ହରିୟାଣା,୮।୩: ବଲିଉଡ୍ର ହି ମ୍ୟାନ ଭାବେ ପରିଚିତ ଭେଟେରାନ ଆକ୍ଟର ଧର୍ମେନ୍ଦ୍ର ଭାଲେଣ୍ଟାଇନ୍ସ ଡେ’ ଅବସରରେ ଏକ ରେସ୍ତୋରାଁ ଖୋଲିଥିଲେ। ଆଉ ଏହାର ନାଁ ରହିଥିଲେ ‘ହି ମ୍ୟାନ୍’। ଏବେ ଏହି ରେସ୍ତୋରାଁକୁ ସିଲ୍ କରି ଦିଆଯାଇଥିବା ଖବର ମିଳିଛି। ତେବେ ବେଆଇନ ଭାବେ ସେ ଏହାକୁ ନିର୍ମାଣ କରିଥିବାରୁ ରେସ୍ତୋରାଁଟିକୁ ସିଲ୍ କରିଦିଆଯାଇଥିବା ସୂଚନା ମିଳିଛି। ନିକଟରେ ନଗର ନିଗମ ପକ୍ଷରୁ ଉକ୍ତ ରେସ୍ତୋରାଁ ଉପରେ ଚଢାଉ କରାଯାଇ ସେଠାରେ ଥିବା କର୍ମଚାରୀ ଓ ଗ୍ରାହକଙ୍କୁ ବାହାର କରିଦେବା ପରେ ନଗର ନିଗମ ପକ୍ଷରୁ ରେସ୍ତୋରାଁ ବାହାରେ ନୋଟିସ ଲଗାଇ ଦିଆଯାଇଥିବା ଜଣାପଡିଛି।
ବେଶ୍ କିଛିଦିନ ହେବ ବଲିଉଡ୍ ଦୁନିଆରୁ ଦୂରେଇ ରହିଥିବା ଧର୍ମେନ୍ଦ୍ର ଏବେ ନିଜ ଫାର୍ମ ହାଉସ ଉପରେ ଅଧିକ ନଜର ଦେଉଥିବା କୁହାଯାଏ। ଅନ୍ୟପଟେ ଧର୍ମେନ୍ଦ୍ର ରେସ୍ତୋରାଁ ମାଧ୍ୟମରେ କିଛି ଆୟ କରିବାର ଲକ୍ଷ୍ୟ ରଖିଥିବା ବେଳେ ଏବେ ତାହା ବନ୍ଦ ହୋଇଯିବାରୁ ତାଙ୍କୁ ଚିନ୍ତାରେ ପକାଇବ ବୋଲି ଆଲୋଚନା ହେଉଛି।
