ଅଧାପନ୍ତରିଆ ପ୍ରକଳ୍ପ ସାରିବାକୁ ନାହିଁ ଆନ୍ତରିକତା

ଯାଜପୁର ଅଫିସ/ବରୀ(ସ୍ବ.ପ୍ର.),୧୪-୧:ଯାଜପୁର ଜିଲାର ଜଳ, ଖଣିଜ ସମ୍ପଦ, ପରିବହନ, ଶିଳ୍ପ ପ୍ରଭୃତି କ୍ଷେତ୍ରରୁ ବାର୍ଷିକ କୋଟିକୋଟି ଟଙ୍କାର ରାଜସ୍ବ ଆଦାୟ ହେଉଛି। କିନ୍ତୁ ଲୋକେ ଯାହା ଆଶା କରିଥିଲେ ସେମାନଙ୍କୁ ତାହା ମିଳିପାରି ନାହିଁ। ସାମାଜିକ ଦାୟିତ୍ୱବୋଧକୁ ଜିଲାର ନିର୍ବାଚିତ ପ୍ରତିନିଧିମାନେ ଭୁଲି ଯାଇଥିବାରୁ ଆଜି ବି ବରୀ, ବିଞ୍ଝାରପୁର, ଦଶରଥପୁର, ଯାଜପୁର ଓ ବଡଚଣା ବ୍ଲକର ଜନସାଧାରଣ ବନ୍ୟାଦାଉରୁ ମୁକୁଳି ପାରିନାହାନ୍ତି। ବିଶେଷ କରି ବରୀ ବ୍ଲକର ବ୍ରାହ୍ମଣୀ, ବିରୂପା, କେଲୁଅ ଘେରି ନଦୀବନ୍ଧ ଦୀର୍ଘ ୯ବର୍ଷ ହେଲା ଅଧାପନ୍ତରିଆ ହୋଇପଡିଥିବାରୁ ସମ୍ପୃକ୍ତ ଅଞ୍ଚଳବାସୀ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଏହିଭଳି ଅନେକ ସମସ୍ୟାର ସମାଧାନ କରିବାକୁ ଜନପ୍ରତିନିଧିମାନେ ଚାହଁୁ ନ ଥିବା ଅଭିଯୋଗ ହେଉଛି। ଯଦ୍ଦ୍ବାରା ନିର୍ବାଚିତ ପ୍ରତିନିଧିମାନେ ପ୍ରତିବର୍ଷ ବନ୍ୟା ପ୍ରଭାବିତଙ୍କୁ ଆଶା ଦେଖାଇ ଭୋଟବ୍ୟାଙ୍କ ହାତେଇବା ସହିତ ବନ୍ୟା ବିପତ୍ତି ନାମରେ ଅନୁଦାନ ଆଣି ଠିକାଦାର ପୋଷିବାକୁ ଯୋଜନା କରୁଛନ୍ତି ବୋଲି ମତପ୍ରକାଶ ପାଇଛି।
ଯେ, ୨୦୧୧-୧୨ ଆର୍ଥିକ ବର୍ଷରେ ଧର୍ମଶାଳା ବ୍ଲକ ବାରବାଟୀରୁ ବରୀ ବ୍ଲକ ଗମୁ ପର୍ଯ୍ୟନ୍ତ ୮୪ କି.ମି. ଘେରିବନ୍ଧ କରିବାକୁ କେନ୍ଦ୍ର ସରକାର ୭୨କୋଟି ଟଙ୍କା ଅନୁଦାନ ମଞ୍ଜୁର କରିଥିଲେ। ଏଥିରେ ରାଜ୍ୟ ସରକାରଙ୍କର ୧୦ ପ୍ରତିଶତ ଅନୁଦାନ ମଧ୍ୟ ରହିଛି। ଦୀର୍ଘ ୮ବର୍ଷ ହେଲା ଜମି ଅଧିଗ୍ରହଣ ବାବଦରେ ୪କୋଟି ୩୬ଲକ୍ଷ ୯୨ ହଜାର ୩୬୦ଟଙ୍କା ଅନୁଦାନ ମଞ୍ଜୁର ହୋଇଛି। ସେଥିରୁ ୧କୋଟି ଟଙ୍କା କ୍ଷତିଗ୍ରସ୍ତ ଚାଷୀଙ୍କୁ ପ୍ରଦାନ କରାଯାଇଥିବାବେଳେ ବାକି ଟଙ୍କା ରାଜସ୍ବ ବିଭାଗ ଖାତାରେ ପଡିରହିଛି। ପ୍ରତିବର୍ଷ ଏହି ପ୍ରକଳ୍ପର ବ୍ୟୟ ଅଟକଳ ବୃଦ୍ଧି ପାଇବାରେ ଲାଗିଛି। ଏଥିରେ ଭୋଟବ୍ୟାଙ୍କ ଓ ଠିକାଦାର ପୋଷା ଅନୁଦାନ ଆସୁଥିବାରୁ କୌଣସି ଜନପ୍ରତିନିଧି ମୁଣ୍ଡ ଖେଳାଉ ନାହାନ୍ତି କିମ୍ବା ବିଧାନସଭାରେ ପ୍ରଶ୍ନଟିଏ ବି କରୁନାହାନ୍ତି। ଏହି ଯୋଜନା କାର୍ଯ୍ୟକାରୀ ହୋଇଥିଲେ ଜିଲାର ରସୁଲପୁର, ବରୀ, ଧର୍ମଶାଳା ଓ ଯାଜପୁର ଜିଲାର ନଦୀକୂଳିଆବାସୀ ସବୁଦିନ ପାଇଁ ବନ୍ୟାଦାଉରୁ ମୁକ୍ତି ପାଇପାରିବେ ବୋଲି ଯୋଜନା ରହିଛି। ଏହି ପ୍ରକଳ୍ପ କାର୍ଯ୍ୟକାରୀ ହେଉ ନ ଥିବାରୁ ୪ବ୍ଲକର ପ୍ରାୟ ଦେଢ ୫ଲକ୍ଷ ଲୋକ ପ୍ରତିବର୍ଷ ବନ୍ୟା ବିତ୍ପାତର ଶିକାର ହୋଇଆସୁଛନ୍ତି। ୨୦୧୯ ଜୁନ୍‌ ଶେଷ ସୁଦ୍ଧା ଜମି ଅଧିଗ୍ରହଣ ପ୍ରକ୍ରିୟା ସମ୍ପୂର୍ଣ୍ଣ କରି ଆବଣ୍ଟିତ ଅନୁଦାନ ବଣ୍ଟନ କରିବାକୁ ନିର୍ଦ୍ଦେଶ ରହିଥିଲା। ହେଲେ ଜିଲା ପ୍ରଶାସନ କ’ଣ ପାଇଁ ଏହି ଅର୍ଥକୁ ଅଟକାଇ ରଖିଛନ୍ତି ତାହା ପ୍ରଶ୍ନବାଚୀ ସୃଷ୍ଟି କରିଛି। ସେହିପରି ବ୍ରାହ୍ମଣୀ, ବିରୁପା, କେଲୁଅ ସୁରକ୍ଷା ପରିଷଦ ପକ୍ଷରୁ ତହସିଲ ପ୍ରଶାସନ ଉକ୍ତ ଟଙ୍କାକୁ ତୁରନ୍ତ ବଣ୍ଟନ ନ କଲେ ଆଇନ୍‌ ଅମାନ୍ୟ ଆନ୍ଦୋଳନ ହେବ ବୋଲି ଚେତାବନୀ ଦିଆଯାଉଛି। ଏଥିରେ ମଧ୍ୟ ସରକାରଙ୍କ ଚେତା ପଶୁନି। ୨୨ା୬ା୨୦୧୯ରେ ଜିଲାପାଳଙ୍କ ପତ୍ରସଂଖ୍ୟା ୨୯୫ରେ ବରୀ ତହସିଲଦାରଙ୍କୁ ଜମିଅଧିଗ୍ରହଣ ବାବଦରେ ହିତାଧିକାରୀଙ୍କ ମଧ୍ୟରେ ଜମାଥିବା ଟଙ୍କା ବାଣ୍ଟି ଦେବାକୁ ନିର୍ଦ୍ଦେଶ ହୋଇଥିଲା। ଏହି ନିର୍ଦ୍ଦେଶ ମଧ୍ୟ କାର୍ଯ୍ୟକାରୀ ହୋଇପାରିଲା ନାହିଁ। ଜମି ଅଧିଗ୍ରହଣ ବାବଦରେ ନିଳାପଦା, ଚନ୍ଦନପୁର, ମୀର୍ଜାପୁର, କଳାଖଣ୍ଡ, ମାଟିଆପଡ଼ା, ଶେରପୁର, ଗମୁ, ଅରୁଆଳ, ସାହୁପଡ଼ା ଆଦି ଗ୍ରାମର ହିତାଧିକାରୀ ପ୍ରାପ୍ୟ ପାଇବା ପାଇଁ ବରୀ ତହସିଲକୁ ବାରମ୍ବାର ଦୌଡ଼ି ନିରାଶ ହେବାକୁ ପଡୁଛି। ଏ ସଂକ୍ରାନ୍ତରେ ଜାରକା ଜଳସେଚନ ବିଭାଗ ନିର୍ବାହୀ ଯନ୍ତ୍ରୀ ବାମାପ୍ରସାଦ ବିଶ୍ୱାଳଙ୍କୁ ପଚାରିବାରେ, ଜମି ଅଧିଗ୍ରହଣ ପ୍ରକ୍ରିୟା ଜାରି ରହିଛି। ଖୁବଶୀଘ୍ର କାର୍ଯ୍ୟ ପୁଣି ଆରମ୍ଭ ହେବ ଏବଂ ଆସନ୍ତା ବର୍ଷା ଋତୁ ପୂର୍ବରୁ ଶେଷ କରିବାକୁ ଉଦ୍ୟମ କରିବୁ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସାମାନ୍ୟ ବର୍ଷାରେ ଧୋଇଗଲା ୨୦ ଲକ୍ଷର ଡ୍ରେନ୍‌

