କରୋନା ବଢ଼ାଇବ ଦାରିଦ୍ର୍ୟ

ଭୁବନେଶ୍ୱର,୧୪। ୬(ବ୍ୟୁରୋ): କରୋନା (କୋଭିଡ୍‌-୧୯) ଭୂତାଣୁ ସ୍ବାସ୍ଥ୍ୟ ପାଇଁ ଘାତକ ସାଜିବା ସହ ଜୀବନ ଜୀବିକାକୁ ମଧ୍ୟ ବହୁଳ ଭାବେ ପ୍ରଭାବିତ କରିଛି। ସ୍ବାସ୍ଥ୍ୟଗତ ବିପତ୍ତିଠାରୁ ଜୀବିକା ହରାଇବା ଯନ୍ତ୍ରଣା ଆହୁରି ବଳିଗଲାଣି। ଏହି ମହାମାରୀ ଆସିବା ପରଠୁ ଅଦ୍ୟାବଧି ବହୁ ଲୋକ ଜୀବିକା ହରାଇ ଦାରିଦ୍ର୍ୟର କରାଳ ଚକ୍ରବୂ୍ୟହ ଭିତରକୁ ଠେଲିହୋଇ ଯାଇଛନ୍ତି। ଆଗାମୀ ଦିନରେ ଏହା ଆହୁରି ଭୟାବହ ରୂପ ଧାରଣ କରିବ ବୋଲି ଆନ୍ତର୍ଜାତିକ ଶ୍ରମ ସଙ୍ଗଠନ(ଆଇଏଲ୍‌ଓ) ଚେତାବନୀ ଦେଲାଣି। ଏହି ମହାମାରୀ ପ୍ରଭାବରେ ବିଶ୍ୱର ସମୁଦାୟ ୩.୩ ବିଲିୟନ ଶ୍ରମ ଶକ୍ତିରୁ ୧.୬ ବିଲିୟନ ଲୋକ ଜୀବିକା ହରାଇବେ ବୋଲି ଏହି ଆନ୍ତର୍ଜାତିକ ସଂସ୍ଥା ଆକଳନ କରିଛି। ଭାରତରେ କରୋନା ଭୂତାଣୁ ସଂକ୍ରମଣ ପରେ ପ୍ରତି ୧୦ ଜଣରେ ଜଣକୁ ଜୀବିକା ହରାଇବାକୁ ପଡ଼ିବ। ପ୍ରାୟ ୧୩୬ ନିୟୁତ ଲୋକ ନିଯୁକ୍ତି ହରାଇବେ ବୋଲି ସତର୍କ କରାଯାଇଛି। ଏହି ମହାମାରୀର ପ୍ରଭାବ ଓଡ଼ିଶା ଉପରେ ମଧ୍ୟ ଭୟଙ୍କର ଭାବେ ପଡିବା ଆଶଙ୍କା ସୃଷ୍ଟି ହୋଇଛି। ଓଡ଼ିଶାରେ ବେରୋଜଗାରଙ୍କ ସଂଖ୍ୟା ବଢ଼ିବା ସହିତ ଦାରିଦ୍ର୍ୟ ରାଜ୍ୟ ପାଇଁ ଏକ ବଡ଼ ଚ୍ୟାଲେଞ୍ଜ ହେବ। ଏପରି କି ଦାରିଦ୍ର୍ୟ ସୀମାରେଖା ତଳେ(ବିପିଏଲ୍‌) ନ ଥିବା ମଧ୍ୟବିତ୍ତ ପରିବାର ବୃତ୍ତି ହରାଇ ଦାରିଦ୍ର୍ୟ ବଳୟ ଭିତରକୁ ଚାଲିଯିବା ନେଇ ଅର୍ଥନୀତି ବିଶାରଦ ଅନୁମାନ କରୁଛନ୍ତି।

