ଅନୁଗୋଳ ଅଫିସ, ୧୮।୭ – ଅନୁଗୋଳ କୃଷି ବିଜ୍ଞାନ କେନ୍ଦ୍ରକୁ ପୂର୍ବ ଜୋନାଲରେ ଶ୍ରେଷ୍ଠ କୃଷି ବିଜ୍ଞାନ କେନ୍ଦ୍ର ଭାବେ ବିବେଚିତ କରାଯାଇ ପଣ୍ଡିତ ଦୀନଦୟାଲ କୃଷି ବିଜ୍ଞାନ ପ୍ରୋତ୍ସାହନ ପୁରସ୍କାର ପ୍ରଦାନ କରାଯାଇଛି। କୃଷି କ୍ଷେତ୍ରରେ ଉଲ୍ଲେଖନୀୟ ଅବଦାନ ସହ ଚାଷର ବିସ୍ତାର, ଅତ୍ୟାଧୁନିକ ଯନ୍ତ୍ରାଂଶ ଓ ଚାଷୀମାନଙ୍କ ଉନ୍ନତି କ୍ଷେତ୍ରରେ ଅବଦାନ ପାଇଁ ନୂଆଦିଲ୍ଲୀ ସ୍ଥିତ ଆଇସିଏଆର୍ ପ୍ରତିଷ୍ଠା ଦିବସରେ ଅନୁଗୋଳ କୃଷି ବିଜ୍ଞାନ କେନ୍ଦ୍ରକୁ ଏହି ପୁରସ୍କାର ପ୍ରଦାନ କରାଯାଇଛି। ପୁରସ୍କାର ବାବଦକୁ ୨ ଲକ୍ଷ ୨୫ ହଜାର ଟଙ୍କା ସହ ମାନପତ୍ର ଜିଲା କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ତଥା ବିଭାଗୀୟ ମୁଖ୍ୟ ବିନିତା ଶତପଥୀ ଗ୍ରହଣ କରିଛନ୍ତି। ବିଜ୍ଞାନ କେନ୍ଦ୍ରର ଉନ୍ନତି ପାଇଁ ଏହି ଅର୍ଥ ଖର୍ଚ୍ଚ ହେବ ବୋଲି ବିଭାଗୀୟ ମୁଖ୍ୟ ଶତପଥୀ ସୂଚନା ଦେଇଛନ୍ତି। କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର, ଏମ୍ଓଏସ୍ ଏଗ୍ରିକଲଚର ଡାଇରେକ୍ଟର ଡ. ଟି ମହାପାତ୍ର, ଓୟୁଏଟିର କୁଳପତି ଡ. ପି. ଅଗ୍ରୱାଲ, ଏଟିଏଆର୍ଆଇ ଜୋନ ଭିର ଡାଇରେକ୍ଟର ଡ. ଏସ୍.ଏସ୍ ସିଂ ପ୍ରମୁଖ ଉପସ୍ଥିତ ଥିଲେ।
