ଆଜିର ଅର୍ଥନୀତି/ ନିଅଣ୍ଟିଆ ବୃଷ୍ଟି

ମୌସୁମୀ ଏ ବର୍ଷ ଓଡ଼ିଶା ପ୍ରତି ବେଶି ସଦୟ ହୋଇନାହିଁ। ବର୍ତ୍ତମାନ ସୁଦ୍ଧା ସ୍ବାଭାବିକଠାରୁ କମ୍‌ ବୃଷ୍ଟିପାତ ହୋଇଥିବା ବେଳେ ବିଭିନ୍ନ ଜିଲାରେ ବୃଷ୍ଟିପାତର ଆବଣ୍ଟନ ହାର ମଧ୍ୟ ସୁଷମ ନୁହେଁ। ଜୁଲାଇ ମାସରେ ଓଡ଼ିଶାରେ ମୋଟ ୯ ପ୍ରତିଶତ କମ୍‌ ବୃଷ୍ଟିପାତ ହୋଇଛି। ଜୁନ୍‌ ମାସରେ ୩୧.୫ ପ୍ରତିଶତ କମ୍‌ ବୃଷ୍ଟିପାତ ହୋଇଥିଲା। ଜୁଲାଇ ମାସରେ ଦୀର୍ଘକାଳୀନ ହାରାହାରି (ଏଲ୍‌ଟିଏ) ୩୩୯.୯ ମିଲିମିଟର ବୃଷ୍ଟି ହେବା ସ୍ଥଳେ ଏହି ସମୟ ଭିତରେ ଓଡ଼ିଶା ପାଇଛି ୩୦୯.୪ ମିଲିମିଟର ବୃଷ୍ଟିଜଳ। ଜୁନ୍‌ ଓ ଜୁଲାଇ ଉଭୟ ମାସକୁ ହିସାବକୁ ନେଲେ ଏହି ଦୁଇମାସରେ ଦୀର୍ଘକାଳୀନ ହାରାହାରି ୫୫୬.୪ ମିଲିମିଟର ବୃଷ୍ଟି ହେବା ସ୍ଥଳେ ହୋଇଛି ୪୫୭.୭ ମିଲିମିଟର, ଅର୍ଥାତ୍‌ ୧୭.୭ ପ୍ରତିଶତ ନିଅଣ୍ଟିଆ ବୃଷ୍ଟି ହୋଇଛି। ୧୧ଟି ଜିଲାରେ ସ୍ବାଭାବିକ ବୃଷ୍ଟି ହୋଇଥିବା ବେଳେ ୧୭ଟି ଜିଲାରେ ୧୯ରୁ ୩୯ ପ୍ରତିଶତ ପର୍ଯ୍ୟନ୍ତ କମ୍‌ ବୃଷ୍ଟିପାତ ହୋଇଛି। ଅପରପକ୍ଷେ କୋରାପୁଟ ଜିଲାରେ ସ୍ବାଭାବିକଠାରୁ ୧୯ ପ୍ରତିଶତରୁ ଅଧିକ ବୃଷ୍ଟି ହୋଇଥିବା ବେଳେ ମାଲକାନଗିରି ଜିଲା ପାଇଛି ସର୍ବାଧିକ ୬୩୩.୮ ମିଲିମିଟର ବୃଷ୍ଟିପାତ, ଯାହା ସ୍ବାଭାବିକଠାରୁ ୩୬.୧ ପ୍ରତିଶତ ଅଧିକ। ସବୁଠାରୁ କମ୍‌ ବୃଷ୍ଟିପାତ ହୋଇଥିବା ଜିଲାଗୁଡ଼ିକ ଭିତରେ ଅଛି ସୁନ୍ଦରଗଡ଼ ଜିଲା (ବିଯୁକ୍ତ ୩୯ ପ୍ରତିଶତରୁ ବିଯୁକ୍ତ ୫୯ ପ୍ରତିଶତ ପର୍ଯ୍ୟନ୍ତ)। ବ୍ଲକ୍‌ଓ୍ବାରି ହିସାବ ଦେଖିଲେ ଜୁନ୍‌ ମାସରେ ୧୯ଟି ବ୍ଲକ୍‌ରେ ଅଧିକ ବୃଷ୍ଟିପାତ ହୋଇଥିବା ବେଳେ ୭୩ଟି ବ୍ଲକ୍‌ରେ ସ୍ବାଭାବିକ ବୃଷ୍ଟିପାତ ହୋଇଛି। ଅପରପକ୍ଷେ ଜୁନ୍‌ ମାସରେ ୯୦ଟି ବ୍ଲକ୍‌ରେ ନିଅଣ୍ଟିଆ ବୃଷ୍ଟିପାତ ହୋଇଥିବା ବେଳେ ୮୫ଟି ବ୍ଲକ୍‌ରେ ଅତି ନିଅଣ୍ଟିଆ ଏବଂ ୪୭ଟି ବ୍ଲକ୍‌ରେ କାଁ ଭାଁ ବୃଷ୍ଟି ହୋଇଛି।
