ଉଦଳା,୧୦ା୧୦(ଡି.ଏନ୍.ଏ.)- ଉଦଳା ସହରାଞ୍ଚଳରେ ଦେବୀ ଦୁର୍ଗାଙ୍କର ସମସ୍ତ ପୂଜାର୍ଚ୍ଚନା ରୀତିନୀତି ଅନୁଯାୟୀ ଶେଷ ହୋଇଛି ା ଦଶହରାରେ ବିଶେଷ ଆକର୍ଷଣ ଥିଲା ଲାଖବିନ୍ଧା ପ୍ରତିଯୋଗିତା ା ଆମ ଦୁର୍ଗାପୂଜା କମିଟି ଉଦଳା ପକ୍ଷରୁ ବିଜୟାଦଶମୀରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ ବହୁ ସଂଖ୍ୟକ ପ୍ରତିଯୋଗୀ ଅଂଶଗ୍ରହଣ କରିଥିଲେ। ଉଦଳା ଏନଏସି ଅଞ୍ଚଳର ଜଗନ୍ନାଥୀ ଏବଂ ସ୍ଥାନୀୟ ବ୍ଲକର ଜୁଆଳିଆ, ବହୁବନ୍ଧ, ମଧୁପୁର, କନକପଦା ଗ୍ରାମାଞ୍ଚଳରୁ ଆଦିବାସୀ ପ୍ରତିଯୋଗୀମାନେ ଅଂଶଗ୍ରହଣ କରିଥିଲେ ା ପ୍ରତିଯୋଗିତାକୁ ପୂଜା କମିଟିର ସଭାପତି ଇଂ.ମାନସ ରଞ୍ଜନ ମହାନ୍ତି, ସମ୍ପାଦକ ବିଶ୍ୱଜିତ୍ ନାୟକ ଏବଂ ସମାଜସେବୀ ହରେକୃଷ୍ଣ ମହାନ୍ତି ଉଦଘାଟନ କରିଥିଲେ ା ଏଥିଲାଗି ଦର୍ଶକମାନଙ୍କ ଭିଡ ଲାଗି ରହିଥିଲା। ଏହି ପ୍ରତିଯୋଗିତାରେ ଉଦଳା ବ୍ଲକ କନକପଦା ଗ୍ରାମର ବର୍ଷିୟାନ ଧର୍ନୁଧାରୀ ରାମଚନ୍ଦ୍ର ହେମ୍ବ୍ରମ୍ (୬୭) ବିଜୟ ମୁକୁଟ ପିନ୍ଧିଥିଲେ ା ଅନ୍ୟମାନଙ୍କ ମଧ୍ୟରେ ବରିଷ୍ଠ ସଦସ୍ୟ ପ୍ରଦୀପ କୁମାର ମହାନ୍ତି, ଅଶୋକ କୁମାର ଦାସ, ପ୍ରଶାନ୍ତ ମହାନ୍ତି, ଦିଲ୍ଲୀପ କୁମାର ଦାସ, ଅମୀୟ କୁମାର ବଳ, ମଧୁ ଦାସ ପ୍ରମୁଖ ସହଯୋଗ କରିଥିଲେ ା ସେହିପରି କଚେରୀ ପୂଜା ମଣ୍ଡପ ପକ୍ଷରୁ ମଧ୍ୟ ଲାଖବିନ୍ଧା ପ୍ରତିଯୋଗିତା ଆୟୋଜନ କରାଯାଇଥିଲା ା