ରାଜ୍ୟରେ ଏବେ ୯୫ ଲକ୍ଷ ପରିବାରର ୩ କୋଟି ୩୫ ଲକ୍ଷ ଲୋକ ଦାରିଦ୍ର୍ୟ ସୀମାରେଖା ତଳେ ରହିଛନ୍ତି। ଏହି ଗରିବ ଲୋକଙ୍କୁ ୧ ଟଙ୍କାରେ ଖାଦ୍ୟସାମଗ୍ରୀ ଯୋଗାଇବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ବାର୍ଷିକ ପ୍ରାୟ ୭୦ ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି। ଆସନ୍ତାବର୍ଷ ମଧ୍ୟରେ ରାଜ୍ୟରେ ଏଥିରେ ଆହୁରି ୧୦ ଲକ୍ଷ ପରିବାର ଯୋଡି ହେବା ସମ୍ଭାବନା ସୃଷ୍ଟି ହେଲାଣି। ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ସୂତ୍ରରୁ ମିଳିଥିବା ସୂଚନା ଅନୁଯାୟୀ ୨୦୨୦ ଜୁନ୍‌ ୧୩ ସୁଦ୍ଧା ରାଜ୍ୟର ୩୦ଟି ଜିଲାରେ ଜାତୀୟ ଖାଦ୍ୟ ସୁରକ୍ଷା ଆଇନ (ଏନ୍‌ଏଫ୍‌ଏସ୍‌ଏ)ରେ ୯୨,୮୫,୬୭୨ ପରିବାର ଦାରିଦ୍ର୍ୟ ସୀମାରେଖା ତଳେ ଅଛନ୍ତି। ଏହି ପରିବାରର ୩,୨୫,୫,୯୦୩ ଗରିବ ଲୋକଙ୍କୁ ମାସିକ ମୁଣ୍ଡପିଛା ୫ କେଜି ହିସାବରେ ଖାଦ୍ୟଶସ୍ୟ ଯୋଗାଇ ଦିଆଯାଉଛି। ଏହି ପରିବାରଗୁଡିକୁ କେନ୍ଦ୍ର ଓ ରାଜ୍ୟ ସରକାର ମିଳିତ ଭାବେ ୧ ଟଙ୍କାରେ ମାସକୁ ୧୬୨୯୬୭.୫୬୮୧ ମେଟ୍ରିକ ଟନ ଚାଉଳ ଏବଂ ୨୪୩୪୫.୨୮୬୯ ମେଟ୍ରିକ ଟନ ଗହମ ଯୋଗାଇ ଦେଉଛନ୍ତି । ଏ ବାବଦରେ କେନ୍ଦ୍ର ସରକାର ବାର୍ଷିକ ୬୩୭୨.୪୧ କୋଟି ଏବଂ ରାଜ୍ୟ ସରକାର ୪୪୯.୫ କୋଟି ଟଙ୍କା ଖର୍ଚ୍ଚ କରୁଛନ୍ତି। ଏହା ଛଡା ରାଜ୍ୟ ସରକାର ନିଜସ୍ବ ଖାଦ୍ୟ ସୁରକ୍ଷା ଯୋଜନାରେ ୩,୧୬,୯୩୨ ପରିବାରର ୧୦,୦୮,୨୭୩ ଜଣ ଗରିବ ଲୋକଙ୍କୁ ମାସକୁ ୫୦୪୧.୩୬୫ ମେଟ୍ରିକ ଟନ ଚାଉଳ ୧ ଟଙ୍କାରେ ଯୋଗାଇ ଦେଉଛନ୍ତି । ଏ ବାବଦରେ ରାଜ୍ୟ ସରକାର ବାର୍ଷିକ ୩୯୧.୧୨ କୋଟି ଟଙ୍କା ଖର୍ଚ୍ଚ କରୁଛନ୍ତିି। ଦାରିଦ୍ର୍ୟ ସୀମାରେଖା ତଳେ ଥିବା ଲୋକଙ୍କ ମୁହଁରେ ଦାନା ଦେବାକୁ ରାଜ୍ୟ ସରକାର ଉଭୟ ଯୋଜନାରେ ବର୍ଷକୁ ୬୩୭.୦୮କୋଟି ଟଙ୍କା ଖର୍ଚ୍ଚ କରୁଛନ୍ତି। କରୋନା ମହାମାରୀ ପରେ ରାଜ୍ୟରେ ବେକାରି ହାର ବହୁ ମାତ୍ରରେ ବଢିବା ସହ ଦାରିଦ୍ର୍ୟ ସୀମାରେଖା ଉପରେ ଥିବା ବହୁ ପରିବାର ଏହା ତଳକୁ ଖସିଯିବା ନେଇ ଆଶଙ୍କା ପ୍ରକାଶ ପାଇଲାଣି। ସମସ୍ତଙ୍କୁ ଖାଦ୍ୟ ଯୋଗାଇ ଦେବା ରାଜ୍ୟ ସରକାରଙ୍କ ପକ୍ଷେ କାଠିକର ପାଠ ହେବ। କରୋନା ମାଡରେ ଦୁର୍ବଳ ହେବାକୁ ଯାଉଥିବା ରାଜକୋଷ ଆଗାମୀ ଦିନରେ ରାଜ୍ୟର ଦାରିଦ୍ର୍ୟକୁ କିପରି ସମ୍ଭାଳିବ ସେ ନେଇ ଏବେଠାରୁ ଚିନ୍ତା ବଢିଲାଣି। ରାଜ୍ୟର ବିକାଶ କଥା ଦୂରେ ଥାଉ ଲୋକମାନଙ୍କୁ ନିଯୁକ୍ତି ଓ ଆହାର ଯୋଗାଇବାରେ ସରକାର ନାକେଦମ୍‌ ହେବେ ବୋଲି ଅର୍ଥନୀତି ବିଶାରଦମାନେ ମତ ଦେଉଛନ୍ତି।


