Posted inଖେଳ

କଳିଙ୍ଗରେ ଓଡ଼ିଶା ଏଫ୍‌ସିର ବିଜୟ ଜାରି

ଭୁବନେଶ୍ୱର, ୭।୧ (ସ୍ପୋଟର୍‌ସ ବ୍ୟୁରୋ)- ଘରୋଇ କଳିଙ୍ଗ ଷ୍ଟାଡିୟମରେ ବିଜୟ ଅବ୍ୟାହତ ରଖିଛି ଓଡ଼ିଶା ଏଫ୍‌ସି ଟିମ୍‌। ଚଳିତ ଇଣ୍ଡିଆନ୍‌ ସୁପର୍‌ ଲିଗ୍‌ (ଆଇଏସ୍‌ଏଲ୍‌)ରେ ସୋମବାର ଖେଳାଯାଇଥିବା ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ଭୁବନେଶ୍ୱର ଭିତ୍ତିକ ଦଳ ଓଡ଼ିଶା ଏଫ୍‌ସି ୨-୦ ଗୋଲରେ ଦୁଇଥରର ଚାମ୍ପିୟନ ଚେନ୍ନାଇନ ଏଫ୍‌ସିକୁ ପରାସ୍ତ କରିଛି। ଘରୋଇ ଗ୍ରାଉଣ୍ଡରେ ଓଡ଼ିଶା ଏଫ୍‌ସିର ଏହା କ୍ରମାଗତ ୨ୟ ବିଜୟ। ପୂର୍ବରୁ ଓଡ଼ିଶା ଘରୋଇ ଗ୍ରାଉଣ୍ଡରେ ଜାମସେଦପୁର ଏଫ୍‌ସିକୁ ୨-୧ ଗୋଲରେ ମାତ୍‌ ଦେଇଥିଲା। ଫଳରେ କଳିଙ୍ଗରେ ଓଡ଼ିଶା ଏହାର ଶତପ୍ରତିଶତ ବିଜୟ ଜାରି ରଖିଛି। ଚଳିତ ବର୍ଷ ଆଇଏସ୍‌ଏଲ୍‌ ପଦାର୍ପଣ କରିଥିବା ଓଡ଼ିଶା ବର୍ତ୍ତମାନ ସୁଦ୍ଧା ୧୧ ମ୍ୟାଚ୍‌ରୁ ୪ଟି ଲେଖାଏ ବିଜୟ ଓ ପରାଜୟ ଏବଂ ୩ଟି ଡ୍ର ସହ ମୋଟ୍‌ ୧୫ ପଏଣ୍ଟ ପାଇ ଟେବୁଲ ତାଲିକାର ୫ମ ସ୍ଥାନକୁ ଉଠିଛି। ଚତୁର୍ଥ ସ୍ଥାନରେ ରହିଥିବା ମୁମ୍ବାଇ ସିଟି (୧୬ ପଏଣ୍ଟ)ଠାରୁ ମାତ୍ର ଗୋଟିଏ ପଏଣ୍ଟ ପଛରେ ରହି ପ୍ଲେ-ଅଫ୍‌ ଆଶା ଉଜ୍ଜୀବିତ ରଖିଛି। ଅପରପକ୍ଷରେ ଚେନ୍ନାଇନ ୧୦ ମ୍ୟାଚ୍‌ରୁ ୫ମ ପରାଜୟ ସହ ୯ ପଏଣ୍ଟ ପାଇ ୧୦ ଦଳୀୟ ଟେବୁଲ ତାଲିକାର ୯ମ ସ୍ଥାନରେ ରହିଛି।
ରୋମାଞ୍ଚ ଭରିଲା ପ୍ରଥମାର୍ଦ୍ଧ-
ଶୀତୁଆ ସନ୍ଧ୍ୟାରେ କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଆଇଏସ୍‌ଏଲ୍‌ର ୫୩ତମ ମ୍ୟାଚ୍‌ର ପ୍ରଥମାର୍ଦ୍ଧ ବେଶ୍‌ ରୋମାଞ୍ଚକ ରହିଥିଲା। ମ୍ୟାଚ୍‌ ଆରମ୍ଭରୁ ଉଭୟ ଦଳ ବେଶ୍‌ ସତର୍କତାର ସହ ଖେଳିଥିଲେ। ଉଭୟ ଦଳ ପାସିଂ ଉପରେ ବେଶି ଗୁରୁତ୍ୱ ଦେଇଥିଲେ। ପ୍ରାରମ୍ଭିକ ୨୫-୩୦ ମିନିଟ୍‌ ମଧ୍ୟରେ ଉଭୟ ଦଳ କେତୋଟି ସୁଯୋଗ ସୃଷ୍ଟି କରିଥିଲେ ମଧ୍ୟ ତାହାକୁ ଗୋଲରେ ରୂପାନ୍ତରିତ କରି ପାରି ନ ଥିଲେ। ୨୧ତମ ମିନିଟ୍‌ରେ ଓଡ଼ିଶା ଏଫ୍‌ସି କର୍ନର କିକ୍‌କୁ ସ୍ପେନ ମଧ୍ୟକ୍ରମ ଖେଳାଳି ମାର୍କସ ଥେବର ହେଡ୍‌ ଜରିଆରେ ଗୋଲରେ ରୂପାନ୍ତରିତ କରିଥିଲା। କିନ୍ତୁ ଚେନ୍ନାଇନ ଗୋଲକିପର ବିଶାଲ କାଇଥ୍‌ଙ୍କୁ ବାଧା ପହଞ୍ଚାଇଥିବାରୁ ରେଫରି ଏହାକୁ ନାକଚ କରିଦେଇଥିଲେ। ୨୪ତମ ମିନିଟ୍‌ରେ କିନ୍ତୁ ଡ୍ରାମା ଦେଖିବାକୁ ମିଳିଥିଲା। ପେନାଲ୍ଟି ଏରିୟାରେ ଓଡ଼ିଶା ଏଫ୍‌ସି ଖେଳାଳି ଶୁଭମ ଷଡ଼ଙ୍ଗୀଙ୍କ ଫାଉଲ୍‌ ଯୋଗୁ ଚେନ୍ନାଇନ ଏଫ୍‌ସିକୁ ପେନାଲ୍ଟି ସୁଯୋଗ ମିଳିଥିଲା। ତେବେ ଚେନ୍ନାଇନର ୯ ନମ୍ବର ଜର୍ସି ପରିଧାନ କରିଥିବା ନେରିଜସ ଭାଲସ୍କିସ ଏହି ସୁବର୍ଣ୍ଣ ସୁଯୋଗର ଫାଇଦା ଉଠାଇ ପାରି ନ ଥିଲେ। ଭାଲସ୍କିସଙ୍କ ଶଟ୍‌ ବାର୍‌ ଉପର ଦେଇ ଚାଲିଯାଇଥିଲା। ଫଳରେ ଓଡ଼ିଶା ଏକ ନିଶ୍ଚିତ ଗୋଲରୁ ବଞ୍ଚତ୍ ଯାଇଥିଲା। ଏହାପରେ ୪ ମିନିଟ୍‌ ଅନ୍ତରରେ ଘରୋଇ ଓଡ଼ିଶା ଖେଳାଳି ୨ଟି ଗୋଲସ୍କୋର କରି ମ୍ୟାଚ୍‌ରେ ରୋମାଞ୍ଚ ଭରି ଦେଇଥିଲେ। ୩୭ତମ ମିନିଟ୍‌ରେ ଆରିଡାନେ ସାନ୍ତାନଙ୍କ କ୍ରସକୁ ବକ୍ସ ଏରିଆରେ ଥିବା ଜେରୀ ମାଓ୍ବିମିଙ୍ଗଥାଙ୍ଗା ଗୋଲରେ ପରିଣତ କରି ଓଡ଼ିଶାକୁ ୧-୦ ଗୋଲରେ ଅଗ୍ରଣୀ କରିଥିଲା। ଏହାର ୪ ମିନିଟ୍‌ ପରେ ଭାରତୀୟ ଦଳର ମଧ୍ୟକ୍ରମ ଖେଳାଳି ଭିନିତ୍‌ ରାଇ (୪୧ତମ ମିନିଟ୍‌) ୨୦ ୟାର୍ଡ ଦୂରରୁ ଏକ ଚମତ୍କାର ଶଟ୍‌ ମାରି ଦଳ ପାଇଁ ୨ୟ ଗୋଲସ୍କୋର କରିଥିଲେ। ଫଳରେ ପ୍ରଥମାର୍ଦ୍ଧରେ ଓଡ଼ିଶା ୨-୦ରେ ଅଗ୍ରଣୀ ରହିଥିଲା।
ଚେନ୍ନାଇନ ଖେଳାଳି ମ୍ୟାଚ୍‌କୁ ଫେରିବାକୁ ବେଶ୍‌ ସଂଘର୍ଷ କରିଥିଲେ। କେତୋଟି ସୁଯୋଗ ମଧ୍ୟ ଚେନ୍ନାଇନକୁ ମିଳିଥିଲେ ମଧ୍ୟ ଓଡ଼ିଶା ଗୋଲକିପର ଫ୍ରାନ୍ସସିସ୍କୋ ଡୋରୋନସୋରୋ ତାହାକୁ ସଫଳ ହେବାକୁ ଦେଇ ନ ଥିଲେ। ୬୭ତମ ମିନିଟ୍‌ରେ ଏକ ଲମ୍ବା ଡ୍ରାଇଭ ମାରି ଚେନ୍ନାଇନର ଆନ୍ଦ୍ରେ ଶ୍ଚେମ୍ବ୍ରିଙ୍କ ପ୍ରୟାସକୁ ବିଫଳ ହେବାକୁ ଦେଇଥିଲେ। ମ୍ୟାଚର ଶେଷ ଭାଗରେ ଓଡ଼ିଶା ଖେଳାଳି ମଧ୍ୟ କେତୋଟି ସୁଯୋଗର ଫାଇଦା ଉଠାଇ ପାରି ନଥିଲେ। ଫଳରେ ଓଡ଼ିଶା ୨-୦ ଗୋଲରେ ଏକ ଗୁରୁତ୍ୱପୂର୍ଣ୍ଣ ବିଜୟ ଲାଭ କରିଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସନରାଇଜର୍ସ ମଙ୍ଗ ଧରିବେ ପ୍ୟାଟ୍‌ କମିନ୍ସ

