Posted inଖେଳ

ଏମ୍‌ଏସ୍‌ ଧୋନୀ କ୍ରିକେଟ ଏକାଡେମୀ: ନିମପୁରରେ ଆରମ୍ଭ ହେଲା କୋଚିଂ କ୍ଲିନିକ୍‌

କଟକ ଅଫିସ,୨୬ା୫- ଏମ୍‌ଏସ୍‌ ଧୋନୀ କ୍ରିକେଟ ଏକାଡେମୀ ଆନୁକୂଲ୍ୟରେ ସ୍ଥାନୀୟ ନିମପୁର କ୍ରିକେଟ ଗ୍ରାଉଣ୍ଡରେ ଶନିବାର ଠାରୁ ଆରମ୍ଭ ହୋଇଛି କ୍ରିକେଟ କୋଚିଂ କ୍ଲିନିକ । ଆସନ୍ତା ୩୧ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ଶିବିରରେ ମୋଟ ୧୦୨ଜଣ ପ୍ରଶିକ୍ଷାର୍ଥୀ ବିଭିନ୍ନ ବୟସ ବର୍ଗରେ ପ୍ରଶିକ୍ଷଣ ନେଉଛନ୍ତି । ଏଥି ମଧ୍ୟରେ ହାଇଦ୍ରାବାଦର ଦୁଇଜଣ ପ୍ରଶିକ୍ଷାର୍ଥୀ ମଧ୍ୟ ରହିଛନ୍ତି । ଏକାଡେମୀର ମୁଖ୍ୟ କୋଚ୍‌ ତଥା ଏନସିଏର ଲେଭଲ-୩ ଯୋଗ୍ୟତା ପ୍ରାପ୍ତ କୋଚ୍‌ ସୁଦୀପ ମିତ୍ରଙ୍କ ତତ୍ତ୍ବାବଧାନରେ ଏହି ଶିବିର ଚାଲିଛି । ଆଇସିସିର ଲେଭଲ-୨ କୋଚ୍‌ କପୁର ଚାନ୍ଦ ଅଗ୍ରୱାଲ, ଏନ୍‌ସିଏର ଲେଭଲ-ଏ କୋଚ୍‌ ଅଭିଜିତ ଥଣ୍ଡର ଓ ସନ୍ଦୀପ ଦାସ ମଧ୍ୟ ଅଛନ୍ତି। ସୂଚନାଥାଉକି, ଏମ୍‌ଏସ୍‌ ଧୋନୀ କ୍ରିକେଟ ଏକାଡେମୀ ଅର୍କ ସ୍ପୋଟର୍‌ସର ଏକ ଅନୁଷ୍ଠାନ। ଧୋନୀଙ୍କ ବାଲ୍ୟବନ୍ଧୁ ମିହିର ଦିୱାକର ହେଉଛନ୍ତି ଅର୍କ ସ୍ପୋଟର୍‌ସର ପ୍ରତିଷ୍ଠାତା । ମିହିର ଭାରତୀୟ ୧୯ବର୍ଷରୁ କମ ବିଶ୍ୱକପ ବିଜେତା ଦଳର ଖେଳାଳି ମଧ୍ୟ ଥିଲେ । ଧୋନୀଙ୍କ ପରାମର୍ଶରେ ଉକ୍ତ ଏକାଡେମୀ ଚାଲିଛି । କ୍ଲିନିକ ନିମନ୍ତେ ପଞ୍ଜୀକରଣ ଶୁଳ୍କ ୫ ହଜାର ଟଙ୍କା ଧାର୍ଯ୍ୟ କରାଯାଇଛି । ୨୨ବର୍ଷରୁ କମ୍‌ ବୟସର ଖେଳାଳିମାନଙ୍କୁ କେବଳ ପ୍ରଶିକ୍ଷଣ ଦିଆଯାଉଛି । ଶନିବାର ସମସ୍ତ ଟ୍ରେନିଂର ଭିଡ଼ିଓ ରେକଡିଂ କରାଯାଇଥିବା ଜଣାପଡ଼ିଛି। ରବିବାର ଦିନ ଭିଡ଼ିଓ ଆନାଲିସିସ ମାଧ୍ୟମରେ ଖେଳାଳିମାନଙ୍କ କେଉଁଠାରେ ତ୍ରୁଟି ରହୁଛି ତାହା ଶିବିରାର୍ଥୀ ଙ୍କୁ ଶିକ୍ଷା ଦିଆଯିବ । ଏହାଛଡ଼ା ସମସ୍ତ ପ୍ରଶିକ୍ଷାର୍ଥୀଙ୍କ ନିମନ୍ତେ ସ୍ବତନ୍ତ୍ର ଫିଜିକାଲ ଫିଟନେସ ଓ ଡାଏଟ ପ୍ଲାନ ଯୋଗାଇ ଦିଆଯିବାର ଯୋଜନା ରହିଛି ।