Enter your email to get our daily news in your inbox.

All Right Reserved By Dharitri.Com

ଜୁଡ଼ିଆ ଘାଟିରୁ ଖସୁଛି ମାଟି ଅତଡ଼ା

କେନ୍ଦୁଝର,୨୮।୮(ଡି.ଏନ.ଏ.): କେନ୍ଦୁଝର ସହର ନିକଟସ୍ଥ ଜୁଡ଼ିଆ ଘାଟି ରାସ୍ତା ପାର୍ଶ୍ୱ ପାହାଡ଼ରୁ ପଥର ଓ ମାଟି ଅତଡ଼ା ଖସୁଥିବାରୁ ପଥଚାରୀ ଏବଂ ଗାଡ଼ିମଟର ପାଇଁ ବିପଦ...

ଆରମ୍ଭ ହେଲା ଅସୀମ ଉତ୍ସବ

ଭୁବନେଶ୍ୱର, ୧୩। ୩ (ବ୍ୟୁରୋ): ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଏବଂ ଅସୀମ ବସୁ ଫାଉଣ୍ଡେଶନ ପକ୍ଷରୁ ୪ର୍ଥ ଅସୀମ ଉତ୍ସବ ଶୁକ୍ରବାର...

ବୌଦ୍ଧକୁ ମୁଖ୍ୟମନ୍ତ୍ରୀଙ୍କ ନବବର୍ଷ ଭେଟି: ଘୋଷଣା କଲେ ୧୧୪ କୋଟିର ପ୍ରକଳ୍ପ

ଭୁବନେଶ୍ୱର,୩ା୧(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ଲୋକସେବା ଭବନରୁ ଭିଡିଓ କନ୍‌ଫରେନ୍ସିଂ ଜରିଆରେ ବୌଦ୍ଧ ମହୋତ୍ସବର ଉଦ୍‌ଘାଟନ କରିଛନ୍ତି। ଏଥିସହ ଜିଲାର ସାମଗ୍ରିକ ଉନ୍ନତି ପାଇଁ...

