ନୂଆଦିଲ୍ଲୀ, ୨୮।୩ – କରୋନା ଭାଇରସ ସଂକ୍ରମଣକୁ ଦୃଷ୍ଟିରେ ରଖି ସରକାର କରିଥିବା ଲକ୍ଡାଉନ ନିୟମକୁ ନେଇ ଲୋକମାନେ ଯେପରି ଆଲୋଚନା କରୁଛନ୍ତି ସେଥିରେ ସନ୍ତୁଷ୍ଟ ନୁହନ୍ତି ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲି। ସଂକ୍ରମଣକୁ ରୋକାବା ପାଇଁ ସରକାରଙ୍କ ନିର୍ଦ୍ଦେଶାବଳୀକୁ ମାନିବାକୁ ସେ ଲୋକମାନଙ୍କୁ ଆହ୍ବାନ କରିଛନ୍ତି। ନିଜ ଟୁଇଟର ପେଜ୍ରେ ଏକ ଭିଡିଓ ପୋଷ୍ଟ କରି କୋହଲି କହିଛନ୍ତି ଯେ, କୋଭିଡ-୧୯ ବିରୋଧରେ ଲଢ଼େଇ ସହଜ ନୁହେଁ। ଲୋକମାନେ କର୍ଫ୍ୟୁ ଓ ଲକ୍ଡାଉନ୍ ନିୟମକୁ ନ ମାନି ଗଳିକନ୍ଦିରେ ଯେପରି ଏକାଠି ହେଉଛନ୍ତି ସେଥିରେ ମୁଁ ଆଦୌ ସନ୍ତୁଷ୍ଟ ନୁହେଁ। ଅନ୍ୟପକ୍ଷରେ ଏହି ରୋଗ ବିରୋଧରେ ଅକ୍ଳାନ୍ତ ଲଢ଼େଇ ଜାରି ରଖିଥିବାରୁ ସରକାର ଏବଂ ଡାକ୍ତରୀ ବିଶେଷଜ୍ଞଙ୍କୁ ଧନ୍ୟବାଦ ଜଣାଇଛନ୍ତି ବିରାଟ।
