କର୍ଲାମୁଣ୍ଡା,୧୭।୬ (ଡି.ଏନ.ଏ.)
କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ୍ ସାପଲହରା ପଞ୍ଚାୟତ ଅର୍ନ୍ତଗତ ସାପଲହରା ରାଜସ୍ବ ଗ୍ରାମର ହାମ୍ଲେଟ ହେଉଛି ବାଞ୍ଜିପଦର। ବ୍ଲକ କାର୍ଯ୍ୟାଳୟଠାରୁ ୮ କି.ମି. ଦୂରରେ ଥିବା ବାଞ୍ଜିପଦର ଗଁ। ର ଜନସଂଖ୍ୟା ୮୧୯। ୨ଟି ୱାର୍ଡ ବିଶିଷ୍ଟ ଏହି ଗଁାରେ ବିଭିନ୍ନ ବର୍ଗ ଲୋକେ ବସବାସ କରନ୍ତି। ଏହି ଗଁାର ଲୋକେ ଚାଷ ଉପରେ ନିର୍ଭର କରନ୍ତି। ଏଥିରୁ ପ୍ରାୟ ୪୦ ଭାଗ ଦିନ ମଜୁରିଆ ତଥା ଶ୍ରମିକ ଶ୍ରେଣୀର। ରାଜ୍ୟ ବାହାରକୁ ଏମାନେ ଦାଦନ ଶ୍ରମିକ ଭାବେ କାମ କରିବାକୁ ମଧ୍ୟ ଯାଇଥାନ୍ତି। ହେଲେ ବର୍ତ୍ତମାନ ସୁଦ୍ଧା ଏହି ଗଁାଟି ରାଜସ୍ବ ମାନ୍ୟତା ପାଇବାରୁ ବଞ୍ଚତ୍ତ ହୋଇଛି। ୨୦୦୦ରେ ସାପଲହରା ନୂଆ ପଞ୍ଚାୟତ ହୋଇଛି। ଏଣୁ ବାଞ୍ଜିପଦରକୁ ରାଜସ୍ବ ଗାଁର ମାନ୍ୟତା ଦେବାକୁ ଲୋକେ ଦାବି କରିଆସୁଛନ୍ତି। ହେଲେ ଏ ପର୍ଯ୍ୟନ୍ତ ଲୋକଙ୍କ ଦାବି ପୂରଣ ହୋଇ ନାହିଁ। ଏ ନେଇ ପୂର୍ବତନ ସମିତି ସଭ୍ୟ କମଳ ସାହୁ କହନ୍ତି ଯେ, ୨୦ ବର୍ଷ ହେଲା ଗଁାକୁ ରାଜସ୍ବ ମାନ୍ୟତା ମିଳିବା ପାଇଁ ଦାବି କରାଯାଉଛି। ଗ୍ରାମବାସୀ ନରୋତ୍ତମ ସାହୁ କହିଛନ୍ତି ଯେ, ରାଜସ୍ବ ମାନ୍ୟତା ପାଇବାର ସବୁ ଯୋଗ୍ୟତା ଥିଲେ ବି ଦାବି ପୂରଣ କରାଯାଉ ନାହିଁ। ବରୁଣ ସାହୁ ନାମକ ଗାଁର ଆଉ ଜଣେ ବ୍ୟକ୍ତି କହିଛନ୍ତି ଯେ, ରାଜସ୍ବ ଗାଁ ମାନ୍ୟତା ପାଇପାରୁ ନ ଥିବାରୁ ଅନେକ ସରକାରୀ ଯୋଜନାରୁ ଗାଁ ଲୋକଙ୍କୁ ଓ ଗାଁକୁ ବଞ୍ଚତ୍ତ ହେବାକୁ ପଡ଼ୁଛି।
