ଶିକ୍ଷାଦାନ ମହାପୁଣ୍ୟ,ଏକଥା ହୃଦୟଙ୍ଗମ କରିଛନ୍ତି ବେଙ୍ଗାଲୁରୁର ଏକ ଦମ୍ପତି। ବୟସର ଅପରାହ୍ନରେ ବଦ୍ରିନାଥ ଭିତ୍ତଲ ଓ ଇନ୍ଦିରା ଭିତ୍ତଲ ମାଗଣାରେ ଅସହାୟ ପିଲାମାନଙ୍କୁ ପଢ଼ାଉଛନ୍ତି। ବଦ୍ରିନାଥଙ୍କ ବୟସ ୮୨ ହୋଇଥିବାବେଳେ ଇନ୍ଦିରାଙ୍କ ବୟସ ୭୭। ସେମାନେ ୧୦୦ରୁ ଊର୍ଦ୍ଧ୍ୱ ଅସହାୟ ଶିଶୁଙ୍କୁ ପଢାଉଛନ୍ତି। ବଦ୍ରିନାଥ ଜଣେ ଅବସରପ୍ରାପ୍ତ ସିଭିଲ ଇଞ୍ଜିନିୟର। ସେ ବମ୍ବେ ଆଇଆଇଟିରେ ପଢୁଥିଲେ। ତାଙ୍କ ଘରେ ଜଣେ ମହିଳା କାମ କରୁଥିଲେ। ସେ ତାଙ୍କ ଝିଅକୁ ପଢ଼ାଇବା ଲାଗି ଆର୍ଥିକ ସହଯୋଗ ଚାହଁିବା ପରେ ଏହି ଦମ୍ପତି ତାଙ୍କୁ ସାହାଯ୍ୟ କରିଥିଲେ । ବ୍ରଦିନାଥଙ୍କ ସ୍ତ୍ରୀ ଇନ୍ଦିରା ମଧ୍ୟ ଝିଅଟିକୁ ମାଗଣାରେ ପଢ଼ାଇବା ଆରମ୍ଭ କରିଥିତ୍ଲେ ଓ ପରେ ତା’ ସାନ ଭଉଣୀ ଏଥିତ୍ରେ ଯୋଗଦେଲା। ସେଇଠୁ ଆରମ୍ଭ ହୋଇଥିଲା ଏମାନଙ୍କ ଅଭିଯାନ। ୨୦୧୪ରେ ସେ ତାଙ୍କ ଘର ନିକଟରେ ରହୁଥିବା ଅଭାବୀ ପରିବାରର ୮ ଜଣ ପିଲା ଏହି ଟ୍ୟୁଶନରେ ଯୋଗଦେଇଥିତ୍ଲେ। ଏମିତିରେ ୨ରୁ ପିଲା ସଂଖ୍ୟା ୮ରେ ପହଞ୍ଚିଥିଲା। କିନ୍ତୁ ଲକ୍ଡାଉନ ଯୋଗୁ ଏମାନେ ଘରକୁ ନ ଆସିବାରୁ ସେମାନଙ୍କୁ ଭିତ୍ତଲ ଦମ୍ପତି ଅନ୍ଲାଇନରେ ପଢ଼ାଇବା ଆରମ୍ଭ କଲେ। ଅଧିକାଂଶ ପରିବାରରେ ସ୍ମାର୍ଟ ଫୋନ ଥିବାରୁ ଏହା ସମ୍ଭବ ହୋଇପାରିଲା। ଏଭଳି ନ୍ୟୁଜ୍ ପ୍ରକାଶ ପାଇବା ପରେ କର୍ନାଟକର ବିଭିନ୍ନ ସ୍ଥାନରୁ ଲୋକେ ସେମାନଙ୍କ ପିଲାଙ୍କୁ ପଢାଇବା ଲାଗି ଏହି ଦମ୍ପତିଙ୍କୁ ଅନୁରୋଧ କଲେ। ଧୀରେ ଧୀରେ ୮ରୁ ପିଲାଙ୍କ ସଂଖ୍ୟା ପହଞ୍ଚିଗଲା ୧୦୦ ଉପରେ। ପରେ ପଢାଇବା ପାଇଁ ଏହି ଦମ୍ପତିଙ୍କ ସହ ୧୦ରୁ ଅଧିକ ଅବସରପ୍ରାପ୍ତ ଶିକ୍ଷକ ଓ ଅନ୍ୟ ଅଧିକାରୀମାନେ ଯୋଗଦେଇଛନ୍ତି।