ଆନନ୍ଦପୁର, ୬।୨(ସ୍ବ.ପ୍ର.)-ଆନନ୍ଦପୁର ପୌର ପରିଷଦ ୭ନଂ ଓ୍ବାର୍ଡ଼ରେ ଦେଖିବାକୁ ମିଳିଛି ସହରାଞ୍ଚଳ ବିକାଶର ନଗ୍ନ ଚିତ୍ର। ୨୦ ଲକ୍ଷ ଟଙ୍କାରେ ନିର୍ମିତ ହୋଇଥିବା ଜଳ ନିଷ୍କାସନ...

ମିଛ ଖବର ପୋଷ୍ଟ ଅଭିଯୋଗରେ ୱେବ ମିଡିଆ ଖବରଦାତା ଗିରଫ

ଭବାନୀପାଟଣା/ଜୟପାଟଣା, ୧୩ା୪(ସ୍ବ.ପ୍ର/ଡି.ଏନ.ଏ.): ମହାମାରୀ କରୋନା ସମ୍ପର୍କରେ ମିଥ୍ୟା ଖବର ପରିବେଷଣ କରିବା ଅଭିଯୋଗରେ ଜଣେ ୱେବ ମିଡିଆ ଖବରଦାତାଙ୍କୁ କଳାହାଣ୍ଡି ଜିଲା ଜୟପାଟଣା ଥାନା ପୋଲିସ...

ଫାଙ୍କା ଗୁଳିଚାଳଣା ଘଟଣା: ନାରାୟଣ ସମେତ ୪ ଗିରଫ: ୨ ବନ୍ଧୁକ, ଗୁଳି ଜବତ

ପୁରୀ ଅଫିସ,୨୯ା୯: ବହୁ ଚର୍ଚ୍ଚିତ ତେଲି ପଡ଼ିଆଠାରେ ଆୟୋଜିତ ଏକ କାର୍ଯ୍ୟକ୍ରମରେ ଫାଙ୍କା ଗୁଳିଚାଳଣା ଘଟଣାରେ ରବିବାର ଟାଉନ ଥାନା ପୋଲିସ ୪ ଜଣଙ୍କୁ ଗିରଫ...

