ଅଭାବୀ ବିକ୍ରି ହୋଇପାରେ ୨୦ ହଜାର କୁଇଣ୍ଟାଲ ଧାନ

କୁନ୍ଦୁରା,୧୩।୨(ଡି.ଏନ୍‌.ଏ.) କୋରାପୁଟ ଜିଲାରେ ଚଳିତବର୍ଷ ଖରିଫ ଋତୁରେ ଅମଳ ଧାନ ବିକ୍ରି କରିବା କିମ୍ବା ଚାଷୀ ପଞ୍ଜୀକୃତ ହେବାରେ ପ୍ରଶାସନ ଯେଉଁ ଦାୟିତ୍ୱହୀନତା ଦେଖାଇଛି, ସେଥିରେ ପ୍ରଭାବିତ ହୋଇଛନ୍ତି ଶତାଧିକ ଚାଷୀ। ସେମାନେ ଧାନ ବିକି ନ ପାରି ଏବେ ଅଭାବୀ ବିକ୍ରିର ସମ୍ମୁଖୀନ ହେବା ଆଶଙ୍କା ସୃଷ୍ଟି ହୋଇଛି। ଏଯାବତ୍‌ ସେମାନଙ୍କ ନିକଟରେ ୨୦ ହଜାର କୁଇଣ୍ଟାଲ ଧାନ ପଡ଼ି ରହିଛି।
ଗତ ଦିନରେ ଖାଦ୍ୟ ଯୋଗାଣ ବିଭାଗ ଖରିଫ ମଣ୍ଡିରେ ପଞ୍ଜକରଣ ଓ ଧାନ ବିକ୍ରି ପାଇଁ ଯେଉଁ ସମୟ ନିର୍ଦ୍ଧାରଣ କରିଥିଲା, ସେହି ସମୟସୀମା କମ୍‌ ଓ ପ୍ରଶାସନରେ ଅବହେଳା ଯୋଗୁ ଚାଷୀ ପଞ୍ଜୀକୃତ ହୋଇ ନ ପାରି ବିକିବାରେ ବାଧା ସୃଷ୍ଟି ହୋଇଛି।  ଚଳିତ ଖରିଫ ଋତୁର ଧାନକୁ ରାଣୀଗୁଡ଼ା ମଣ୍ଡିର ପ୍ରାୟ ୩୦ ଜଣ ଚାଷୀ ବିକ୍ରି କରିବାର ୩ ମାସ ପରେ ମଧ୍ୟ ପ୍ରାପ୍ୟ ପାଇ ନାହାନ୍ତି। ଗତ ବର୍ଷରେ ଯେତିକି ଦିନ ଯାଏ ଧାନ ବିକ୍ରି ସମୟ ସୀମା ରହିଥିଲା, ସେତିକି ଦିନ ଯାଏ ଯେଉଁ ଚାଷୀଙ୍କ ଅବହେଳିତ ଅବସ୍ଥାରେ ପଞ୍ଜୀକୃତ ହୋଇପାରୁ ନ ଥିଲା, ତାର ପଞ୍ଜୀକୃତ ହୋଇ ଧାନ ବିକ୍ରି କରାଯାଉଥଲା ା କିନ୍ତୁ ଚଳିତ ବର୍ଷ ରାଜ୍ୟ ସରକାରଙ୍କ ନିର୍ଦ୍ଦେଶନାମା ଅନୁସାରେ ହଠାତ୍‌ ଅକ୍ଟୋବର ୩୧ରେ ପଞ୍ଜୀକୃତ ସୀମା ଶେଷ ହେଉଥିବା ବେଳେ ଚାଷୀ ସଚେତନ ହୋଇପାରି ନ ଥିଲେ। ଫଳରେ ଜୟପୁର ଉପଖଣ୍ଡର ପ୍ରାୟ ୩୨୮ ଜଣ ଚାଷୀ ପଞ୍ଜୀକୃତ ହେବାରୁ ବଞ୍ଚତ୍ତ ହୋଇଥିବା ବେଳେ କୁନ୍ଦୁରା ବ୍ଲକରେ ୧୫୫ ଜଣ ସେହିପରି ରହିଥିଲେ। ସମସ୍ତ ଚାଷୀଙ୍କ ପ୍ରାୟ ୨୦ ହଜାର କୁଇଣ୍ଟାଲ ଧାନ ବିକ୍ରି ହୋଇପାରି ନାହିଁ। ଚାଷୀ ସେହି ଧାନକୁ ଦଲାଲଙ୍କୁ ୧୦୦୦ରୁ ୧୨୦୦ ଟଙ୍କାରେ ବିକିବା ପାଇଁ ବାଧ୍ୟହେବେ। ବର୍ତ୍ତମାନ ପରିସ୍ଥିତିରେ ଚାଷୀକୁଳ ମଣ୍ଡିସ୍ଥଳ ରାସ୍ତାରେ ଗଦେଇ ରଖିବା ଯୋଗୁ ଅଦିନିଆ ବର୍ଷାରେ ତାହା କିଛି ମାତ୍ରାରେ ଭିଜିଯାଇଛି। ଗତ ଦିନରେ ପ୍ରଶାସନକୁ ଖାଦ୍ୟ ଯୋଗାଣ ବିଭାଗ ଭାଗଚାଷୀଙ୍କ ତଦନ୍ତ ପାଇଁ ନିର୍ଦ୍ଦେଶ ଦେଇଥିବା ବେଳେ ତାହା ଧିମେଇ ଯାଇଛି। ପ୍ରଶାସନର ଅବହେଳାକୁ ନେଇ ପଞ୍ଜୀକୃତ ହୋଇ ନ ଥିବା ଚାଷୀକୁଳ ଓ ମାନବାଧିକାର କମିଟି ଲ୍ୟାମ୍ପସ୍‌ ଘେରାଉ କରିବା ସହ ପରିଚାଳନା ନିର୍ଦ୍ଦେଶକଙ୍କୁ ମଧ୍ୟ ଏ ନେଇ ସବିଶେଷ ବିବରଣୀ ମାଗିଥିଲେ। ବର୍ତ୍ତମାନ ଚାଷୀଙ୍କ ନିକଟରେ ରହିଥିବା ଧାନକୁ ଅଭାବୀ ବିକ୍ରି କରିବେ ନା କ୍ରୟକାରୀ ସଂସ୍ଥା ନିକଟରେ ବିକିବେ, ସେନେଇ ପରିସ୍ଥିତି ଜଟିଳ ହୋଇଛି।


