ହାଟଡ଼ିହୀ,୨୯।୪(ଡି.ଏନ୍.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକ ସୋସୋ ଥାନା ଅଞ୍ଚଳରୁ ବୁଧବାର ପୋଲିସ ୨୮ଲିଟର ମହୁଲି ମଦ ଜବତ କରିଛି। ଏହି କାରବାରରେ ସମ୍ପୃକ୍ତ ୩ ଜଣଙ୍କୁ ଗିରଫ କରାଯାଇଛି। ଏଥିସହ ଏକ ବାଇକ ମଧ୍ୟ ଜବତ ହୋଇଛି।
ପ୍ରକାଶ ଯେ, ପୋଲିସ ପେଟ୍ରୋଲିଂ କରୁଥିବା ବେଳେ ମୀଠୀଗା ଛକ ନିକଟରେ ମହୁଲି ମଦ ନେଇ ଯାଉଥିବା ଜଣେ ବ୍ୟକ୍ତିଙ୍କୁ ପୋଲିସ ଧରିଥିଲା। ସେ ହେଉଛନ୍ତି ଶିଳପୋଖରୀ ଗ୍ରାମର ବୁଧଦେବ ମାଝୀ। ତାଙ୍କ ନିକଟରୁ ପୋଲିସ ୮ ଲିଟର ମହୁଲି ମଦ ଜବତଛି। ଏ ନେଇ ଥାନାରେ ଏକ ମାମଲା (ନଂ. ୨୭/୨୦) ରୁଜୁ କରିଛି।
ସେହିପରି ପୋଡାସିଙ୍ଗିଡ଼ି ଛକଠାରେ ବାଇକ ଯୋଗେ ମଦ ନେଇ ଯାଉଥିବା ଦୁଇ ବ୍ୟକ୍ତିଙ୍କୁ କାବୁ କରିଥିଲା। ସେମାନେ ହେଲେ ନନ୍ଦିପଦା ଥାନା ବଡ଼ରମ୍ପାସ ଗ୍ରାମର ରଞ୍ଜନ ପରିଡା ଓ ବିଜୟ ସେଠୀ। ସେମାନଙ୍କ ନିକଟରୁ ୨୦ ଲିଟର ମହୁଲି ମଦ ଜବତ ହୋଇଛି। ଏ ନେଇ ପୋଲିସ ଆଉ ଏକ ମାମଲା (୨୮/୨୦)ରୁଜୁ କରିଛି।
