ମୁରିବାହାଲ, ୧୮ା୧୨(ଡି.ଏନ.ଏ.): ବଲାଙ୍ଗୀର ଜିଲା ମୁରିବାହାଲ ଥାନା ଅନ୍ତର୍ଗତ ଜୁଆଡିପାଲି ନିକଟରେ ବୁଧବାର ସନ୍ଧ୍ୟାରେ ଏକ ଅଜଣା ଗାଡି ଧକ୍କାରେ ଏକ ବାଇକରେ ଥିବା ୨ ଆରୋହୀଙ୍କ ମୃତ୍ୟୁ ଘଟିଛି। ଘଟଣାସ୍ଥଳରେ ଜଣଙ୍କର ଓ ଅନ୍ୟ ଜଣଙ୍କର ମୁରିବାହାଲ ଡାକ୍ତରଖାନାରେ ମୃତ୍ୟୁ ଘଟିଛି। ମୃତକ ହେଲେ ମୁରିବାହାଲ ବ୍ଲକ ବାରବନ୍ଧାର ମୂଳ ବାସୀନ୍ଦା ତଥା କଳାହାଣ୍ଡି ଜିଲା କେଗଁ। ଥାନା ବାବେରମୁଣ୍ଡାରେ ଘର ଜ୍ୱାଇଁ ହୋଇ ରହିଥିବା ବବରୁ ଭୋଇ(୨୫) ଏବଂ ତାଙ୍କ ଶଳା ଡୋଳାମଣି ମାଝୀ(୨୨)। କୌଣସି ଏକ କାମରେ ଉଭୟେ ବାବେରମୁଣ୍ଡାରୁ ବାଇକ ନଂ. ଓଆର ୮ଏଫ ୬୩୯୯ରେ ବାରବନ୍ଧାକୁ ଏକ ଆସୁଥିବା ବେଳେ ଜୁଆଡିପାଲି ନିକଟରେ ଏକ ଗାଡି ତାଙ୍କୁ ଧକ୍କା ଦେଇ ପଳାଇ ଯାଇଥିଲା। ଘଟଣାସ୍ଥଳରେ ବବରୁଙ୍କ ମୃତ୍ୟୁ ଘଟିଥିବାବେଳ ଡୋଳାମଣୀ ଗୁରୁତର ହୋଇଥିଲେ। ମୁରିବାହାଲ ଥାନା ପୋଲିସ ମୃତଦେହକୁ ଜବତ କରିବା ସହ ଦୁର୍ଘଟଣାଗ୍ରସ୍ତ ବାଇକକୁ ଜବତ କରିଛି। ଧକ୍କା ଦେଇଥିବା ଗାଡି ସମ୍ପର୍କରେ ଅନୁସନ୍ଧାନ କରାଯାଉଛି ବୋଲି ଆଇଆଇସି ତାରା ଜସ୍ମିନ ଗୁଡିଆ କହିଛନ୍ତି।
