଏବଂ ମଞ୍ଜି...

ପୋଖରୀରେ ବୁଡ଼ି ନିଶାସକ୍ତ ଯୁବକଙ୍କ ମୃତ୍ୟୁ: ମଦ ବିକ୍ରି ବନ୍ଦ ପାଇଁ ମହିଳାଙ୍କ ବିକ୍ଷୋଭ

ଧରାକୋଟ,୬ା୧୧(ଡି.ଏନ.ଏ.)-ଧରାକୋଟ ବ୍ଲକର ଜାହାଡ଼ା ଗ୍ରାମରେ ସୋମବାର ରାତିରେ ପୋଖରୀରେ ବୁଡ଼ି ଜଣେ ନିଶାସକ୍ତ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ବିଶ୍ୱନାଥ ନାୟକ (୨୭)। ଅଗ୍ନିଶମ...

କୁଜଙ୍ଗରେ ମରୁଡିର ପଦଧ୍ୱନୀ : ତଳିକୁ ଦେଖି ଟଳିପଡ଼ିଲେ ଚାଷୀ

କୁଜଙ୍ଗ,୨୩ା୭(ସ୍ବ.ପ୍ର.): ଶ୍ରାବଣ ମାସ ଆରମ୍ଭ ହୋଇଯାଇଥିଲେ ମଧ୍ୟ ବର୍ଷା ଦେଖାନାହିଁ। ଏଥିଯୋଗୁ ଜଗତ୍‌ସିଂହପୁର ଜିଲାର ଉପକୂଳ କୁଜଙ୍ଗ ଅଞ୍ଚଳରେ ମରୁଡ଼ିର ପଦଧ୍ୱନୀ ଶୁଣାଗଲାଣି। ବହୁ କଷ୍ଟରେ...

ରାଜସ୍ଥାନରୁ କୋଣାର୍କ ବୁଲି ଆସିଥିଲେ: ବସ୍‌ ଉପରୁ ପଡ଼ି ଯାତ୍ରୀ ମୃତ

ଗୋପ, ୨୦।୯(ଡି.ଏନ.ଏ): ପୁରୀ ଜିଲା ଗୋପ-କୋଣାର୍କ ରାସ୍ତାର ଦଶବାଟିଆ ନିକଟରେ ଶୁକ୍ରବାର ମଧ୍ୟାହ୍ନରେ ଯାତ୍ରୀବାହୀ ବସ୍‌ ୁପରୁ ପଡ଼ି ଜଣେ ପର୍ଯ୍ୟଟକଙ୍କ ମୃତ୍ୟୁ ଘଟିଛି। ସେ...

ବ୍ଲକ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ଭୋଟ ଗ୍ରହଣ: ଫଳାଫଳ ଘୋଷଣା ଉପରେ ରହିତାଦେଶ

କର୍ଲାମୁଣ୍ଡା, ୧ା୧ (ଡି.ଏନ.ଏ.) – କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଅଧ୍ୟକ୍ଷା ଅମ୍ରିତା ସାହୁଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଆଲୋଚନା କରାଯାଇ ପୂର୍ବ...

ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର

ବଡ଼ସାହି,୮।୮(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ବ୍ଲକର ଥାନା ଅଧୀନ ଛେଳିଆ(କ)ପଞ୍ଚାୟତ ବିଦ୍ୟାଧରପୁର ଗଁ।ର ପୋଖରୀରୁ ଗୁରୁବାର ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ଯୁବକ ଜଣକ...

କଳାହାଣ୍ଡି ଏମ୍‌ପିଙ୍କ କୋକସରା ବ୍ଲକ ଗସ୍ତ

କୋକସରା,୧୯।୮(ଡି.ଏନ.ଏ.): କଳାହାଣ୍ଡି ଏମ୍‌ପି ବସନ୍ତ କୁମାର ପଣ୍ଡା ସୋମବାର କଳାହାଣ୍ଡି ଜିଲା କୋକସରା ବ୍ଲକ ଗସ୍ତ କରିଛନ୍ତି। ସେ ବ୍ଲକ୍‌ର ଲଡ଼ୁଗାଁ ମାମୋଦେବୀ ଧର୍ମଶାଳାଠାରେ ଏକ...

Coronavirus Update


Archives

Model This Week

Why Dharitri