ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପିତ;ଜିଡିପି ୭% ରହିବା ସମ୍ଭାବନା

ନୂଆଦିଲ୍ଲୀ,୫-୭: ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଶୁକ୍ରବାର ବଜେଟ ଉପସ୍ଥାପନ କରିବେ। ଏହାର ଦିନକ ପୂର୍ବରୁ ପରମ୍ପରା ଅନୁଯାୟୀ ଗୁରୁବାର ସେ ସଂସଦରେ ୨୦୧୮-୧୯ ଆର୍ଥିକ ବର୍ଷର ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ କରିଛନ୍ତି। ମୁଖ୍ୟ ଅର୍ଥନୈତିକ ଉପଦେଷ୍ଟା କେ.ଭି. ସୁବ୍ରମଣ୍ୟନଙ୍କ ଦ୍ୱାରା ପ୍ରସ୍ତୁତ ଅର୍ଥନୈତିକ ସର୍ଭେ ରିପୋର୍ଟରେ କୁହାଯାଇଛି ଯେ, ନିବେଶ ବୃଦ୍ଧି କାରଣରୁ ଚଳିତ ଆର୍ଥିକ ବର୍ଷରେ ଦେଶର ଜିଡିପି ଅଭିବୃଦ୍ଧି ହାର ୭% ରହିବା ବୋଲି ଆଶାକରାଯାଉଛି।
ସର୍ଭେ ଅନୁଯାୟୀ, ଦେଶର ମୂଳ ଅର୍ଥନୈତିକ ଦୃଶ୍ୟପଟ ସ୍ଥିର ରହିଛି। ଏହି କାରଣରୁ ନିବେଶ ବୃଦ୍ଧି ହେଲେ ଚଳିତ ଆର୍ଥିକ ବର୍ଷରେ ଅର୍ଥନୀତି ଦୌଡିବ। ଏଥିସହିତ ଦେଶର ବିତ୍ତୀୟ ନିଅଣ୍ଟ ପରିମାଣ ଜିଡିପିର ୩.୪%ରେ ରହିବ ବୋଲି ଆଶା ରହିଛି। ୨୦୧୮-୧୯ରେ ଜିଡିପି ହାର ୬.୮% ରହିଥିଲା ବେଳେ ୨୦୧୭-୧୮ରେ ଏହା ୭.୨% ଥିଲା ବୋଲି ରିପୋର୍ଟରେ ଦର୍ଶାଯାଇଛି। ବିଗତ ୫ ବର୍ଷରେ ବିକାଶ ହାର ହାରାହାରି ୭.୫% ରହିଛି, ଯାହା କି ଅନ୍ତରୀଣ ବଜେଟରେ ମଧ୍ୟ ସମାନ ଅନୁମାନ କରାଯାଇଥିଲା। ଏହାର ଅର୍ଥ ଗତ ଆର୍ଥିକ ବର୍ଷ ତୁଳନାରେ ଦେଶର ବିକାଶ ହାର ସାମାନ୍ୟ ହ୍ରାସ ପାଇଛି ବୋଲି ସ୍ବୀକାର କରାଯାଇଛି। କୃଷି ଓ ଏ ସମ୍ପର୍କିତ କ୍ଷେତ୍ର, ବାଣିଜ୍ୟ, ହୋଟେଲ, ପରିବହନ, ଭଣ୍ଡାର, ଟେଲିକମ୍‌ ଆଦି କ୍ଷେତ୍ରରେ ଅଭିବୃଦ୍ଧି ଧିମା ହେବା କାରଣରୁ ବିକାଶ ହାର ହ୍ରାସ ପାଇଛି ବୋଲି ଦର୍ଶାଯାଇଛି। ସର୍ଭେରେ କୁହାଯାଇଛି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୨୫ ସୁଦ୍ଧା ଭାରତକୁ ୫ ଲକ୍ଷ କୋଟି ଡଲାର ଅର୍ଥନୀତି ଭାବେ ଗଢ଼ିତୋଳିବା ଲାଗି ଯେଉଁ ସ୍ବପ୍ନ ଦେଖିଛନ୍ତି, ସେଥିପାଇଁ ଘରୋଇ ନିବେଶ ଅତ୍ୟନ୍ତ ଜରୁରୀ। ବିକାଶ, ନିଯୁକ୍ତି, ରପ୍ତାନି