ମୁମ୍ବାଇ,୧୩ ।୨: ଶିବସେନା ମହାରାଷ୍ଟ୍ରର ରାଜ୍ୟପାଳ ଭଗତ ସିଂ କୋଶିୟାରୀଙ୍କୁ ଭାଜପା ଇସାରାରେ କାର୍ଯ୍ୟ କରୁଥିବା ଅଭିଯୋଗ ଆଣିଛି । ଏହାକୁ ନେଇ ମହାରାଷ୍ଟ୍ର ସରକାର କହିଛନ୍ତି କେନ୍ଦ୍ର ସରକାର ଯଦି ଚାହୁଁଛନ୍ତି ସମ୍ବିଧାନ ଠିକ୍ ରହୁ ବୋଲି ତେବେ ସେ ମହାରାଷ୍ଟ୍ର ରାଜ୍ୟପାଳଙ୍କୁ ଫେରାଇ ନିଅନ୍ତୁ । ଶିବସେନା କହିଛି ମହାରାଷ୍ଟ୍ରରେ ମହା ବିକାଶ ଅଘାଡି(ଏମ୍ବିଏ) ସରକାର ସ୍ଥିର ଓ ମଜଭୁତ । କେନ୍ଦ୍ର ସରକାର ଏହା ଉପରେ ଆକ୍ରମଣ କରିବାକୁ ରାଜ୍ୟପାଳଙ୍କ ସାହାରା ନ ନେଉ । ଶିବସେନା ତା’ର ମୁଖପତ୍ର ସାମନାରେ ଲେଖିଛି କି କୋଶିୟାରୀ ଏବେ ଅଛନ୍ତି ଚର୍ଚ୍ଚାରେ । ସେ ତ କିଛିବର୍ଷ ହେବ ରାଜନୀତିରେ ସକ୍ରିୟ ରହିଛନ୍ତି । କେନ୍ଦ୍ରମନ୍ତ୍ରୀ ସହ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ମଧ୍ୟ ରହି ସାରିଛନ୍ତି । ହେଲେ ଯେବେଠାରୁ ସେ ମହାରାଷ୍ଟ୍ରର ରାଜ୍ୟପାଳ ଭାବେ କାମ ଆରମ୍ଭ କରିଛନ୍ତି ସେବେଠାରୁ ସେ ଖବରରେ ବା ବିବାଦରେ ରହୁଛନ୍ତି । ନିକଟରେ ରାଜ୍ୟପାଳ ବିମାନ ଯୋଗେ ଡେରାଡୁନ ବାହାରିଥିବା ବେଳେ ମହାରାଷ୍ଟ୍ର ସରକାର କିନ୍ତୁ ତାଙ୍କୁ ସରକାରୀ ବିମାନ ବ୍ୟବହାର କରିବାକୁ ଦେଇ ନ ଥିଲେ । ଫଳରେ ସେ ଘରୋଇ ବିମାନରେ ଯାତ୍ରା କରିଥିଲେ । ଏହାକୁ ନେଇ ଭାଜପା ଶିବସେନା ଉପରେ ବର୍ଷିଥିବା ବେଳେ ଆପଣଙ୍କୁ ଜାଣି ରଖିବା ଉଚିତ କି ଜଣେ ରାଜ୍ୟପାଳ ନିଜ କାମ ପାଇଁ ସରକାରୀ ବିମାନ ବ୍ୟବହାର କରିପାରିବେ ନାହିଁ ବୋଲି କହିଥିଲା ଶିବସେନା । ଏହା ଜାଣି ମଧ୍ୟ ଭାଜପା ଏବେ ଏହାକୁ ଇସ୍ୟୁ କରୁଛି ବୋଲି ମହାରାଷ୍ଟ୍ର ସରକାର କହିଛନ୍ତି ।