ସେମାନଙ୍କ ମତରେ-
ଶିବିର ହେଉଛି ବୋଲି ଜାଣିବା ପରେ ମୋ କୋଚ୍‌ ମୋତେ ଓଡ଼ିଶା ଯିବାକୁ ପରାମର୍ଶ ଦେଇଥିଲେ। ପ୍ରଥମ ଦିନରୁ ଅନୁଭବ ହେଉଛି ଯେ, ଶିବିରରେ ବହୁତ କିଛି ଶିଖିବାକୁ ମିଳିବ। ତ୍ରୁଟି ସୁଧାରିବାର ସୁଯୋଗ ମିଳିବ। ବାମହାତୀ ବ୍ୟାଟ୍ସମ୍ୟାନ ହୋଇଥିବାରୁ କିଛି ବଲ ଖେଳିବାର ଅସୁବିଧା ହେଉଛି। ଏଠାରେ ଏହାର ସମାଧାନ ବାଟ ମିଳିବ ବୋଲି ଆଶା ।
– ଏସ୍‌ ମନୀଷ ନାଇଡୁ, ହାଇଦ୍ରାବାଦ
ଗତ କିଛି ବର୍ଷ ହେବ କ୍ରିକେଟରେ କ୍ୟାରିୟର କରିବି ବୋଲି ସ୍ଥିର କରି ସାରିଛି । କଟକରେ ଏପରି ଏକ ଶିବିରର ଆୟୋଜନ ସମସ୍ତ ନବାଗତ କ୍ରିକେଟରଙ୍କର ନୂତନ ଶିକ୍ଷା ପାଇଁ ସୁଯୋଗ ସୃଷ୍ଟି କରିଛି । ପ୍ରଥମ ଦିବସରେ ଏଠାରେ ଯେପରି ପରିବେଶ ଥିଲା, ତାହା ମଧ୍ୟ ଆମ ପାଇଁ ନୂଆ । ୭ଦିନ ଭିତରେ ଆମ ଖେଳରେ ଅନେକ କିଛି ପରିବର୍ତ୍ତନ ହୋଇଥିବ ।
– ଅନୀଲ କୁମାର ସାହୁ, କଟକ
ଗୋଟିଏ ବର୍ଷ ହେବ କ୍ରିକେଟ ଖେଳୁଛି । ସମ୍ପ୍ରତି କ୍ରିକେଟ ଖେଳ ଭାରତରେ ଯେପରି ଭାବେ ଚ୍ୟାଲେଞ୍ଜିଂ ହେଲାଣି ନବାଗତମାନେ ନିଜକୁ ଅଧିକରୁ ଅଧିକ କ୍ଷମତା ସମ୍ପନ୍ନ କରିବା ଦରକାର । ଏହି ଶିବିରରେ ବହୁତ କିଛି ଶିଖିବାକୁ ମିଳିବ ବୋଲି ଆଶା ।
– ଦିବ୍ୟତୋଷ ମିଶ୍ର, କେନ୍ଦୁଝର
ଯୁବ ପ୍ରତିଭାମାନେ କ୍ରିକେଟର ଅନ୍ୟଏକ ସ୍ତର ସମ୍ପର୍କରେ ଏଠାରେ ଅବଗତ ହେବେ । କେବଳ ଭଲ ଖେଳିଲେ ନୁହେଁ, ବରଂ ଶୃଙ୍ଖଳିତ ଜୀବନ ଶୈଳୀର ଜ୍ଞାନ ମଧ୍ୟ ଏହି ଶିବିରରୁ ପାଇବେ । ଶିବିର ଅନେକ ପ୍ରତିଭାଙ୍କୁ ଉତ୍ସାହିତ କରିବା ନିଶ୍ଚିତ ।
– ବିଭୁ ଶତପଥୀ, ଏକାଡେମୀର ଓଡ଼ିଶା ମ୍ୟାନେଜର