ଓ ଚାହିଦା ବୃଦ୍ଧି ଲାଗି ଘରୋଇ ପୁଞ୍ଜିନିବେଶ ମୁଖ୍ୟ ଚାବି ହେବ। ଆର୍ଥିକ ବର୍ଷ ୨୦୨୦ରେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ହ୍ରାସ ପାଇବ ବୋଲି କୁହାଯାଇଛି। ଏଥିଯୋଗୁ ଅର୍ଥନୀତି ଅଭିବୃଦ୍ଧିକୁ ସହାୟତା ମିଳିବ। ଆର୍ଥିକ ବର୍ଷ ୨୦୧୯ରେ ଦେଶର ଖାଦ୍ୟଶସ୍ୟ ଉତ୍ପାଦନ ୨୮୩.୪ ମିଲିୟନ ଟନ ରହିବ ବୋଲି ଅନୁମାନ କରାଯାଇଥିଲା ବେଳେ ଆମଦାନୀ ୧୫.୪% ଓ ରପ୍ତାନି ୧୨.୫% ରହିବ ବୋଲି ଆଶା ରହିଛି। ରିପୋର୍ଟରେ କୁହାଯାଇଛି ଯେ, ୨୦୧୮ ମଧ୍ୟଭାଗରୁ ଗ୍ରାମାଞ୍ଚଳରେ ମଜୁରୀ ବଢ଼ିବା ଆରମ୍ଭ ହୋଇଥିବା ବେଳେ ଧିମା ଅଭିବୃଦ୍ଧି, ଜିଏସ୍‌ଟି ଏବଂ କୃଷି ଯୋଜନା ବିତ୍ତୀୟ ନିଅଣ୍ଟ କ୍ଷେତ୍ରରେ ଚାଲେଞ୍ଜ ହୋଇପାରେ। ୨୦୧୮-୧୯ରେ ମୁଦ୍ରାସ୍ଫୀତି ହାର ୩.୪%ରେ ସୀମିତ ରହିଥିଲା ବେଳେ ୨୦୧୭-୧୮ ପରେ ନିବେଶ ବୃଦ୍ଧିରେ ସୁଧାର ହେଉଥିବା ସ୍ବୀକାର କରାଯାଇଛି। ସ୍ଥିର ନିବେଶ ବୃଦ୍ଧି ହାର ୨୦୧୬-୧୭ରେ ୮.୩%ରୁ ବୃଦ୍ଧି ପାଇବା ପରେ ପରବର୍ତ୍ତୀ ବର୍ଷରେ ଏହା ୯.୩% ଏବଂ ତହିଁ ପରବର୍ତ୍ତୀ ବର୍ଷ ଅର୍ଥାତ୍‌ ୨୦୧୮-୧୯ରେ ଏହା ୧୦.୦ ପ୍ରତିଶତ ହୋଇଛି। ଚଳନ୍ତି ଜମା ନିଅଣ୍ଟ ପରିମାଣକୁ ଜିଡିପିର ୨.୧ ପ୍ରତିଶତରେ ସୀମିତ ରଖାଯିବାକୁ ପରାମର୍ଶ ଦିଆଯାଇଛି। ଏଥିରେ କୁହାଯାଇଛି ଯେ, ଏନ୍‌ବିଏଫ୍‌ସି ସେକ୍ଟରରେ ଚାପ ଯୋଗୁ ବିକାଶ ପ୍ରଭାବିତ ହେବ। ତେବେ ଆର୍ଥିକ ବର୍ଷ ୨୦୨୦ରେ ଅର୍ଥନୀତି ଲାଗି ଅନେକ ବିତ୍ତୀୟ ଆହ୍ବାନ ରହିଛି। ଆର୍ଥିକ ବର୍ଷ ୨୦୨୧ରେ ବିତ୍ତୀୟ ନିଅଣ୍ଟ ୩% ରହିବା ଅନୁମାନ କରାଯାଇଥିତ୍ବା ବେଳେ ଆର୍ଥିକ ବର୍ଷ ୨୦୧୯-୨୦ରେ ଅଭିବୃଦ୍ଧି ଧିମା ହେଲେ ରାଜସ୍ବ ଆୟ ପ୍ରଭାବିତ ହେବ ବୋଲି ସର୍ଭେ ରିପୋର୍ଟରେ ଚେତାବନୀ ଦିଆଯାଇଛି। ରିପୋର୍ଟରେ କୁହାଯାଇଛି ଯେ, ୨୦୧୮-୧୯ରେ ରବି ଫସଲ ଲାଗି ମୋଟ ଚାଷ ଅଞ୍ଚଳ ହ୍ରାସ ପାଇଥିଲା। ଫଳରେ କୃଷି ଉତ୍ପାଦନ ପ୍ରଭାବିତ ହୋଇଥିଲା। ଖାଦ୍ୟଶସ୍ୟ ମୂଲ୍ୟ କମିବା କାରଣରୁ ଚାଷୀ କମ୍‌ ଜମିରେ ଚାଷ କଲେ।


