ଅର୍ଥ ଯୋଗାଡରେ ବାହାରିଛନ୍ତି ସରକାର;ଲିଜ୍‌ ଦିଆଯିବ ଖାଲି ପଡିଥିବା ସରକାରୀ ଜମି, ଘର

ନୂଆଦିଲ୍ଲୀ,୧୦-୭: ନିବେଶ ବୃଦ୍ଧି ମାଧ୍ୟମରେ ଅର୍ଥନୀତିର ପ୍ରଗତିକୁ ଦ୍ରୁତତର କରିବା ଲାଗି କେନ୍ଦ୍ରରେ ମୋଦି ସରକାର ୨.୦ ଏବେ କାର୍ଯ୍ୟରେ ଲାଗିପଡିଛନ୍ତି। ନିବେଶ ଲାଗି ଅର୍ଥ ଆବଶ୍ୟକ ଥିବାରୁ ସରକାର ବିଭିନ୍ନ ଉପାୟରେ ଏହା ଯୋଗାଡ କରିବାକୁ ଉଦ୍ୟମ କରୁଛନ୍ତି। ଏହିକ୍ରମରେ ସରକାରୀ ସମ୍ପତ୍ତିକୁ ଲିଜ୍‌ରେ ଦେବାକୁ ସରକାର ବିଚାର କରୁଛନ୍ତି। ଏଥିପାଇଁ ବ୍ୟାପକ ସ୍ତରରେ ସର୍ଭେ କାର୍ଯ୍ୟ ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି। ଯେଉଁ ସରକାରୀ ଆବାସ, ଜମି, ଭବନ ଆଦି ଦୀର୍ଘଦିନ ହେବ ଅବ୍ୟବହୃତ ଅବସ୍ଥାରେ ପଡିରହିଛି ସେଗୁଡ଼ିକୁ ଲିଜ୍‌ରେ ଦେଇ ସରକାର ଅର୍ଥ ଆଦାୟ କରିବାକୁ ଯୋଜନା ପ୍ରସ୍ତୁତ କରିଛନ୍ତି।
କେନ୍ଦ୍ର କ୍ୟାବିନେଟ ସଚିବାଳୟ ପକ୍ଷରୁ ସମସ୍ତ ମନ୍ତ୍ରଣାଳୟ, ବିଭାଗ, ରାଷ୍ଟ୍ରାୟତ୍ତ ଉଦ୍ୟୋଗ, ପ୍ରତିଷ୍ଠାନ, ପିଏସ୍‌ୟୁ, ସ୍ବାୟତ୍ତଶାସନ ସଂସ୍ଥାକୁ ପତ୍ର ଲେଖାଯାଇ ସେମାନଙ୍କ ନିକଟରେ ଖାଲି ପଡିଥିବା ଅଥବା ଅବ୍ୟବହୃତ ଅବସ୍ଥାରେ ଥିବା ଆବାସ, ଭବନ, ଜମିର ସର୍ଭେ କରିବାକୁ ନିର୍ଦ୍ଦେଶ ଦିଆଯାଇଛି। ସରକାରଙ୍କ ନିକଟରେ କେତେ ପରିମାଣର ଅବ୍ୟବହୃତ ସମ୍ପତ୍ତି ପଡିରହିଛି ତାହା ଜାଣିବା ସରକାରଙ୍କ ଉଦ୍ଦେଶ୍ୟ।
କେନ୍ଦ୍ର ପକ୍ଷରୁ ପଠାଯାଇଛି ୨ଟି ପ୍ରୋଫର୍ମା
କ୍ୟାବିନେଟ ସଚିବାଳୟ ପକ୍ଷରୁ ଜୁନ ୧୨ରେ ପତ୍ର ଲେଖାଯାଇଛି। ସମ୍ପତ୍ତିଗୁଡ଼ିକର ସ୍ବତନ୍ତ୍ର ତଥ୍ୟ ପ୍ରଦାନ କରିବା ଲାଗି ସଚିବାଳୟ ପକ୍ଷରୁ ମନ୍ତ୍ରଣାଳୟ, ବିଭାଗଗୁଡ଼ିକୁ ଦୁଇଟି ଭିନ୍ନ ପ୍ରୋଫର୍ମା ପଠାଯାଇଛି। ଏଥିରେ ବିଭାଗଗୁଡ଼ିକ ସେମାନଙ୍କ ନିକଟରେ ଥିବା ଘରର ଲୋକେଶନ, ଘର ଆବାସୀୟ ଅଥବା କାର୍ଯ୍ୟାଳୟ ଭାବେ ବ୍ୟବହାର କରାଯାଉଥିବା, ମିକ୍ସଡ ଲ୍ୟାଣ୍ଡ ୟୁଜ୍‌, ସ୍ବାୟର ମିଟରରେ ବିଲ୍ଟଅପ୍‌ ଏରିଆ, ଫ୍ଲୋର୍‌ ଏରିଆ, ଆବାସ ସମ୍ପୂର୍ଣ୍ଣ ବ୍ୟବହାର କରାଯାଉଛି କି ନା, ବଳକା ଅଂଶବିଶେଷ ଓ ଜମି ସମ୍ପର୍କରେ ତଥ୍ୟ ଦେବାକୁ କୁହାଯାଇଛି।