ଓଡ଼ିଶାର ୭୫ ପ୍ରତିଶତ ଲୋକ କୃଷି ଉପରେ ନିର୍ଭର କରୁଥିବା ବେଳେ ଯଥେଷ୍ଟ ଜଳସେଚନର ଅଭାବ ଯୋଗୁ କୃଷି ମୁଖ୍ୟତଃ ମୌସୁମୀ ବର୍ଷା ଉପରେ ନିର୍ଭର କରିଥାଏ। ବର୍ତ୍ତମାନ ଏହି ନିଅଣ୍ଟିଆ ବୃଷ୍ଟି କୃଷକମାନଙ୍କ ପାଇଁ ଘୋର ସମସ୍ୟାର କାରଣ ହୋଇଛି। ଧାନ ଅମଳ ଦୃଷ୍ଟିରୁ ଉପକୂଳବର୍ତ୍ତୀ ଅଞ୍ଚଳ ତୁଳନାରେ ଅଧିକ ଉତ୍ପାଦନଶୀଳ ପଶ୍ଚିମ ଓଡ଼ିଶାର ଅନେକ ଜିଲାରେ ସ୍ବଳ୍ପ ବୃଷ୍ଟିପାତ ସମ୍ପ୍ରତି ମରୁଡ଼ି ପରିସ୍ଥିତି ସୃଷ୍ଟି କରିଛି। ଦୁର୍ବଳ ମୌସୁମୀ କୃଷକମାନଙ୍କ ଅନେକ ଦୁଃଖର କାରଣ ହେବା ସହ ଅର୍ଥନୀତିରେ ମାନ୍ଦାବସ୍ଥା ସୃଷ୍ଟି କରିବ ଏବଂ କୃଷି କ୍ଷେତ୍ର ଉପରେ ନିର୍ଭର କରି ବଞ୍ଚୁଥିବା ଶ୍ରମିକ ଶ୍ରେଣୀର ଲୋକମାନେ ବାହାର ଜିଲା ଓ ବାହାର ରାଜ୍ୟକୁ ଦାଦନ ଖଟିବାକୁ ଚାଲିଯିବାର ଆଶଙ୍କା ରହିଛି। ମୌସୁମୀ ବର୍ଷା ଭଲ ହେଲେ ବିଶେଷତଃ ଗ୍ରାମାଞ୍ଚଳରେ ଖାଉଟି ସାମଗ୍ରୀର ଚାହିଦା ଅଧିକ ରହିଥାଏ। ଅଟୋମାବାଇଲ ଶିଳ୍ପରେ କାରବାର ବୃଦ୍ଧିରେ ମଧ୍ୟ ଏହା ସାହାଯ୍ୟ କରିଥାଏ। କିନ୍ତୁ ଦୁର୍ବଳ ମୌସୁମୀ ବାଣିଜି୍ୟକ ଗାଡ଼ିଘୋଡ଼ା ଓ ଦୁଇଚକିଆ ଯାନର ବିକ୍ରି ଉପରେ ଘୋର ପ୍ରତିକୂଳ ପ୍ରଭାବ ପକାଇବ। ଗାଡ଼ି ଉତ୍ପାଦନ ମଧ୍ୟ ହ୍ରାସ ପାଇବ। ଗ୍ରାମାଞ୍ଚଳରେ ଗାଡ଼ି ବିକ୍ରି କରୁଥିବା କମ୍ପାନୀଗୁଡ଼ିକର ଷ୍ଟକ୍‌ ମୂଲ୍ୟ ଉପରେ ମଧ୍ୟ ଏହା ପ୍ରଭାବ ପକାଇବ।