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଇପିଏଲ୍‌: ସୁପର ଓଭରରେ ଜିତିଲା ଦିଲ୍ଲୀ କ୍ୟାପିଟାଲ୍ସ

ଦୁବାଇ,୨୧ା୯(ପି.ଟି.): ସ୍ଥାନୀୟ ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ରବିବାର ଖେଳାଯାଇଥିବା ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଦ୍ୱିତୀୟ ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସ ସୁପର ଓଭରରେ କିଙ୍ଗ୍ସ...

ଧୋନୀଙ୍କୁ ପଶଂସା କରିବା ପାକିସ୍ତାନ କ୍ରିକେଟରଙ୍କୁ ପଡିଲା ମହଙ୍ଗା, ପିସିବି ଦେଲା ଏମିତି ଦଣ୍ଡ

ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ କ୍ରିକେଟରୁ ଅବସର ନେଇଛନ୍ତି। ତାଙ୍କ ପ୍ରଶଂସାରେ ଶତମୁଖ ହୋଇଛନ୍ତି ବିଶ୍ୱର କିଛି କ୍ରିକେଟର। ପାକିସ୍ତାନର...

ଚେତାବନୀ ସହ ଆର୍ଚରଙ୍କୁ ଜରିମାନା

ମାଞ୍ଚେଷ୍ଟର, ୧୮।୭(ପି.ଟି.)- ଓ୍ବେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ କ୍ରିକେଟ ଟେଷ୍ଟ ପୂର୍ବରୁ ଜୈବ-ସୁରକ୍ଷିତ ପ୍ରୋଟୋକଲ ଭଙ୍ଗ କରିଥିବାରୁ ଦ୍ରୁତ ବୋଲର ଜୋଫ୍ରା ଆର୍ଚରଙ୍କୁ ଇଂଲଣ୍ଡ ଆଣ୍ଡ ଓ୍ବେଲ୍ସ...

ଗ୍ରୀନ ୩ ମାସ ବାସନ୍ଦ

ସିଡ୍‌ନୀ, ୯।୧ (ଏଏଫ୍‌ପି)- ଅଷ୍ଟ୍ରେଲୀୟ କ୍ରିକେଟର ତଥା ବିଗ୍‌ ବାସ୍‌ ଲିଗ୍‌ (ବିବିଏଲ୍‌)ରେ ସିଡ୍‌ନୀ ଥଣ୍ଡର୍ସ ପକ୍ଷରୁ ଖେଳୁଥିବା ଅଫ୍‌ ସ୍ପିନର କ୍ରିସ୍‌ ଗ୍ରୀନ ୩...

କାର୍‌ ଦୁର୍ଘଟଣାରେ ବକ୍ସର ନୀରଜ ଆହତ

ନୂଆଦିଲ୍ଲୀ, ୨୬ା୬(ପି.ଟି.): ଭାରତୀୟ ପ୍ରଫେଶନାଲ ବକ୍ସର ନୀରଜ ଗୋୟାତ ଏକ କାର୍‌ ଦୁର୍ଘଟଣାରେ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଫଳରେ ଆସନ୍ତା ମାସରେ ବ୍ରିଟିଶ...

ପ୍ଲିସ୍‌କୋଭାଙ୍କୁ ହରାଇଲେ ମାର୍ଟିକ

ପ୍ୟାରିସ୍‌, ୩୧।୫ (ଏଏଫ୍‌ପି)- ଦ୍ୱିତୀୟ ସିଡ୍‌ ଚେକ୍‌ ରିପବ୍ଲିକ୍‌ର କାରୋଲିନା ପ୍ଲିସ୍‌କୋଭା ଫ୍ରେଞ୍ଚ ଓପନ ଗ୍ରାଣ୍ଡସ୍ଲାମ୍‌ ଟେନିସ ପ୍ରତିଯୋଗିତାରୁ ବିଦାୟ ନେଇଛନ୍ତି। ଶୁକ୍ରବାର ଅନୁଷ୍ଠିତ ଏକ...

ଅଧିନାୟକ କୋହଲି ପିଅନ୍ତି ଫ୍ରାନ୍ସରୁ ଆସୁଥିବା ଏହି ବୋତଲ ପାଣି: ଲିଟର ପିଛା ଦାମ ଜାଣିଲେ ହେବେ ଆଶ୍ଚର୍ଯ୍ୟ

ନୂଆଦିଲ୍ଲୀ,୨୯।୮: ଭାରତୀୟ ଅଧିନାୟକ ବିରାଟ କୋହଲି ନିଜର ଫିଟ୍‌ନେସକୁ ନେଇ ଚର୍ଚ୍ଚାରେ ରହିଥାନ୍ତି। ଏହାକୁ ନେଇ ସେ ଅନ୍ୟ କ୍ରିକେଟରଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି।...

ଜୁନ୍‌ ୭ ପର୍ଯ୍ୟନ୍ତ ଡବ୍ଲ୍ୟୁଟିଏ, ଏଟିପି ସିଜନ ବନ୍ଦ

ଓ୍ବାଶିଂଟନ, ୧୯।୩ (ଏପି)- କରୋନା ଭାଇରସ୍‌ର ଆତଙ୍କକୁ ନଜରରେ ରଖି ସମସ୍ତ ପୁରୁଷ ଓ ମହିଳା ପ୍ରଫେଶନାଲ ଟେନିସ ଟୁର୍ନାମେଣ୍ଟକୁ ଜୁନ୍‌ ୭ ପର୍ଯ୍ୟନ୍ତ ବାତିଲ...

Coronavirus Update


Archives

Model This Week

Why Dharitri