ତିନୋଟି ମଡେଲ ଉପରେ ବିଚାର
ପ୍ରାପ୍ତ ସୂତ୍ରରୁ ଜଣାପଡିଛି ଯେ, ସରକାରୀ ସମ୍ପତ୍ତିକୁ ଠିକ୍‌ ଭାବେ ବ୍ୟବହାର କରାଯିବା ଉପରେ ସରକାର ଅଧିକ ଗୁରୁତ୍ୱ ଦେଉଛନ୍ତି। ଖାଲି ପଡିଥିବା ଜମି, ଆବାସରୁ ରାଜସ୍ବ ଆଦାୟ କରିବା କେନ୍ଦ୍ରର ଉଦ୍ଦେଶ୍ୟ। ଅବ୍ୟବହୃତ ଜମି, ଆବାସ, କୋଠାର ବ୍ୟବହାର ଦ୍ୱାରା କିଭଳି ରାଜସ୍ବ ଆଦାୟ ହେବ ସେ ନେଇ ସରକାର ୩ଟି ମଡେଲ ଉପରେ ବିଚାର କରୁଛନ୍ତି।
ଆଫୋର୍ଡେବଲ ହାଉସିଂ କମ୍ପ୍ଲେକ୍ସ ନିର୍ମାଣ
ପ୍ରଥମ ମଡେଲରେ ଖାଲି ପଡିଥିବା ସରକାରୀ ଜମିକୁ ସରକାର ଘରୋଇ ଡେଭଲପରଙ୍କୁ ଲିଜ୍‌ରେ ଦେଇ ଆଫୋର୍ଡେବଲ ହାଉସିଂ କମ୍ପ୍ଲେକ୍ସ ନିର୍ମାଣ ଲାଗି ଯୋଜନା କରୁଛନ୍ତି। ଦ୍ୱିତୀୟ ମଡେଲ ଅନୁଯାୟୀ ଅବଶିଷ୍ଟ ଜମିକୁ ବାଣିଜି୍ୟକ ଉଦ୍ଦେଶ୍ୟରେ ବ୍ୟବହାର କରାଯିବ। ଏହାକୁ ଡେଭଲପ୍‌ କରି ଲୋକେଶନ ଭିତ୍ତିରେ ସପିଂ ମଲ୍‌ ଆଦି ନିର୍ମାଣ କରାଯିବ। ଏଗୁଡ଼ିକ ପବ୍ଲିକ୍‌ ଇନ୍‌ଫ୍ରାଷ୍ଟ୍ରକ୍‌ଚର ରୂପରେ ଡେଭଲପ୍‌ କରିବା ତୃତୀୟ ମଡେଲର ଅଂଶବିଶେଷ ବୋଲି କୁହାଯାଉଛି।
ବଜେଟରେ ହୋଇଛି ଉଲ୍ଲେଖ
କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ନିଜର ପ୍ରଥମ ବଜେଟ ଭାଷଣରେ ସରକାରୀ ଜମି ଆଦିର ବ୍ୟବହାର ସମ୍ପର୍କରେ ଉଲ୍ଲେଖ କରିଥିଲେ। ସାରା ଦେଶରେ ଥିବା କେନ୍ଦ୍ର ମନ୍ତ୍ରଣାଳୟ, ବିଭାଗ ଓ ସରକାରୀ କମ୍ପାନୀ ଜମିରେ ବଡ଼ ବଡ଼ ପବ୍ଲିକ୍‌ ଇନ୍‌ଫ୍ରାଷ୍ଟ୍ରକ୍‌ଚର ନିର୍ମାଣ ହେବ ବୋଲି ସେ କହିଥିଲେ। ଜଏଣ୍ଟ ଡେଭଲପ୍‌ମେଣ୍ଟ ଏବଂ କନ୍‌ସେଶନ ଭଳି ଇନୋଭେଟିଭ ଇନ୍‌ଷ୍ଟ୍ରୁମେଣ୍ଟସ ଜରିଆରେ ପବ୍ଲିକ୍‌ ଇନ୍‌ଫ୍ରାଷ୍ଟ୍ରକ୍‌ଚର ଓ ଆଫୋର୍ଡେବଲ ହାଉସିଂ ନିର୍ମାଣ କରାଯିବ ବୋଲି ସେ ଘୋଷଣା କରିଥିଲେ।