ଓଡ଼ିଶା କେବଳ ଧାନରେ ଆତ୍ମନିର୍ଭରଶୀଳ ନୁହେଁ, ବରଂ ଧାନ ଉତ୍ପାଦନରେ ଏହା ଏକ ବଳକା ରାଜ୍ୟ ଭାବେ ଜଣାଶୁଣା। ଦୁର୍ବଳ ମୌସୁମୀ ଧାନ ସଂଗ୍ରହକୁ ପ୍ରଭାବିତ କରିବ। କୃଷକମାନେ ଅମଳ କରିଥିବା ସୀମିତ ଧାନକୁ ବିକ୍ରି ନ କରି ନିଜର ଆବଶ୍ୟକତା ପାଇଁ ରଖିବାକୁ ପସନ୍ଦ କରିବେ। ବିକ୍ରି କରିବାକୁ ଯଥେଷ୍ଟ ଧାନ ଅମଳ ନ ହେବାରୁ ଚାଷ ପାଇଁ ଋଣ କରିଥିବା କୃଷକମାନେ ଋଣ ଶୁଝି ନ ପାରି ଚିନ୍ତାଗ୍ରସ୍ତ ରହିବେ ଓ ଖିଲାପୀ ଋଣୀଙ୍କ ସଂଖ୍ୟା ବୃଦ୍ଧି ପାଇବ। ମରୁଡ଼ି ପରିସ୍ଥିତି ଯୋଗୁ ବିଭିନ୍ନ ପ୍ରକାର ଡାଲି ଏବଂ ପାମୋଲିନ୍‌, ସୋୟାବିନ୍‌ ଓ ସୂର୍ଯ୍ୟମୁଖୀ ତେଲ ପ୍ରଭୃତିର ଆମଦାନି ବୃଦ୍ଧି ପାଇବ। ନିଅଣ୍ଟିଆ ବୃଷ୍ଟି ଯୋଗୁ ବିଭିନ୍ନ ଜଳଭଣ୍ଡାରର ଜଳ ଓ ଭୂତଳ ଜଳ ହ୍ରାସ ପାଇବ, ଯାହା ଜଳସେଚନରେ ବାଧା ସୃଷ୍ଟି କରିବା ସହ ଜଳବିଦ୍ୟୁତ୍‌ ଉତ୍ପାଦନକୁ ମଧ୍ୟ ପ୍ରଭାବିତ କରିବ। ବୃଷ୍ଟିପାତ ଅଧିକ ହୋଇଥିଲେ କୂଅରୁ ପାଣି କାଢ଼ି ଜଳସେଚନ କରିବା ପାଇଁ ରିହାତି ମୂଲ୍ୟର ଡିଜେଲ ଚାହିଦା ହ୍ରାସ ପାଇଥାନ୍ତା। ଫଳରେ ଏ ବାବଦରେ ସରକାରଙ୍କ ଖର୍ଚ୍ଚ କମିଥାନ୍ତା। ମରୁଡ଼ି ପରିସ୍ଥିତି ଯୋଗୁ ପନିପରିବା ଓ ଡାଲିର ମୂଲ୍ୟ ବୃଦ୍ଧି ପାଇବ। ଫଳରେ ଜନମଙ୍ଗଳ ଯୋଜନାରେ ସରକାରଙ୍କ ଖର୍ଚ୍ଚ ବୃଦ୍ଧି ପାଇବା ସହ ଶାସକ ଦଳ ପାଇଁ ଏହା ଏକ ରାଜନୈତିକ ଅସ୍ତ୍ର ପାଲଟିବା କଥା। ଏହି ଦୃଷ୍ଟିରୁ ବିଶେଷତଃ ନିର୍ବାଚନ ବର୍ଷ ହୋଇଥିଲେ ମରୁଡ଼ି ପରିସ୍ଥିତି ସବୁବେଳେ ସରକାରଙ୍କ ପାଇଁ ଲାଭଦାୟକ ହୋଇଥାଏ। କିନ୍ତୁ ଏହା ନିର୍ବାଚନ ବର୍ଷ ନୁହେଁ, ତେଣୁ ଏଥିରୁ ସରକାରଙ୍କର କିଛି ଫାଇଦା ହେବାର ନାହିଁ, ବରଂ ସାଧାରଣ ଲୋକମାନେ ହିଁ କେବଳ ଦୁଃଖ ଭୋଗିବା ସାର ହେବ।


