ହଂକଂ,୧୩।୧୧(ଏଏଫ୍ପି)-
ବିଶ୍ୱ ଚାମ୍ପିୟନ ପି. ଭି. ସିନ୍ଧୁ ବିଜୟ ସହ ହଂକଂ ଓପନରେ ଅଭିଯାନ ଆରମ୍ଭ କରିଛନ୍ତି। ଅନ୍ୟପକ୍ଷରେ ୪ ଲକ୍ଷ ଆମେରିକୀୟ ଡଲାର ପୁରସ୍କାର ରାଶି ବିଶିଷ୍ଟ ଇଭେଣ୍ଟର ପ୍ରଥମ ବାଧା ଅତିକ୍ରମ କରିବାରେ ସାଇନା ନେହ୍ବାଲ ଓ ସମୀର ବର୍ମା ବିଫଳ ହୋଇଛନ୍ତି। ଗତ କିଛି ଟୁର୍ନାମେଣ୍ଟର ପ୍ରଥମ ରାଉଣ୍ଡରେ ପରାସ୍ତ ହୋଇଥିବା ୬ଷ୍ଠ ସିଡ୍ ସିନ୍ଧୁ ୨୧-୧୫, ୨୧-୧୬ ଗେମ୍ରେ କୋରିଆର କିମ୍ ଗା ଉନଙ୍କୁ ହରାଇ ଦେଇଛନ୍ତି। ଅଲିମ୍ପିକ୍ ରୌପ୍ୟ ପଦକ ବିଜେତା ଥାଇଲାଣ୍ଡର ବୁସାନାନ ଓଙ୍ଗବାମରୁଙ୍ଗଫାନଙ୍କୁ ଭେଟିବେ। ଅନ୍ୟ ଏକ ମହିଳା ସିଙ୍ଗଲ୍ସ ମ୍ୟାଚ୍ରେ ୮ମ ସିଡ୍ ସାଇନା ୧୩-୨୧, ୨୦-୨୨ ଗେମ୍ରେ ଚାଇନାର କାଇ ୟାନ ୟାନଙ୍କଠାରୁ ହାରି ଯାଇଛନ୍ତି। ବିଶ୍ୱର ୧୬ତମ ର଼୍ୟାଙ୍କ ସମୀରଙ୍କୁ ମଧ୍ୟ ସମାନ ଦଶା ଭୋଗିବାକୁ ପଡ଼ିଛି। ଚାଇନିଜ ତାଇପେର ଓ୍ବାଙ୍ଗ ଜୁ ଓ୍ବେଇ ୨୧-୧୧, ୧୩-୨୧, ୨୧-୮ ଗେମ୍ରେ ସମୀରଙ୍କୁ ହରାଇ ଦେଇଛନ୍ତି। ସାଇନା ଓ ସମୀର ଆସନ୍ତା ସପ୍ତାହରେ ଗ୍ବାଙ୍ଗଜୁ କୋରିଆ ମାଷ୍ଟର୍ସ ସୁପର ୩୦୦ ଟୁର୍ନାମେଣ୍ଟରେ ଖେଳିବେ।
