ରାୟଗଡ଼ା ଅଫିସ,୧୨।୬: ଦକ୍ଷିଣ ଭାରତରୁ ପ୍ରବାସୀ ଶ୍ରମିକମାନେ ଶୁକ୍ରବାର ସ୍ବତନ୍ତ୍ର ୫ଟି ଟ୍ରେନ୍ ଯୋଗେ ଆସୁଥିବା ନେଇ ରେଳ ବିଭାଗ ପକ୍ଷରୁ ସୂଚନା ଦିଆଯାଇଥିଲା। ଏ ନେଇ ଖବର ପାଇବା ପରେ ଜିଲା ପ୍ରଶାସନ ପକ୍ଷରୁ ସହରର ଗଜପତି ଛକରୁ ସାଇ ଇଣ୍ଟରନ୍ୟାସନାଲ ଛକ ଓ ଷ୍ଟେଶନ ଅଞ୍ଚଳରେ ୧୪୪ ଧାରା ଲାଗୁ କରାଯାଇଛି। ଆସୁଥିବା ଟ୍ରେନଗୁଡ଼ିକ ହେଲା (୦୭୭୪୭) ଘଟକେଶ୍ୱର-ବଲାଙ୍ଗୀର, (୦୬୪୮୪) ତିରୁଭାଲ-ବଲାଙ୍ଗୀର, (୦୭୭୪୮) ଘଟକେଶ୍ୱର-ନୂଆପଡା, (୦୬୪୬୬) ତିରୁବନନ୍ତପୁରମ-ହଟିଆ ଓ (୦୭୭୪୯) ନାଗାଲପାଳି/ସାଙ୍ଗରେଡି-ନୂଆପଡା। ଏହି ୫ଟି ଟ୍ରେନ ମଧ୍ୟରୁ ପ୍ରଥମ ଦୁଇଟି ଟ୍ରେନ ସକାଳ ୧୧ସମୟ ସୁଦ୍ଧା ରାୟଗଡା ଷ୍ଟେଶନରେ ପହଞ୍ଚିଛନ୍ତି ।
ଟ୍ରେନ୍ ନଂ. ୦୭୭୪୭ରେ ନବରଙ୍ଗପୁର ଜିଲାର ୭୮ଜଣ ପ୍ରବାସୀ ଆସିଥିବା ବେଳେ ଦ୍ବିତୀୟ ଟ୍ରେନ୍ ନଂ. ୦୬୪୮୪ରେ ନବରଙ୍ଗପୁର ଜିଲାର ୬୪ ଜଣ ଓ କନ୍ଧମାଳାର ୬ଜଣ ପ୍ରବାସୀ ଆସଛନ୍ତି। ଏ ନେଇ ରାୟଗଡ଼ା ଜିଲାପାଳ ପ୍ରମୋଦ କୁମାର ବେହେରଙ୍କ ନିର୍ଦ୍ଦେଶ କ୍ରମେ ଶ୍ରମିକ ମାନଙ୍କୁ ସ୍ବାଗତ ଜଣାଇବା ପାଇଁ ରାୟଗଡ଼ା ଷ୍ଟେଶନରେ ଜିଲା ଅଧିକାରୀମାନେ ଭୋରୁ ସମସ୍ତ ପ୍ରକାର ବ୍ୟବସ୍ଥା କରି ଉପସ୍ଥିତ ଥିଲେ । ରାୟଗଡ଼ା ଷ୍ଟେଶନରେ ସକାଳେ ୩୭୪୮ ଜଣ ପ୍ରବାସୀ ଓହ୍ଲାଇଛନ୍ତି । ତେବେ ଆଉ ୩ଟି ଟ୍ରେନ୍ରେ ପ୍ରବାସୀ ଆସିବେ ।
