ନୂଆଦିଲ୍ଲୀ,୧୭ -୮: ମାଲେସିଆର ସ୍ବତନ୍ତ୍ର ଧରଣର ପାମ୍ ତେଲର ଆମଦାନୀ ଅହେତୁକ ବୃଦ୍ଧି ପାଇଛି। ସଲଭେଣ୍ଟ ଏକ୍ସଟ୍ରାକ୍ଟର୍ସ ଆସୋସିଏଶନ ଅଫ୍ ଇଣ୍ଡିଆର ଅଭିଯୋଗ କ୍ରମେ କେନ୍ଦ୍ର ସରକାର ଏହାର ଯାଞ୍ଚ ଆରମ୍ଭ କରିଛି। ବାଣିଜ୍ୟ ମନ୍ତ୍ରଣାଳୟ ଅଧୀନ ଯାଞ୍ଚ ଏଜେନ୍ସି ଡାଇରେକ୍ଟୋରେଟ ଜେନେରାଲ ଅଫ୍ ଟ୍ରେଡ୍ ରେମେଡିଜ୍(ଡିଜିଟିଆର୍) ଏହାର ଯାଞ୍ଚ କରିବ। ମାଲେସିଆରୁ ପାମ୍ ତେଲର ଆମଦାନୀ ଜବରଦସ୍ତ ବୃଦ୍ଧି ଦ୍ୱାରା ଘରୋଇ ଉତ୍ପାଦକ ପ୍ରଭାବିତ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି ଯେ, ଡିଜିଟିଆର୍ ପକ୍ଷରୁ କୁହାଯାଇଛି। ଆମଦାନୀ ବୃଦ୍ଧି ଦ୍ୱାରା ଘରୋଇ ଉତ୍ପାଦକ ପ୍ରଭାବିତ ହୋଇଥିବା ସମ୍ପୂର୍ଣ୍ଣ ପ୍ରମାଣ ମିଳିବା ମାତ୍ରେ ପାମ୍ ତେଲର ଆମଦାନୀ ଶୁଳ୍କ ବୃଦ୍ଧି ଲାଗି ସରକାରଙ୍କୁ ସୁପାରିସ୍ କରାଯିବ ବୋଲି ଡିଜିଟିଆର୍ ପକ୍ଷରୁ ଏକ ବିଜ୍ଞପ୍ତି ପ୍ରକାଶ କରି କୁହାଯାଇଛି। ଭାରତ-ମାଲେସିଆ ଦ୍ୱିପାକ୍ଷିକ ଚୁକ୍ତି ନିୟମ, ୨୦୧୭ ଅଧୀନରେ ଏହି ଯାଞ୍ଚ କରାଯିବ ବୋଲି କୁହାଯାଇଛି।