ନୂଆଦିଲ୍ଲୀ,୨।୩: ଅଷ୍ଟ୍ରେଲିଆ ଅଧିନାୟକ ପ୍ୟାଟ୍‌ କମିନ୍ସ ଆଗାମୀ ଆଇପିଏଲ୍‌ ସିଜନ୍‌ରେ ସନ୍‌ରାଇଜର୍ସ ହାଇଦ୍ରାବାଦ ଅଧିନାୟକ ହୋଇପାରନ୍ତି। ଦଳର ମୁଖ୍ୟ ପ୍ରଶିକ୍ଷକ ଡାନିଏଲ ଭେଟୋରିଙ୍କ ସହ କମିନ୍ସଙ୍କ...

ଆଇପିଏଲ୍‌ ଖେଳିବେ କି ନାହିଁ ପନ୍ତ, ମାର୍ଚ୍ଚ ୫ରେ ଆସିପାରେ ବଡ଼ ଅପ୍‌ଡେଟ୍‌…

ନୂଆଦିଲ୍ଲୀ,୨।୩: ଋଷଭ ପନ୍ତ ଏକ ବର୍ଷରୁ ଅଧିକ ସମୟ ଧରି କ୍ରିକେଟରୁ ଦୂରରେ ଅଛନ୍ତି। ଏମିତିରେ ସମସ୍ତେ ତାଙ୍କ ପ୍ରତ୍ୟାବର୍ତ୍ତନକୁ ଅପେକ୍ଷା କରିଛନ୍ତି। ସୁସ୍ଥ ହେବା...

କୋହଲି ନ ଖେଳିବା ନେଇ ଆଣ୍ଡରସନ କାହିଁକି କହିଲେ ‘It’s a Shame’

ନୂଆଦିଲ୍ଲୀ,୨।୩: ବିରାଟ କୋହଲି ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ଖେଳୁ ନାହାନ୍ତି। ବ୍ୟକ୍ତିଗତ କାରଣରୁ କୋହଲି ସିରିଜ ପୂର୍ବରୁ ତାଙ୍କ ନାମ...

