ଜାପାନର ଏକ ହୋଟେଲରେ ଗ୍ରାହକଙ୍କ ପାଇଁ ରହିଛି ସୁନାର ବାଥ୍ଟବ୍। ୧୩୦ ସେଣ୍ଟିମିଟର ଚଉଡା ଓ ୫୫ ସେଣ୍ଟିମିଟର ଗଭୀର ଏହି ବାଥ୍ଟବ୍ର ମଜା ନେବାକୁ ଏବେ ଏଠାରେ ଗ୍ରାହକଙ୍କ ଭିଡ ଲାଗୁଥିବା କହିଛନ୍ତି ହୋଟେଲ ମାଲିକ। ଜଣେ ଗ୍ରାହକ ଏହାକୁ ୧ରୁ ୧୦ ଘଣ୍ଟା ପର୍ଯ୍ୟନ୍ତ ବୁକ୍ କରିପାରିବେ। ଆଉ ଘଣ୍ଟା ପ୍ରତି ଏହାର ଭଡା ରହିଛି ପାଖାପାଖି ଭାରତୀୟ ମୁଦ୍ରାରେ ୩ ହଜାର ଟଙ୍କା। ସୂଚନା ମୁତାବକ, ଏହାର ଓଜନ ୧୫୪ କିଲୋଗ୍ରାମ୍। ଏହାର ନିର୍ମାତା କୁହନ୍ତି ଏହା ବିଶ୍ୱର ପ୍ରଥମ ସୁନା ବାଥ୍ଟବ୍। ଏହା ୧୮ କ୍ୟାରେଟ ସୁନାରେ ତିଆରି ହୋଇଛି। ଚାଇନା ଓ ଦକ୍ଷିଣ କୋରିଆର ପର୍ଯ୍ୟଟକଙ୍କୁ ଦୃଷ୍ଟିରେ ରଖି ଏହି ସୁନା ବାଥ୍ଟବ୍ ତିଆରି କରାଯାଇଛି। କାରଣ ଏହି ପର୍ଯ୍ୟଟକମାନେ ଜାପାନ ଆସିଲେ ମହଙ୍ଗା ବାଥ୍ଟବ୍ ଡିମାଣ୍ଡ କରିଥାଆନ୍ତି। ଏହାସହ ଚାଇନାର ପର୍ଯ୍ୟଟକମାନେ ମଧ୍ୟ ଏଠାକୁ ଆସି ଦାମୀ ବାଥ୍ଟବ୍ ଖୋଜୁଥିବାରୁ ଜାପାନ ସରକାରଙ୍କ ସହାୟତାରେ ଉକ୍ତ ହୋଟେଲରେ ଏହି ସୁନା ବାଥ୍ଟବ୍ ଲଗାଯାଇଛି।
