ଅଧୁରା କାର୍ଯ୍ୟର ସମ୍ପୂର୍ଣ୍ଣ ବିଲ୍‌

ନବରଙ୍ଗପୁର/ତେନ୍ତୁଳିଖୁଣ୍ଟି, ୩୦ା୧(ବି.ପ୍ର./ଡି.ଏନ.ଏ.) ସରକାରୀ କଳରୁ ବ୍ୟାପକ ଅନୁଦାନ ଭିତ୍ତିଭୂମି ବିକାଶ ନାଁରେ ଖର୍ଚ୍ଚ ହେଉଛି। ତେବେ ତଦାରଖ ଓ ଅନୁଧ୍ୟାନ କରାଯାଉ ନ ଥିବାରୁ କାର୍ଯ୍ୟଗୁଡିକ ଠିକ ଭାବେ ହେଉ ନାହିଁ। ଫଳରେ ଜନସାଧାରଣ ଏହାର ସୁବିଧା ପାଇ ପାରୁ ନାହାନ୍ତି। ଉନ୍ନୟନମୂଳକ କାର୍ଯ୍ୟଗୁଡିକ କେବଳ ଠିକାଦାରଙ୍କୁ ସୁହାଇଲା ଭଳି ହେଉଛି। ଏପରିକି କାର୍ଯ୍ୟ ସମ୍ପୂର୍ଣ୍ଣ ହୋଇ ନ ଥିବା ବେଳେ ବିଲ୍‌ ମଧ୍ୟ ପାସ ହୋଇ ଯାଉଛି। ଏହିଭଳି ଏକ ଚିତ୍ର ନବରଙ୍ଗପୁର ଜିଲା ତେନ୍ତୁଳିିଖୁଣ୍ଟିି ବ୍ଳକ ଅଞ୍ଚଳଗୁମ୍ମା ସଦର ମହକୁମ୍ମାଠାରେ ଦେଖିବାକୁ ମିଳିଛିି। ଜିଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ରମାକାନ୍ତ ନାୟକ ବୁଧବାର କ୍ଷେତ୍ର ପରିଦର୍ଶନ କରି ନିମ୍ନମାନର କାମକୁ ନେଇ ବିରକ୍ତି ପ୍ରକାଶ କରିଛନ୍ତି।
ଜିଲା ତେନ୍ତୁଳିଖୁଣ୍ଟି ବ୍ଲକର ଅଞ୍ଚଳଗୁମ୍ମା ଗଁାରେ ଗୋଷ୍ଠୀ ପାଇଖାନା ନିର୍ମାଣ କରାଯାଇଛି। ତେବେ ତାହା ନିମ୍ନମାନର କରାଯାଇଛି। ଏପରିକି ଅଧା କାର୍ଯ୍ୟ ହୋଇ ସମ୍ପୂର୍ଣ୍ଣ ହୋଇଥିବା ଦର୍ଶାଯାଇଥିବା ଅଭିଯୋଗ ହୋଇଥିଲା। ଏନେଇ ଜିଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ବୁଧବାର ଉକ୍ତ ସ୍ଥାନକୁ ଯାଇ କାର୍ଯ୍ୟ ତଦାରଖ କରିଥିଲେ। ପାଇଖାନାର କବାଟ ଗୁଡିକ ବନ୍ଦ ହେଉନାହିଁ ା ମଳ ଯିବା ପାଇଁ ଟାଙ୍କିର ବ୍ୟବସ୍ଥା କରାଯାଇନାହିଁ। ଆଲୋକ ଓ ପାଣି ବ୍ୟବସ୍ଥା ନାହିଁ। ନିମ୍ନମାନର କାମ ହୋଇଥିବା ଦେଖିବାକୁ ପାଇଥିଲେ। ଏପରିକି ନିର୍ମାଣଧିନ କାର୍ଯ୍ୟ ନିକଟରେ ଫଳକ ନାହିଁ। କେତେ ଟଙ୍କା ଅଟକଳ ରହିଛି ତାହା ମଧ୍ୟ ଉଲ୍ଲେଖ ନଥିବା ଦେଖି ପ୍ରକଳ୍ପ ନିର୍ଦ୍ଦେଶକ ଅସନ୍ତୋଷ ପ୍ରକାଶ କରିଥିଲେ। ଏହି ଗୋଷ୍ଠୀ ପାଇଖାନା କିଭଳି ସାମୂହିକ କାର୍ଯ୍ୟରେ ଲାଗିବ ବୋଲି ପ୍ରଶ୍ନ କରିଥିଲେ। ଏହି କାର୍ଯ୍ୟର ବିଲ ପାସ ନ କରିବା ପାଇଁ କହିିଥିଲେ। ତେବେ ସାଥୀରେ ଯାଇଥିବା ସହକାରୀ ଯନ୍ତ୍ରୀ ଶାନ୍ତିଲତା ହେମ୍ବ୍ରମ ବିଲ ପୈଠ ହୋଇ ସାରିଥିବା କହିଥିଲେ। ତେବେ କିଭଳି ସମସ୍ତ କାର୍ଯ୍ୟ ସମ୍ପୂର୍ଣ୍ଣ ହେବ କେଉଁଠୁ ଟଙ୍କା ଆସିବ ବୋଲି ପ୍ରକଳ୍ପ ନିର୍ଦ୍ଦେଶକ ନାୟକ ପ୍ରଶ୍ନ କରିଥିଲେ। ଏହା ପରେ ଆମ ଗାଁ ଆମ ବିକାଶରେ ହେଉଥିବା ଉନ୍ନୟନ କାର୍ଯ୍ୟ ସମ୍ପର୍କରେ ପ୍ରକଳ୍ପ ନିର୍ଦ୍ଦେଶକ ଲୋକଙ୍କୁ ପଚାରି ବୁଝିଥିଲେ। ଅଞ୍ଚଳଗୁମ୍ମା ଠାରେ ୫ ଲକ୍ଷ ଟଙ୍କା ବ୍ୟୟରେ ନିର୍ମାଣଧିନ ପାଣିଟାଙ୍କିରୁ ଦିନେ ମଧ୍ୟ ଜନସାଧାରଣ ପାଣି ପାଇ ପାରିଲେ ନାହିଁ। ଯେଉଁ ଟାଙ୍କିକୁ ପାଣି ଉଠୁନାହିଁ ସେଥିରୁ ପିଇବା ପାଣି କିଭଳି ପାଇବେ ବୋଲି ସ୍ଥାନୀୟ ଲୋକ ଅଭିଯୋଗ କରିଥିଲେ। ତେନ୍ତୁଳିଖୁଣ୍ଟିି ବ୍ଲକରେ ହେଉଥିବା ଅନେକ ଉନ୍ନୟନ ପ୍ରକଳ୍ପର ଅଟକଳ ଧାର୍ଯ୍ୟମୂଲ୍ୟ, ନାମଫଳକ, ପ୍ରକଳ୍ପର ନାମ ନଥାଇ କାର୍ଯ୍ୟ ହେଉଛି। ଫଳରେ ଜନସାଧାରଣ ପ୍ରକଳ୍ପ ସମ୍ପର୍କରେ ଜାଣି ପାରୁ ନାହାନ୍ତି ବୋଲି କହିଥିଲେ। କିଛି ରାଜନେତା ଓ ତାଙ୍କର ପାଖଲୋକ ବ୍ଲକ ପ୍ରଶାସନ ସହ ସଲାସୁତରା କରି ହାତ ଚିକ୍କଣ କରି ଚାଲିଛନ୍ତିି। ଏହା ଦ୍ୱାରା ଜନସାଧାରଣଙ୍କ ପାଇଁ ଉଦ୍ଦିଷ୍ଟ ଯୋଜନା ଫସର ଫାଟି ଯାଉଛି ା ଏନେଇ ପଞ୍ଚାୟତିରାଜ ବିଭାଗ ସଚିବ ଗୁରୁତ୍ୱ ଦେବାକୁ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