Enter your email to get our daily news in your inbox.

All Right Reserved By Dharitri.Com

ଘରବାରଣ୍ଡାରେ ସିନ୍ଦୂରଲଗା ମଣିଷ ଖପୁରି

ନୟାଗଡ଼/ଭାପୁର, ୧୮।୧୧(ଲୋକନାଥ ମିଶ୍ର/ପ୍ରଭାତ ବରାଡ): ବାରିପଟ ଘର ବାରଣ୍ଡାରେ ପଡିଥିଲା ସିନ୍ଦୂର ଲାଗିଥିବା ମଣିଷ ଖପୁରି। ପ୍ରାୟ ୨ମାସ ହେଲା ବିଷ୍ଠା ଓ ଆବର୍ଜନା ବାରଣ୍ଡାରେ ପଡୁଥିବାବେଳେ…

ସୁନାର ରାସ୍ତାରେ ଚାଲିବେ ଲୋକେ, ଖୁବ୍‌ଶୀଘ୍ର ୨୪ କ୍ୟାରେଟ୍‌ ସୁନାରେ ହେବ ତିଆରି, ଜାଣନ୍ତୁ ପୂରା ପ୍ଲାନିଂ…

ଦୁବାଇ,୧୮ା୧୧: ଏଣିକି ଲୋକେ ଆଉ ପିଚୁ ରାସ୍ତାରେ ଚାଲିବେନି। ଏଥର ନିର୍ମାଣ ହେବ ସୁନାର ରାସ୍ତା। ଏପରି ରାସ୍ତା ଦେଖିବାକୁ ମିଳିବ କେବଳ ଦୁବାଇରେ। ଦୁବାଇ କେବେବି…

ମିଳିଲା ମ୍ୟୁନିସିପାଲିଟି ମାନ୍ୟତା, ମିଳୁନି ମୌଳିକ ସୁବିଧା: ଅନଶନ ପରେ ଉଠିଲା ଅଳିଆ ଆବର୍ଜନା

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଏନଏସିକୁ ମ୍ୟୁନିସିପାଲିଟି ମାନ୍ୟତା ମିଳିବାର ପ୍ରାୟ ୧୧ ମାସ ବିତିବାକୁ ବସିଥିଲେ ମଧ୍ୟ ନୂତନ ଭାବେ ସାମିଲ…