Enter your email to get our daily news in your inbox.

All Right Reserved By Dharitri.Com

ସର୍ଭରରେ ତ୍ରୁଟି ପାଇଁ ଦ୍ୱିତୀୟ ଦିନ ଏୟାର ଇଣ୍ଡିଆର ୧୩୭ ବିମାନ ଉଡାଣ ପ୍ରଭାବିତ

ନୂଆଦିଲ୍ଲୀ,୨୯-୪: ଏୟାର ଇଣ୍ଡିଆ ଯାତ୍ରୀଙ୍କ ଅସୁବିଧା ଦୂର ହେଉନାହିଁ। ଶନିବାର ସର୍ଭର ସଫ୍ଟଓ୍ବେରରେ ଦେଖାଦେଇଥିବା ତ୍ରୁଟିର ପ୍ରଭାବ ଯୋଗୁ ୧୪୯ ବିମାନ ଯାତ୍ରା ପ୍ରଭାବିତ ହୋଇଥିବା...

ଆଜି ପୁଣି ବଢ଼ିଲା ପେଟ୍ରୋଲ-ଡିଜେଲ ଦର; ୧୩ ଦିନରେ ୮ ଟଙ୍କା ମହଙ୍ଗା

ନୂଆଦିଲ୍ଲୀ,୩।୪: ଜାତୀୟ ବଜାରରେ ପେଟ୍ରୋଲ ଏବଂ ଡିଜେଲ ଦର କ୍ରମାଗତ ଭାବେ ବୃଦ୍ଧି ପାଉଛି। ୨୨ ମାର୍ଚ୍ଚରୁ ଏଯାବତ ଅର୍ଥାତ ୧୩ ଦିନ ମଧ୍ୟରେ ପେଟ୍ରୋଲ...

ଏପ୍ରିଲ ୧ରୁ ଏୟାର ବ୍ୟାଗ୍‌ ବାଧ୍ୟତାମୂଳକ

ନୂଆଦିଲ୍ଲୀ,୭ା।୩: ଭାରତ ସରକାରଙ୍କ ସଡ଼କ ଓ ପରିବହନ ମନ୍ତ୍ରଣାଳୟ ପକ୍ଷରୁ ଏପ୍ରିଲ ୧ ପରଠାରୁ ତିଆରି ହେଉଥିବା ସମସ୍ତ କାର୍‌ରେ ଏୟାର ବ୍ୟାଗ୍‌କୁ ବାଧ୍ୟତାମୂଳକ କରାଯାଇଛି। କେନ୍ଦ୍ର...