ପ୍ରେମ ନିବେଦନ କରି ବନ ବିଭାଗ କର୍ମଚାରୀ ଗିରଫ

ଭୁବନେଶ୍ୱର,୧୯।୩ (ବ୍ୟୁରୋ): ଖଣ୍ଡଗିରି ଥାନା ଅନ୍ତର୍ଗତ ଘାଟିକିଆସ୍ଥିତ ବନ ବିଭାଗରେ ଟ୍ରେନିଂ ନେଉଥିବା ସହକର୍ମୀ ଯୁବତୀଙ୍କୁ ଏକତରଫା ପ୍ରେମ ନିବେଦନ କରି ହଇରାଣ କରୁଥିବା ଯୁବକଙ୍କୁ...

କେବଳ ପ୍ରଚାରରେ ସଫଳତା

ଭୁବନେଶ୍ୱର,୨୮ା୧୧(ବ୍ୟୁରୋ): ଭାଜପା ନେତୃତ୍ୱାଧୀନ କେନ୍ଦ୍ରର ଏନ୍‌ଡିଏ ସରକାର ୨୦୧୬ ମେ ୧ ତାରିଖରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା (ପିଏମ୍‌ୟୁଓ୍ବାଇ)ର ଶୁଭାରମ୍ଭ କରିଥିଲେ। ଏହା ପରଠାରୁ ଦେଶର...

ପୁଣି ଏନ୍ତୁଡ଼ିଶାଳକୁ ଫେରିଲା କରୋନା, ସତର୍କ ସୂଚନା ଜାରି…

ବେଜିଂ,୭।୩ : କରୋନା ପୁଣି ଥରେ ଏହାର ଏନ୍ତୁଡ଼ିଶାଳ ଚାଇନାକୁ ଫେରିଛି। ଚାଇନାର ଗଣମାଧ୍ୟମ ଅନୁଯାୟୀ, ମହାମାରୀର ଆରମ୍ଭ ଉହାନରେ ହୋଇଥିଲା। ତେବେ ସମ୍ପ୍ରତି ଦେଶରେ...

ପୂର୍ବତନ ପୋଲିସ ଏସ୍‌ଆଇଙ୍କୁ ୩ବର୍ଷ ଜେଲ

ଭୁବନେଶ୍ୱର, ୧୪ା୮(ବ୍ୟୁରୋ): ଚନ୍ଦ୍ରଶେଖରପୁର ଥାନାର ପୂର୍ବତନ ଏସ୍‌ଆଇ ରାମଚନ୍ଦ୍ର ସେଠୀଙ୍କୁ ମଙ୍ଗଳବାର ସ୍ବତନ୍ତ୍ର ଭିଜିଲାନ୍ସ କୋର୍ଟ ଦଣ୍ଡିତ କରିଛନ୍ତି। ସେ ଲାଞ୍ଚ ନେବାବେଳେ ଭିଜିଲାନ୍ସ ହାତରେ...

୯ରାଜ୍ୟର ୫୦ପ୍ରତିଶତ ଜନସଂଖ୍ୟା ନେଇଛନ୍ତି ଭ୍ୟାକ୍ସିନର ସିଙ୍ଗଲ ଡୋଜ୍‌

ନୂଆଦିଲ୍ଲୀ,୧୩।୮: ଦେଶରେ ଏବେ ବି କରୋନା ପ୍ରକୋପ ଜାରି ରହିଛି। କରୋନା ଲଢ଼େଇରେ ମୁଖ୍ୟ ଅସ୍ତ୍ର କୁହାଯାଉଥିବା ଟିକାକରଣ ଅଭିଯାନକୁ ତ୍ୱରାନ୍ବିତ କରାଯାଇଛି। ଭାରତରେ ବର୍ତ୍ତମାନ...

Advertisement
Archives

Model This Week