ନୁଆଦିଲ୍ଲୀ,୬।୧୦: କଂଗ୍ରେସ ନେତା ଦିଗ୍ବିଜୟ ସିଂ ଭାରତୀୟ ଜନତା ପାର୍ଟି(ଭାଜପା) ଓ ବଜରଙ୍ଗ ଦଳ ଉପରେ ଅଭିଯୋଗ ଆଣିଛନ୍ତି। ସେ କହିଛନ୍ତି ଏମାନେ ପାକିସ୍ତାନର ଆତଙ୍କବାଦୀ ସଙ୍ଗଠନ ଆଇଏସ୍ ପାଇଁ ଗୁଇନ୍ଦାଗିରି କରୁଛନ୍ତି। ଆଉ ଟଙ୍କା ନେଇ ସେମାନେ ଏମିତି କରୁଛନ୍ତି ବୋଲି ଦିଗ୍ବିଜୟ ଅଭିଯୋଗ ଆଣିଛନ୍ତି। ଏକ ଖବରଦାତା ସମ୍ମିଳନୀରେ ସେ କହିଛନ୍ତି, ଭାଜପା ଶାସନ ସମୟରେ ଉକ୍ତ ଦଳର ଏମିତି କେତେଜଣ ପଦାଧିକାରୀ ଅଛନ୍ତି ଯେଉଁମାନେ ଆଇଏସ୍ ପାଇଁ ଗୁଇନ୍ଦାଗିରି କରି ଧରା ପଡିଛନ୍ତି। ଆଉ ଭାଜପା ଶାସନରେ ସେମାନଙ୍କୁ ଜାମିନ ମଧ୍ୟ ମିଳିଯାଇଛି। ତେଣୁ ଏଭଳି ପଦାଧିକାରୀଙ୍କ ଜାମିନକୁ ଖାରଜ କରାଯାଇ ପୁଣି ସେମାନଙ୍କ ଉପରେ ଦେଶଦ୍ରୋହ ମାମାଲା ହେବ ଉଚିତ୍।
