ଛତ୍ରପୁର,୧୪ା୧୨(ଡି.ଏନ.ଏ.)-ଗଞ୍ଜାମ ଜିଲା ଚମାଖଣ୍ଡି ଥାନା ଜଗନ୍ନାଥପୁର ଜାତୀୟ ରାଜପଥ ସମ୍ମୁଖ ଏକ ଢାବା ନିକଟରେ ଶୁକ୍ରବାର ଭୋର୍ରେ ଏକ ହାଇୱା ପଛରେ ଟ୍ରାଭେଲର୍ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣକର ମୃତ୍ୟୁ ଘଟିଥିବା ବେଳେ ୫ ପୋଲିସ କର୍ମଚାରୀଙ୍କ ସମେତ ୮ ଜଣ ଆହତ ହୋଇଛନ୍ତି। ମୃତକ ହେଲେ ଦୁର୍ଘଟଣାଗ୍ରସ୍ତ ଟ୍ରାଭେଲର ମାଲିକଙ୍କ ଭଣଜା ତଥା ମାଲକାନଗିରି ଜିଲା ଏମ୍ଭି-୯୧ର ସୌରଭ ବେପାରୀ। ଆହତମାନଙ୍କୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା। ଜଣଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି। ପ୍ରକାଶ ଯେ, ମାଲକାନଗିରି ଜିଲା ଟ୍ରେଜେରୀ ଅଫିସ୍ କର୍ମଚାରୀ ଷ୍ଟାମ୍ପ ପେପର ଆଣିବା ପାଇଁ ଟ୍ରାଭେଲର (ନଂ.ଓଡି୦୫ଏଏନ୍୧୯୪୮)ରେ ଭୁବନେଶ୍ୱର ଅଭିମୁଖେ ଯାଉଥିଲେ। ସୁରକ୍ଷା ପାଇଁ ୫ ପୋଲିସ କର୍ମଚାରୀ ମଧ୍ୟ ଉକ୍ତ ଗାଡ଼ିରେ ଥିଲେ ା ଭୋର୍ରେ ଚାଳକ ଭାରସାମ୍ୟ ହରାଇବାରୁ ଜଗନ୍ନାଥପୁର ନିକଟ ଏକ ଢାବା ସମ୍ମୁଖ ଜାତୀୟ ରାଜପଥରେ ଠିଆ ହୋଇଥିବା ହାଇୱା ପଛରେ ଟ୍ରାଭେଲରଟି ପିଟି ହୋଇଯାଇଥିଲା। ଫଳରେ ସେଥିରେ ଥିବା ସୌରଭ, ଟେଜରୀ ଅଫିସର ୩ କର୍ମଚାରୀ ଏବଂ ୫ ପୋଲିସ ଆହତ ହୋଇଥିଲେ। ସମସ୍ତଙ୍କୁ ବ୍ରହ୍ମପୁର ବଡ ମେଡିକାଲକୁ ନିଆଯାଇଥିଲା। ସେଠାରେ ସୌରଭଙ୍କୁ ଡାକ୍ତର ମୃତ ଘୋଷଣା କରିଥିଲେ ା ଟ୍ରେଜରୀ ଅଫିସର ଜଣେ କର୍ମଚାରୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ଏ ନେଇ ଚମାଖଣ୍ଡି ଥାନା ପୋଲିସ ମାମଲା (ନଂ.୧୬୬/୧୯) ରୁଜୁ କରିଛି।