ଇଂଲଣ୍ଡର ଏହି ଖେଳାଳିଙ୍କୁ ଉପହାରରେ ମିଳିଥିଲା ୧୦୦ ବୋତଲ ମଦ, କାରଣ ଜାଣିଲେ…

ନୂଆଦିଲ୍ଲୀ,୨।୩: ଯେତେବେଳେ ଜଣେ ଖେଳାଳୀ ଅବସର ନିଅନ୍ତି, ତାଙ୍କୁ ସାଥୀ କ୍ରିକେଟରମାନେ କିଛି ଉପହାର ଦିଅନ୍ତି। ଇଂଲଣ୍ଡର ପୂର୍ବତନ ଅଧିନାୟକ ଆଣ୍ଡ୍ରିୟୁ ଷ୍ଟ୍ରସ ଅବସର ନେବା...

ହାର୍ଦ୍ଦିକଙ୍କ ସହ ଈଶାନଙ୍କ ପ୍ରଶିକ୍ଷଣରେ ବିସିସିଆଇ ଅସନ୍ତୁଷ୍ଟ, ସାମ୍ନାକୁ ଆସିଲା ଆଶ୍ଚର୍ଯ୍ୟଜନକ ରିପୋର୍ଟ

ନୂଆଦିଲ୍ଲୀ,୨।୩: ନିକଟରେ ବିସିସିଆଇ ସେଣ୍ଟ୍ରାଲ କଣ୍ଟ୍ରାଣ୍ଟ ଘୋଷଣା କରାଯାଇଥିଲା। ଏହି ସେଣ୍ଟ୍ରାଲ କଣ୍ଟ୍ରାଣ୍ଟରେ ଈଶାନ କିଷନ ଏବଂ ଶ୍ରେୟସ ଆୟରଙ୍କୁ ଅନ୍ତର୍ଭୁକ୍ତ କରାଯାଇ ନାହିଁ ।...

ତୃତୀୟ ଥର ପାଇଁ ବାପା ହେଲେ ପାକିସ୍ତାନର ଏହି ପୂର୍ବତନ ଖେଳାଳି

ନୂଆଦିଲ୍ଲୀ,୨।୩: ପାକିସ୍ତାନର ପୂର୍ବତନ ଦ୍ରୁତ ବୋଲର ଶୋଏବ ଅଖତର ତୃତୀୟ ଥର ପାଇଁ ପିତା ହୋଇଛନ୍ତି। ଶୋଏବ ଅଖତରଙ୍କ ପତ୍ନୀ ରୁବାବ ଖାନ ଏକ କନ୍ୟା...

କ୍ରିକେଟ ପାଇଁ ରାଜନୀତିରୁ ଓହରିଗଲେ କି ଗମ୍ଭୀର

ନୂଆଦିଲ୍ଲୀ,୨।୩: ପୂର୍ବ ଦିଲ୍ଲୀରୁ ଭାଜପା ଏମ୍‌ପି ଗୌତମ ଗମ୍ଭୀର ଏଥର ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ଶନିବାର ତାଙ୍କର ଏକ ଟୁଇଟ୍‌ ଏଭି...

ଆଇପିଏଲ ପୂର୍ବରୁ ବଡ଼ ପରିବର୍ତ୍ତନ କଲା ଲକ୍ଷ୍ନୌ, ଏବେ ଏହି ଭେଟେରାନଙ୍କ ହେଲା ଦଳରେ ଏଣ୍ଟ୍ରି

ନୂଆଦିଲ୍ଲୀ,୨।୩: ଇଣ୍ଡିଆନ ପ୍ରିମିୟର ଲିଗ ଅର୍ଥାତ୍‌ ଆଇପିଏଲ ୨୦୨୪ ଆଉ କିଛି ଦିନ ବାକି ରହିଲା। ଆଇପିଏଲ୨୦୨୪ର ପ୍ରଥମ ମ୍ୟାଚ ୨୨ ମାର୍ଚ୍ଚରେ ଚେନ୍ନାଇ ସୁପର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri