ରଣପଶି ରେଲ୍‌ଓ୍ବେ ଓଭରବ୍ରିଜ୍‌ରେ ଫାଟ: ଦୋଷ ଢାଙ୍କିବାକୁ ପିଚୁ ପ୍ୟାଚ୍‌

ଢେଙ୍କାନାଳ ଅଫିସ,୧୭ା୭-ଢେଙ୍କାନାଳ ସଦର ବ୍ଲକ ରଣପଶି ନିକଟରେ ପୂର୍ତ୍ତ ବିଭାଗ ପକ୍ଷରୁ ନିର୍ମିତ ରେଲୱେ ଓଭରବ୍ରିଜରେ ଫାଟ ସୃଷ୍ଟି ହୋଇଛି। ଏହି ଘଟଣା ପଦାକୁ ଆସିବା ପରେ ଦୋଷ ଢାଙ୍କିବାକୁ ତରବରିଆ ଭାବେ ଫାଟ ସ୍ଥାନରେ ପିଚୁ ପ୍ୟାଚ୍‌ ପକାଯାଇଛି। ଅନ୍ୟପଟେ ବକେୟା ବିଲ୍‌ ପୈଠ କରାଯାଇ ନ ଥିବାରୁ ଏନ୍‌ଜେନ୍‌ କର୍ତ୍ତୃପକ୍ଷ ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ କରିଦେଇଛନ୍ତି। ଉଜ୍ଜ୍ୱଳ ଆଲୋକୀକରଣ ବ୍ୟବସ୍ଥା ଥିବା ସତ୍ତ୍ୱେ ରାତିରେ ଅନ୍ଧକାରଚ୍ଛନ୍ନ ହୋଇପଡୁଥିବା ବ୍ରିଜ୍‌ ଅସାମାଜିକଙ୍କ ଆଡ୍ଡା ପାଲଟିଛି। ସମସ୍ୟାକୁ ଅଣଦେଖା କରି ପୂର୍ତ୍ତ ବିଭାଗ ଏବଂ ବ୍ଲକ ପ୍ରଶାସନ ପରସ୍ପରକୁ କାଦୁଅ ଫିଙ୍ଗାରେ ବ୍ୟସ୍ତ ଥିବାବେଳେ ହୀନସ୍ତା ହେଉଛନ୍ତି ପଥଚାରୀ।
ଢେଙ୍କାନାଳ-କାମାକ୍ଷାନଗର ରାସ୍ତାର ରଣପଶିରେ ୨୦୧୯ ଫେବୃୟାରୀ ୨୪ରେ ଲୋକାର୍ପିତ ହୋଇଥିଲା ୮୩୭.୬୬ ମିଟର ଲମ୍ବ ଏବଂ ସାଢ଼େ ୧୦ମିଟର ପ୍ରସ୍ଥ ବିଶିଷ୍ଟ ରେଲ୍‌ଓ୍ବେ ଓଭର ବ୍ରିଜ୍‌। ରାଜ୍ୟ ସରକାର ଏବଂ ରେଲଓ୍ବେ ବିଭାଗର ମିଳିତ ସହଯୋଗରେ ନିର୍ମିତ ହୋଇଥିବା ଉକ୍ତ ବ୍ରିଜ୍‌ରେ ଖର୍ଚ୍ଚ ହୋଇଥିଲା ୨୪ କୋଟି ଟଙ୍କା। ଉଦ୍‌ଘାଟନ ହେବାର ମାତ୍ର ୪ ମାସ ମଧ୍ୟରେ ବ୍ରିଜ୍‌ର ଦ୍ୱିତୀୟ ସ୍ପାନ ନିକଟରେ ଫାଟ ସୃଷ୍ଟି ହୋଇଛି। ବ୍ରିଜ ଉପରେ ଯାତାୟାତ କରୁଥିବା ଯାନବାହନଗୁଡ଼ିକର ଚକ ଉକ୍ତ ଫାଟରେ ଖୁବ୍‌ ଜୋର୍‌ରେ ପିଟି ହେଉଥିଲା। ଏହା ଜଣାପଡ଼ିବା ପରେ ପୂର୍ତ୍ତ ବିଭାଗ ପକ୍ଷରୁ ତରବରିଆ ଭାବେ ସେଲମାର୍କ ପିଚୁ ପ୍ୟାଚ ପକାଯାଇଛି।
ଯାତ୍ରୀଙ୍କ ସୁରକ୍ଷା ପାଇଁ ବ୍ରିଜର ଉଭୟ ପାର୍ଶ୍ୱରେ ଲାଇଟ୍‌ ଲଗାଯାଇଛି॥ ତେବେ ଉଦ୍‌ଘାଟନ ହେବା ପରଠାରୁ ଏ ଯାଏ ବକେୟା ବିଦ୍ୟୁତ୍‌ ବିଲ୍‌ ବାବଦ ୪୦ ହଜାର ଟଙ୍କା ଦିଆଯାଇନାହିଁ। ତେଣୁ ଏନ୍‌ଜେନ୍‌ ପକ୍ଷରୁ ବିଦ୍ୟୁତ ସଂଯୋଗ କାଟି ଦିଆଯାଇଛି। ସଞ୍ଜ ହେଉ ହେଉ ବ୍ରିଜ୍‌ରେ ଅନ୍ଧାର ରାଜୁତି କରୁଛି। ପ୍ରଥମରେ ଆଲୋକୀକରଣ ବ୍ୟବସ୍ଥା ରକ୍ଷଣାବେକ୍ଷଣ ଦାୟିତ୍ୱ ଗେଙ୍ଗୁଟିଆ ପଞ୍ଚାୟତକୁ ଦିଆଯାଇଥିବା କୁହାଯାଇଥିଲା। ହେଲେ ପୂର୍ତ୍ତ ବିଭାଗ ବର୍ତ୍ତମାନ ସୁଦ୍ଧା ଏହି ଦାୟିତ୍ୱ ପଞ୍ଚାୟତକୁ ହସ୍ତାନ୍ତର କରିନାହିଁ। ତେଣୁ ପଞ୍ଚାୟତ କର୍ତ୍ତୃପକ୍ଷ ଏନ୍‌ଜେନ୍‌ ଉପଭୋକ୍ତା ହୋଇପାରିନାହାନ୍ତି। ଏପରି ସ୍ଥିତିରେ ବକେୟା ବିଦ୍ୟୁତ୍‌ ବିଲ୍‌ କିଏ ପ୍ରଦାନ କରିବ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଏସବୁ ଭିତରେ ପୂର୍ତ୍ତ ବିଭାଗ ପକ୍ଷରୁ ତୁରନ୍ତ ବିଦ୍ୟୁତ ଦେୟ ପ୍ରଦାନ କରିବା ପାଇଁ ୨୦୧୯ ଜୁଲାଇ ୧୧ରେ ପତ୍ର ନଂ. ୩୫୮ ଏବଂ ବ୍ଲକ କର୍ତ୍ତୃପକ୍ଷଙ୍କୁ ଅବଗତ କରାଯାଇଥିଲା। ମଙ୍ଗଳବାର (୧୬ତାରିଖ)ରେ ବ୍ଲକ କର୍ତ୍ତୃପକ୍ଷ ଉକ୍ତ ଚିଠି ପାଇଛନ୍ତି। ଏଥିସହ ଗେଙ୍ଗୁଟିଆ ପଞ୍ଚାୟତକୁ ତୁରନ୍ତ ଉଜ୍ଜ୍ୱଳ ଆଲୋକୀକରଣ ବ୍ୟବସ୍ଥା ହସ୍ତାନ୍ତର କରିବାକୁ ପୂର୍ତ୍ତ ବିଭାଗକୁ ପାଲଟା ଚିଠି ଲେଖିଛନ୍ତି। ସହରରେ ଉଭୟ କାର୍ଯ୍ୟାଳୟ ଥିବା ସତ୍ତ୍ୱେ ଏଥିରୁ ଦୁଇ ବିଭାଗ ମଧ୍ୟରେ କେତେ ସମନ୍ବୟ ରହିଛି ତାହା ସ୍ପଷ୍ଟ ଅନୁମେୟ।
ଏ ନେଇ ପୂର୍ତ୍ତ ବିଭାଗ ସହକାରୀ ଯନ୍ତ୍ରୀ ନିର୍ମଳ ଚନ୍ଦ୍ର ସ୍ବାଇଁ କୁହନ୍ତି, ବ୍ରିଜ୍‌ରେ ଦ୍ୱିତୀୟ ସ୍ପାନ ପାଖରେ ୩ ଇଞ୍ଚର ଓୟାରିଂ କୋଟ୍‌ ଫାଟିଥିଲା। ଏକ ଜଏଣ୍ଟ ଆଙ୍ଗଲ ଛାଡ଼ିଯିବା ଯୋଗୁ ଗାଡ଼ିଗୁଡିକର ଚକା ପିଟି ହେଉଥିଲା। ଆଙ୍ଗଲକୁ ୱେଲଡିଂ କରିବାକୁ ପଡିବ। ଏବେ ପିଚୁ ପ୍ୟାଚ୍‌ ଦିଆଯାଇଛି। ଏଥିରେ କୌଣସି ବିପଦ ନାହିଁ। ଲାଇଟ୍‌ ବ୍ୟବସ୍ଥା ପାଇଁ ଗେଙ୍ଗୁଟିଆ ପଞ୍ଚାୟତକୁ ଉପଭୋକ୍ତା କରିବାକୁ ଜୁଲାଇ ୧୧ରୁ ବିଡିଓଙ୍କୁ ଚିଠି କରାଯାଇଛି। ସେ ୧୨ ତାରିଖରେ ଚିଠି ପାଇଥିବା ଜଣାପଡ଼ିଛି। ହେଲେ ମଙ୍ଗଳବାର ଚିଠି ପାଇଥିବା କହୁଛନ୍ତି। ପୂର୍ତ୍ତ ବିଭାଗ ମନ୍ତ୍ରୀ ମୌଖିକ ଭାବେ ଗେଙ୍ଗୁଟିଆ ପଞ୍ଚାୟତକୁ ଆଲୋକୀକରଣ ବ୍ୟବସ୍ଥାର ଉପଭୋକ୍ତା ହେବାକୁ କହିଦେଇଥିଲେ। ତଦନୁଯାୟୀ ଏହି କାର୍ଯ୍ୟ ହୋଇଯାଇଥିବ ବୋଲି ଭାବିଥିଲୁ କହି ସେ ନିଜ ମୁଣ୍ଡରୁ ଦୋଷ ଛଡ଼ାଇ ଦେଇଛନ୍ତି। ଏ ନେଇ ସଦର ବ୍ଲକ ଦାୟିତ୍ୱରେ ଥିବା ଏବିଡିଓ ଝାଡେଶ୍ୱର ଦାସ କୁହନ୍ତି, ମଙ୍ଗଳବାର ଆମେ ଚିଠି ପାଇଛୁ। ଲାଇଟ୍‌ ରକ୍ଷଣାବେକ୍ଷଣା ବ୍ୟବସ୍ଥା ପୂର୍ତ୍ତ ବିଭାଗ ହସ୍ତାନ୍ତର କରିନାହିଁ। ଏଥିପାଇଁ ଚିଠି ଲେଖାଯାଇଛି। ଏନ୍‌ଜେନ୍‌ ଏସ୍‌ଡିଓ ବିବେକ ମହାପାତ୍ର କୁହନ୍ତି, ୪ମାସର ୪୦ହଜାର ଟଙ୍କା ବିଲ ବାକି ପଡ଼ିଛି।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?