ଭବାନୀପାଟଣା,୨୭।୯(ଡି.ଏନ.ଏ.)-କଳାହାଣ୍ଡି ଜିଲା ଆଇନ ଶେବା ପ୍ରାଧିକ୍ରରଣ ଆନୁକୂଲ୍ୟରେ ଗୁରୁବାର ଅପରାହ୍ନରେ ଭବାନୀପାଟଣାଠାରେ ଏସିଡ୍ ପୀଡିତାଙ୍କ ପାଇଁ ଉପଲବ୍ଧ ଥିବା ବିଭିନ୍ନ ଆଇନ ସମ୍ପର୍କରେ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ଆଇନ ସେବା ପ୍ରାଧିକରଣ ସଚିବ ସ୍ବୀଟି ସାମନ୍ତରାୟ, ସ୍ବତନ୍ତ୍ର ଜଜ୍ ଦୁର୍ନୀତି ନିବାରଣ ବିଧାନ କୁମାର ଚାନ୍ଦ, ଜଜ୍ ପରିବାର ଅଦାଲତ୍ ସୁଶାନ୍ତ ପଟେଲ, ବିଚାର ବିଭାଗୀୟ ମାଜିଷ୍ଟ୍ରେଟ୍ ଅନୁରାଗ ଦେହୁରି ଯୋଗଦେଇ ମହିଳାଙ୍କ ଉପରେ ହେଉଥିବା ଏସିଡ୍ ଆକ୍ରମଣ, ଏହାର କିଭଳି ପ୍ରତିରୋଧ କରାଯାଇ ପାରିବ, ପୀଡିତା କିପରି କ୍ଷତିପୂରଣ ପାଇବେ ଓ ପୀଡିତାଙ୍କ ପାଇଁ ଥିବା ଆଇନ ବ୍ୟବସ୍ଥା ସମ୍ପର୍କରେ ଆଲୋଚନା ହୋଇଥିଲା। ଏହି ଅବସରରେ ଆଇନଜୀବୀ ସୁଧାଂଶୁ କୁମାର ନନ୍ଦ ଏସିଡ୍ ଆକ୍ରମଣ ଓ ଏହାର ଆଇନ ବ୍ୟବସ୍ଥା ଉପରେ ବକ୍ତବ୍ୟ ରଖିଥିଲେ। ଏହି ଶିବିରରେ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ୍ ଦୀପକ କୁମାର ସାଠୁଆ ଓ ନିତ୍ୟାନନ୍ଦ ଚୌବେ ଉପସ୍ଥିତ ଥିଲେ।