Enter your email to get our daily news in your inbox.

All Right Reserved By Dharitri.Com

ମାଟ୍ରିକ ପରୀକ୍ଷା ଫଳ: ସରକାରୀ ଅପେକ୍ଷା ବେସରକାରୀ ବିଦ୍ୟାଳୟ ଛାତ୍ରୀଛାତ୍ର ଆଗରେ

ପାଟଣା,୨୨।୫(ସ୍ବ.ପ୍ର.): ମଙ୍ଗଳବାର ପ୍ରକାଶ ପାଇଥିଲା ମାଟ୍ରିକ ପରୀକ୍ଷା ଫଳ। କେନ୍ଦୁଝର ଜିଲା ପାଟଣା ବ୍ଲକ ସରକାରୀ ବିଦ୍ୟାଳୟର ପରୀକ୍ଷା ଫଳ ଖରାପ ରହିଥିବା ବେଳେ ବେସରକାରୀ...

ବର୍ଷା ଆରମ୍ଭରୁ ଧସିଲା ଗାର୍ଡ୍‌ଓ୍ବାଲ୍‌ : ନିର୍ମାଣ ନ ସରୁଣୁ ସ୍ଥିତି ବେହାଲ

ଭଦ୍ରକ ଅଫିସ, ୧୭ା୬- ନିର୍ମାଣ କାର୍ଯ୍ୟ ନ ସରୁଣୁ ସ୍ଥିତି ବେହାଲ ହୋଇପଡ଼ିଛି। ବର୍ଷା ଆରମ୍ଭରୁ ଗାର୍ଡଓ୍ବାଲ୍‌ (ସୁରକ୍ଷା ପ୍ରାଚରୀ) ଧସି ଯାଇଛି। ଏଭଳି ଘଟଣା...

ଭାଉଜଙ୍କୁ ଅସଦାଚରଣ, ଆକ୍ରମଣ ମାମଲା: ଅଭିଯୁକ୍ତ ଗିରଫ

ଦିଗପହଣ୍ଡି, ୮।୭(ବ୍ୟୁରୋ): ଭାଉଜଙ୍କୁ ଅସଦାଚରଣ ଓ ଆକ୍ରମଣ କରିବା ଘଟଣାରେ ଗଞ୍ଜାମ ଜିଲା ଦିଗପହଣ୍ଡି ପୋଲିସ ସୋମବାର ନିମଖଣ୍ଡିପେଣ୍ଠ ଗ୍ରାମର ଅକ୍ଷୟ କୁମାର କର ଓରଫ...

