କୋରେଇ,୨୬ା୫(ସ୍ବ.ପ୍ର.)- କାଠ ଗଣ୍ଡିକୁ ନେଇ ମାରପିଟ୍ ମାମଲାରେ ପାଣିକୋଇଲି ପୋଲିସ ରବିବାର ୩ ଜଣଙ୍କୁ କୋର୍ଟ ଚାଲାଣ କରିଛି। ଏହି ଥାନା ଅନ୍ତର୍ଗତ ବଡବିରୁହଁା ପଞ୍ଚାୟତ ଆମ୍ବତୋଳା ଗ୍ରାମରେ ୧୪୪ ଧାରା ଲାଗୁ ହୋଇଥିବା ସ୍ଥାନରେ କାଠ ଗରଣ୍ଡା ରଖିବାକୁ ଯାଇ ରବିବାର ୨ ପରିବାର ମଧ୍ୟରେ ବଚସା ଓ ଗଣ୍ଡଗୋଳ ହୋଇଥିଲା। ଏହି ଗଣ୍ଡଗୋଳରେ ଉଭୟ ପକ୍ଷର ୨ ଜଣ ଆହତ ହୋଇଥିଲେ। ଆହତମାନେ ହେଲେ ରବୀନ୍ଦ୍ର ଦାସ ଓ ରଣଜିତ ଦାସ। ଏ ନେଇ ଉଭୟ ପକ୍ଷରୁ ରୀନା ଦାସ ଓ ମନୋରମା ଦାସ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ପୋଲିସ ପୃଥକ୍ ମାମଲା (ନଂ.୯୪/୧୯ ଓ ୯୫/୧୯) ରୁଜୁ କରିଥିଲା। ରୀନାଙ୍କ ଅଭିଯୋଗ କ୍ରମେ ରଣଜିତ ଦାସ(୨୨) ଓ ଅଶୋକ ସାହୁ(୨୭) ଏବଂ ମନୋରମାଙ୍କ ଅଭିଯୋଗ କ୍ରମେ ରବୀନ୍ଦ୍ର ଦାସଙ୍କୁ କୋର୍ଟଚାଲାଣ କରାଯାଇଛି।