୧୧୦ ବର୍ଷର ଶିକ୍ଷାନୁଷ୍ଠାନ ଆଜି ଅବହେଳିତ

ଜଳେଶ୍ୱର, ୧୯।୩-ସଂସ୍କୃତ ଶିକ୍ଷାର ପ୍ରସାର ଲାଗି ପଶ୍ଚିମବଙ୍ଗ ସୀମାନ୍ତବର୍ତ୍ତୀ ବାଲେଶ୍ୱର ଜିଲା ଅଧୀନ ଜଳେଶ୍ୱର ବ୍ଲକର ଶାଳିକୋଠା ଗ୍ରାମରେ ୧୯୧୦ ମସିହାରୁ ପ୍ରତିଷ୍ଠା ହୋଇଥିବା ଶିକ୍ଷାନୁଷ୍ଠାନ...

ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଡାକ୍ତରଙ୍କୁ ନିଲମ୍ବନ ଘଟଣା: ୨୪ ଘଣ୍ଟିଆ କାଲିମେଳା ବନ୍ଦ

କାଲିମେଳା,୧୬।୧୨(ଡି.ଏନ.ଏ.): ମାଲକାନଗିରି ଜିଲା କାଲିମେଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଡାକ୍ତର ମୁକ୍ତିକାନ୍ତ ମଲ୍ଲିକଙ୍କ ଉପରେ ହୋଇଥିବା ନିଲମ୍ବନ ଆଦେଶ ପ୍ରତ୍ୟାହାର, ତାଙ୍କର ପୁନଃ ନିଯୁକ୍ତି ଦାବିରେ ସୋମବାର...

ଦୋକାନ ଆଜବେଷ୍ଟସ୍‌ ଭାଙ୍ଗି ୨୦ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଅଳଙ୍କାର ଚୋରି

ପାଟଣା,୧୬।୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ମୁଖ୍ୟାଳୟସ୍ଥିତ ପାଟଣା ମୁଖ୍ୟ ବଜାରର ଏକ ଗହଣା ଦୋକାନରୁ ଶୁକ୍ରବାର ରାତିରେ ଚୋରି ହୋଇଛି। ଦୋକାନରୁ ୨୦ଲକ୍ଷରୁ ଟଙ୍କାରୁ...

ସ୍କୁଟି ଜାଳିଦେଲେ ଦୁର୍ବୃତ୍ତ

ପାଟପୁର,୮ା୧: ସାନଖେମୁଣ୍ଡି ବ୍ଲକ ପାଟପୁର ଥାନା ପଟିଗୁଡ଼ା ଗ୍ରାମର ପୀତବାସ ଗୌଡ଼ଙ୍କ ସ୍କୁଟିକୁ ସୋମବାର ବିଳମ୍ବିତ ରାତିରେ ଦୁର୍ବୃତ୍ତମାନେ ପୋଡି ଦେଇଥିବା ଅଭିଯୋଗ ହୋଇଛି। ପୀତବାସଙ୍କ...

ଦାଦନ ଖଟୁଛନ୍ତି ବାଉଁଶ କାରିଗର

ସ୍ମାରକ ମାଜୀ ମୋରଡ଼ା,୧୩।୭ – ମୟୂରଭଞ୍ଜ ଜିଲା ମୋରଡ଼ା ବ୍ଲକର ବିଭିନ୍ନ ଗାଁରେ ବସବାସ କରୁଥିବା ବାଉଁଶ କାରିଗର ଏବେ ସଙ୍କଟ ମଧ୍ୟରେ କାଳାତିପାତ କରୁଛନ୍ତି।...

ପୁରୀରୁ ପୁଣି ୧୮ କରୋନା ପଜିଟିଭ ଚିହ୍ନଟ: ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୮୮ ଛୁଇଁଲା

ପୁରୀ ଅଫିସ, ୧୭।୬: ପୁରୀ ଜିଲାରୁ ବୁଧବାର ପୁଣି ୧୮ କରୋନା ପଜିଟିଭ ଚିହ୍ନଟ ହୋଇଛନ୍ତି। ଚିହ୍ନଟ ନୂଆ ସଂକ୍ରମିତଙ୍କୁ ମିଶାଇ ଜିଲାର ମୋଟ ପଜିଟିଭ...

ପରିତ୍ୟକ୍ତ କୂଅରୁ ମିଳିଲା ଶିଶୁ ପୁତ୍ରର ମୃତଦେହ

କଳାହାଣ୍ଡି,୩।୧(ଡି.ଏନ୍‌.ଏ): କଳାହାଣ୍ଡି ଜିଲା ଧର୍ମଗଡ ବ୍ଲକ ଜୟନ୍ତପୁର ଗାଁରେ ଥିବା ଏକ କୂଅରୁ ଶିଶୁ ପୁତ୍ରର ମୃତଦେହ ଉଦ୍ଧାର କରାଯାଇଛି। କୂଅରୁ ଦୁର୍ଗନ୍ଧ ହେବାରୁ ସ୍ଥାନୀୟ...

ସମାଜ ଲାଗି ଉଦାହରନ୍‌ ସାଜିଛନ୍‌ ହଳ ଆର ରାତ୍ର

ଅତାବିରା, ୧୭।୭ (ଡି.ଏନ୍‌.ଏ): ଆମର ସମାଜରେ ଅନେକ ଲୋକ୍‌ ପିଲାଛୁଆ ବିହାଚୁରା କରିସାଏଲେ, ଚାକରିରୁ ଅବସର ନେଲେ ଘରେ ବସି ରହୁଛନ୍‌। ଯେନ୍‌ଥିରଲାଗି ବିନା କାମ୍‌ଧଁଦାରେ...

Advertisement
Archives

Model This Week