Enter your email to get our daily news in your inbox.

All Right Reserved By Dharitri.Com

ସାମୁଦ୍ରିକ ଖାଦ୍ୟ ଓ ସଂକ୍ରମଣ

ମାନେକା ଗାନ୍ଧୀ ହେଲ୍‌ଥ ଆଣ୍ଡ୍‌ ଫିଟ୍‌ନେସ ବିଶେଷଜ୍ଞମାନେ ମାଂସପେଶୀ ଗଠନ ଲାଗି ସାମୁଦ୍ରିକ ଖାଦ୍ୟ (ସି’ଫୁଡ୍‌), ଅଧିକ ପ୍ରୋଟିନ ୱେଟଲସ ଇତ୍ୟାଦି ଉପରେ ଗୁରୁତ୍ୱ ଦେଇଥାନ୍ତି।...

ବିପଦରେ ସେଲ୍‌ଫି ଫଟୋମାନିଆ

ଦିଲ୍ଲୀପ କୁମାର ମହାରଣା ଏବେ ଏକ ନୂଆ ପ୍ରକାର ଦୁର୍ଘଟଣାର ସଂଖ୍ୟାରେ ଭାରତ ପୃଥିବୀରେ ଏକ ନମ୍ବର ସ୍ଥାନ ଅଧିକାର କରିଛି। ତାହା ହେଲା ସେଲ୍‌ଫି...

ସାମ୍ପ୍ରତିକ ପରିସ୍ଥିତିରେ ଗଣମାଧ୍ୟମ

ଆକାର ପଟେଲ ମୁଖ୍ୟଧାରାର ଗଣମାଧ୍ୟମ ସାଧାରଣତଃ ସୁପ୍ରତିଷ୍ଠିତ ସମ୍ବାଦସଂସ୍ଥା ମୁଖ୍ୟତଃ ଖବରକାଗଜକୁ ହିଁ ବୁଝାଇଥାଏ। କେତେକାଂଶରେ ଏହା ଟେଲିଭିଜନକୁ ବି ବୁଝାଏ। କିଛି ଓ୍ବେବ୍‌ସାଇଟ କିମ୍ବା...

ସମସ୍ତଙ୍କ ବିଶ୍ୱାସଭାଜନ

ସପ୍ତଦଶ ଲୋକ ସଭା ନିର୍ବାଚନରେ ଭାରତୀୟ ଜନତା ପାର୍ଟି (ଭାଜପା) ୩୦୩ ଆସନ ପାଇ ଏକାକୀ ସଂଖ୍ୟାଗରିଷ୍ଠତା ହାସଲ କରିବା ସହ ସହଯୋଗୀଙ୍କୁ ନେଇ ଏନ୍‌ଡିଏ...

ବାବୁ କରିବେ ଗୁରୁଗିରି

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଶିକ୍ଷାନବିସ ପ୍ରଶାସନିକ ସେବା ବାବୁମାନଙ୍କୁ ଏଣିକି ନିକଟରେ ଆରମ୍ଭ ହୋଇଥିବା ମୋଦି ସରକାରଙ୍କ ‘ନର୍ଚର ଦ ଫ୍ୟୁଚର’ ବା ‘ଭବିଷ୍ୟତକୁ...

ଏଇ ଭାରତରେ

ହାଇଦ୍ରାବାଦ୍‌ର ଜଣେ ଯୁବକ ଗୋଟିଏ ଦିନରେ ହଜାରେ ଲୋକଙ୍କୁ ଖାଦ୍ୟ ଖୁଆଇ ରେକର୍ଡ ସୃଷ୍ଟି କରିଛନ୍ତି। ‘ସର୍ଭ୍‌ ନିଡି’ ନାମକ ଏନ୍‌ଜିଓର ପ୍ରତିଷ୍ଠାତା ଗୌତମ କୁମାର...

ଏଇ ଭାରତରେ

ଜଣେ ଆଇଏଏସ୍‌ ଅଧିକାରୀ ନିଆରା ସେବା ମାଧ୍ୟମରେ ସମାଜରେ ଲକ୍ଷ ଲକ୍ଷ ଲୋକଙ୍କ ଜୀବନ ବଦଳାଇ ଦେଇ ଉଦାହରଣ ସୃଷ୍ଟି କରିଛନ୍ତିି। ଏହି ଅଧିକାରୀ ଜଣଙ୍କ...

ଆଜିର ଅର୍ଥନୀତି/ଟୋକନ୍‌ର ସ୍ଥାନୀୟକରଣ କର

ଧାନ ଉତ୍ପାଦନରେ ଓଡ଼ିଶା ଏକ ବଳକା ରାଜ୍ୟ ଭାବେ ଜଣାଶୁଣା। ଅର୍ଥାତ୍‌ ଏଠାରେ ଯେତିକି ଧାନ ଅମଳ ହୁଏ, ତାହା ରାଜ୍ୟବାସୀ ବର୍ଷକ ଖାଇବା ପରେ...

Play 250+ Trending Games
Archives

Model This Week

Why Dharitri