କୃଷ୍ଣପ୍ରସାଦ,୧ା୪(ଡି.ଏନ୍.ଏ)-କରୋନା ମୁକାବିଲା ପାଇଁ ସରକାର ସାରା ଦେଶକୁ ୨୧ଦିନିଆ ଲକଡାଉନ କରିଛନ୍ତି। ଏହା ଯୋଗୁ ବିଭିନ୍ନ ଦେଶ, ରାଜ୍ୟ ବାହାରେ କାର୍ଯ୍ୟ କରୁତ୍ଥିବା ଅନେକ ଲୋକ ଘରୁ ନ ଆସିପାରି ଫସିଯାଇଛନ୍ତି। ସେହିଭଳି ଶ୍ରମିକ ଭାବେ କାର୍ଯ୍ୟ ପାଇଁ ଯାଇଥିବା କୃଷ୍ଣପ୍ରସାଦ ବ୍ଲକ ଗିଲିନାସୀ ଗାଁର ୭ଜଣ ଗୁଜରାଟର ସୁରଟଠାରେ ନ ଆସିପାରି ଅଟକ ଅଛନ୍ତି। ଲକଡାଉନ ଯୋଗୁ ସବୁ ଦୋକାନ, ବଜାର ବନ୍ଦ ହୋଇଯାଇଥିବା ବେଳେ କାମ କରୁଥିବା କମ୍ପାନୀ ମଧ୍ୟ କୌଣସି ସହାୟତା ନ କରିବାରୁ ଏକରକମ ଫସିଯାଇଛନ୍ତି। ତେଣୁ ସେମାନଙ୍କୁ ସେଠାରୁ ଉଦ୍ଧାର କରିବା ପାଇଁ ସୋସିଆଲ ମିଡିଆ ଜରିଆରେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରୁଛନ୍ତି। ଏଣେ ସେମାନଙ୍କ ଦୁଃଖ ଖବର ଶୁଣି ପରିବାର ଲୋକେ ମଧ୍ୟ ଭାଙ୍ଗିପଡ଼ୁଥିବାବେଳେ ସାହାଯ୍ୟ କରିବା ପାଇଁ ସ୍ଥାନୀୟ ପ୍ରଶାସନ ନିକଟରେ ଗୁହାରି କରିଛନ୍ତି।