ସକାଳୁ ସକାଳୁ ସୁନା-ରୁପା ଦରରେ ବଡ଼ ହ୍ରାସ, କିଲୋ ପିଛା ୯,୫୦୦ ଟଙ୍କା ଖସିଲା, ଜାଣନ୍ତୁ ଆଜିର ରେଟ୍‌

ନୂଆଦିଲ୍ଲୀ, ୧୮।୧୧: ଗତ କିଛି ଦିନ ହେବ ସୁନା ଓ ରୁପା ଦରରେ କ୍ରମାଗତ ଭାବେ ଉତ୍ଥାନ-ପତନ ଦେଖିବାକୁ ମିଳୁଛି। ବୁଧବାର ସୁନା ଲଗାତାର ଷଷ୍ଠ ବାଣିଜ୍ୟିକ…

ମଇଦାନରେ ଏମିତି ହେବା ପଡ଼ିଲା ଭାରି, ଗୁରନୂରଙ୍କ ଉପରେ ICCର କାର୍ଯ୍ୟାନୁଷ୍ଠାନ, ମିଳିଲା ଏହି ଦଣ୍ଡ

ନୂଆଦିଲ୍ଲୀ, ୧୮।୧୧: ନ୍ୟୁଜିଲାଣ୍ଡ ବିପକ୍ଷରେ ମାଉଣ୍ଟ ମାଉଙ୍ଗାନୁଇରେ ଖେଳାଯାଇଥିବା ଚତୁର୍ଥ ଦିନିକିଆ ମ୍ୟାଚ ସମୟରେ ଭାରତୀୟ ଦ୍ରୁତ ବୋଲର ଗୁରନୂର ବରାଡ ଅନ୍ତର୍ଜାତୀୟ କ୍ରିକେଟ ପରିଷଦ (ICC)ର…

ଭୀଷଣ ବାତ୍ୟାର ରୂପ ନେଲା ‘ଅକ୍ୱାନ’: ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୧୮।୧୧: ଭୀଷଣ ବାତ୍ୟାର ରୂପ ନେଲା ସାମୁଦ୍ରିକ ଝଡ଼ ‘ଅକ୍ୱାନ’। ବୁଧବାର ସକାଳ ୫ଟା ୩୦ ମିନିଟ୍‌ର ପର୍ଯ୍ୟବେକ୍ଷଣ ଅନୁଯାୟୀ, ଏହା ଭୀଷଣ ବାତ୍ୟାରେ ପରିଣତ ହୋଇଛି।…

ସୋନିଆଙ୍କ ବହି ଲଞ୍ଚିଂ ପରେ ଯାଆ ମେନକାଙ୍କ ଭିଡିଓ ଭାଇରାଲ, କହିଲେ ସେ ମୋର ବନ୍ଧୁ ନୁହନ୍ତି…

ନୂଆଦିଲ୍ଲୀ,୧୮।୧୧: କଂଗ୍ରେସ ନେତା ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଗ: ଏ ଜର୍ନି ଅଫ ଲଭ’ ଲଞ୍ଚ ହୋଇସାରିଛି। ଏହି ପୁସ୍ତକରେ ସୋନିଆ ଗାନ୍ଧୀ ନିଜର ଗାନ୍ଧୀ ପରିବାରଠାରୁ…

ଗୁଜରାଟ ଛାଡ଼ିଲେ ବିଲ୍‌କିସ ବାନୋ

ଭଦୋଦରା,୧୮ା୧୧: ୨୦୦୨ ଗୁଜରାଟ ଦଙ୍ଗା ସମୟରେ ବିଲ୍‌କିସ ବାନୋଙ୍କୁ ବଳାତ୍କାର ଓ ତାଙ୍କ ପରିବାର ସଦସ୍ୟଙ୍କୁ ହତ୍ୟା ମାମଲାରେ ୨ ଦୋଷୀଙ୍କୁ ଜାମିନ ମିଳିବା ପରେ ଏଥିରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?