ପୋଷ୍ଟ ଅଫିସ୍‌ରେ ହେବ ଆୟକର ରିଟର୍ନ

ଭୁବନେଶ୍ୱର,୧୮।୭: ଦେଶର ସମସ୍ତ କରଦାତାଙ୍କ ପାଇଁ ରିଟର୍ନ ଦାଖଲ କରିବା ପ୍ରକ୍ରିୟାକୁ ଆହୁରି ସରଳ କରିଛି ଆୟକର ବିଭାଗ। ବର୍ତ୍ତମାନ କରଦାତା ନିକଟରେ ଥିବା ଡାକଘରେ ସେମାନଙ୍କର...

ରାଜୀବ ମେହେଟା ମାଇଣ୍ଡଟ୍ରି ସିଇଓ

ନୂଆଦିଲ୍ଲୀ,୧।୮: ପୂର୍ବତନ କଗ୍‌ନିଜାଣ୍ଟ ପ୍ରେସିଡେଣ୍ଟ ରାଜୀବ ମେହେଟା ମାଇଣ୍ଡଟ୍ରିର ସିଇଓ ଭାବେ ମନୋନୀତ ହୋଇଛନ୍ତି। କମ୍ପାନୀର ସହ ପ୍ରତିଷ୍ଠାତା ତଥା ସିଇଓ ରୋଷ୍ଟୋ ରାବଣନ୍‌ଙ୍କ ଇସ୍ତଫା...

ଗରିବଙ୍କ ପାଇଁ ୮୦ ଲକ୍ଷ ନୂଆ ଘର,ଚଳିତ ବର୍ଷରୁ ଚିପ୍‌ ପାସପୋର୍ଟ, ୧୦୦ ଗତି ଶକ୍ତି କାର୍ଗୋ…

ନୂଆଦିଲ୍ଲୀ, ୧।୨ : ବଜେଟ୍‌ ଉପସ୍ଥାପନ କରି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ, ୨୦୨୨-୨୩ ବର୍ଷରେ ଗରିବଙ୍କ ପାଇଁ ୮୦ଲକ୍ଷ ନୂଆ ଘର ନିର୍ମାଣ...

୧୦% ମହଙ୍ଗା ହୋଇପାରେ ଟିଭି

ନୂଆଦିଲ୍ଲୀ,୨୨-୨: ଆସନ୍ତା ମାସରେ ଟିଭି ୧୦% ମହଙ୍ଗା ହୋଇପାରେ। ଭାରତକୁ ଅଧିକାଂଶ ଓପନ ସେଲ୍‌ ଟିଭି ପ୍ୟାନେଲ ଚାଇନାରୁ ସପ୍ଲାଇ ହୋଇଥାଏ। ଚାଇନାରେ କରୋନା ଭାଇରସ...

୨୫ ମାସର ସର୍ବନିମ୍ନ ସ୍ତରରେ ପାଇକାରୀ ମୁଦ୍ରସ୍ଫୀତି

ନୂଆଦିଲ୍ଲୀ,୧୪-୮: ଖୁଚୁରା ମୁଦ୍ରାସ୍ଫୀତି ପରେ ପାଇକାରୀ ମୁଦ୍ରାସ୍ଫୀତି କ୍ଷେତ୍ରରେ ମୋଦି ସରକାର ଆଶ୍ୱସ୍ତ ହୋଇଛନ୍ତି। ସରକାରଙ୍କ ପକ୍ଷରୁ ଜାରି ତଥ୍ୟ ଅନୁଯାୟୀ, ଜୁଲାଇରେ ପାଇକାରୀ ମୁଦ୍ରାସ୍ଫୀତି...

Advertisement
Archives

Model This Week