ଶଟ୍‌ଡାଉନ୍‌ ନିୟମ ଉଲ୍ଲଂଘନ: ଛତ୍ରପୁରର ୯ ଦୋକାନ ସିଲ୍‌

ଛତ୍ରପୁର,୭ା୬(ଡି.ଏନ୍‌.ଏ.): କରୋନା ନେଇ ଗଞ୍ଜାମ ଜିଲାରେ ୬୦ ଘଣ୍ଟିଆ ଶଟ୍‌ଡାଉନ୍‌ ଜାରିରହିଛି। ଅପରପକ୍ଷରେ ଏହି ଗାଇଡ୍‌ଲାଇନ୍‌କୁ ଅମାନ୍ୟ କରିଥିବାରୁ ଜିଲା ହେଡକ୍ୱାର୍ଟର ଛତ୍ରପୁର ସହରର ୯ଟି...

ଜୟରାମପୁରରୁ ପରୀକ୍ଷା ପାଇଁ ଗଲା ୨୪ ନମୁନା

ନିଶ୍ଚିନ୍ତକୋଇଲି,୬ା୪(ସ୍ବ.ପ୍ର.): ନିଶ୍ଚିନ୍ତକୋଇଲି ବ୍ଲକ ଅଧୀନ ଜୟରାମପୁର ପଞ୍ଚାୟତର ୧ ନମ୍ବର ଓ୍ବାର୍ଡକୁ ପ୍ରଶାସନ ପକ୍ଷରୁ ସୋମବାର ସିଲ୍‌ କରାଯିବା ସହ ୨୪ଜଣଙ୍କ ସ୍ବାବ୍‌ ନମୁନା ସଂଗ୍ରହ...

ଦ୍ୱିତୀୟ ଥର ଖିଲାପ କଲେ ମାସେ ବନ୍ଦ ହେବ ଦୋକାନ: ଜିଲାପାଳ

ଛତ୍ରପୁର,୨ା୯(ଡି.ଏନ୍‌.ଏ.): ଗଞ୍ଜାମ ଜିଲାରେ କୋଭିଡ୍‌-୧୯ ଗାଇଡ୍‌ଲାଇନ୍‌କୁ ଆହୁରି କଡ଼ାକଡ଼ି ପାଳନ କରାଯିବ। ଜିଲାରେ କରୋନା ସଂକ୍ରମିତଙ୍କ ସଂଖ୍ୟା କମୁଥିବା ବେଳେ ସେପ୍ଟେମ୍ବରରେ ସତର୍କତା ଜରୁରୀ। ସବୁ...

ଦାରୁବିଗ୍ରହଙ୍କୁ ଲାଗି ହେଲା ତୁଳସୀ

ପୁରୀ ଅଫିସ, ୧୮ା୬: ଦେବସ୍ନାନ ପୂର୍ଣ୍ଣିମାରେ ୧୦୮ ଗଡ଼ୁ ଜଳରେ ସ୍ନାନ କରିବା ପରେ ମହାପ୍ରଭୁ ଜ୍ୱରରେ ପୀଡ଼ିତ ହୋଇଛନ୍ତି। ଶ୍ରୀଅଙ୍ଗ ସେବକ ଦଇତାପତିମାନେ ଠାକୁରଙ୍କ...

ଦେଖାଦେଲାଣି ଷ୍ଟେଜ୍‌-୩ ଆଶଙ୍କା, ସାମାଜିକ ସଂକ୍ରମଣକୁ ନେଇ ଅଧିକ ସତର୍କ ହେବାକୁ ପଡ଼ିବ: ବାଗ୍‌ଚୀ

ଭୁବନେଶ୍ୱର,୨୭।୩(ବ୍ୟୁରୋ): ଓଡ଼ିଶାରେ ତୃତୀୟ କରୋନା ଆକ୍ରାନ୍ତ ଚିହ୍ନଟ ହେବା ପରେ ବଡ଼ ବୟାନ ଦେଇଛନ୍ତି ରାଜ୍ୟ ସରକାରଙ୍କ କରୋନା ଭୂତାଣୁ ସଂକ୍ରମଣ ସଚେତନତା କମିଟି ମୁଖ୍ୟ...


Coronavirus Update

Archives

Model This Week

Why Dharitri