କ୍ୱାରାଣ୍ଟାଇନ କେନ୍ଦ୍ରରେ ରଜ ପାଳିଲେ ୪୮ ପ୍ରବାସୀ

ବଅଁରପାଳ,୧୪।୬(ଡି.ଏନ.ଏ.)-ବଅଁରପାଳସ୍ଥିତ ପିବିକେ ହାଇସ୍କୁଲରେ ହୋଇଥିବା କ୍ୱାରାଣ୍ଟାଇନ କେନ୍ଦ୍ରରେ ରବିବାର ୪୮ ଜଣ ପ୍ରବାସୀ ରଜ ଉତ୍ସବ ପାଳନ କରିଛନ୍ତି। ମୁଖ୍ୟଅତିଥି ଭାବେ ବଅଁରପାଳ ବିଡିଓ ଏଲିଜା...

୨୦ ହଜାର ଲାଞ୍ଚ: ସହକାରୀ ନିର୍ଦ୍ଦେଶକ ଗିରଫ: ଘରୁ ବାହାରିଲା ୧୮ ଲକ୍ଷ ୩୦ ହଜାର ଟଙ୍କା

କଟକ ଅଫିସ, ୬।୧୧:ଓଡ଼ିଶା ଟେକ୍ସଟ୍‌ ବୁକ ପ୍ରଡକ୍ସନ ଆଣ୍ଡ ମାର୍କେଟିଂର ସହକାରୀ ନିର୍ଦ୍ଦେଶକ ପ୍ରସନ୍ନ କୁମାର ସେନାପତିଙ୍କୁ ଭିଜିଲାନ୍ସ ମଙ୍ଗଳବାର ଗିରଫ କରିଛି। ୨୦ହଜାର ଟଙ୍କା...

ଭୟ ବଢ଼ାଉଛନ୍ତି ଅମାନିଆ: ସହରରେ ବୁଲିବୁଲି ଯାଞ୍ଚ କଲେ ଜିଲାପାଳ

ଢେଙ୍କାନାଳ ଅଫିସ, ୨୫।୪ – କୋଭିଡ୍‌-୧୯ ଭୂତାଣୁ ଠାବ ହୋଇଥିବା ଏକମାତ୍ର ରୋଗୀ ସୁସ୍ଥ ହୋଇ ଫେରିବା ପରେ କରୋନା ମୁକ୍ତ ହୋଇଛି ଢେଙ୍କାନାଳ ଜିଲା।...

ଶଙ୍ଖାବାଲୀର ଶଙ୍ଖା, ଚୁଡ଼ି କିମିଆ

ଆରଡ଼ି, ୧୦।୧୨ (ଡି.ଏନ.ଏ.)- ଶଙ୍ଖା, ଚୁଡ଼ି, ସିନ୍ଦୂର ସୌଭାଗ୍ୟର ପ୍ରତୀକ। କାହିଁ କେଉଁ କାଳରୁ ବିବାହିତ ସଧବା ମହିଳାମାନେ ଏହାକୁ ପିନ୍ଧି ଆସୁଛନ୍ତି। ଆଜିକାଲି ହାଟବଜାରରେ...

ନାବାଳିକା ଗର୍ଭବତୀ, ଅଭିଯୁକ୍ତ ଫେରାର

ବ୍ରହ୍ମପୁର ଅଫିସ,୪ା୭-କେ. ନୂଆଗାଁ ଥାନା ଇଲାକାରେ ଜନୈକା ନାବାଳିକାଙ୍କୁ ଭୟଭୀତ କରି ବାରମ୍ବାର ବଳାତ୍କାର କରିବା ପରେ ସେ ଗର୍ଭବତୀ ହେବା ଜାଣି ଅଭିଯୁକ୍ତ ଫେରାର୍‌...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *